ده كان حلم

[Mohamed Reda]

فلسطينية شافت رؤية ان للى هينشر الخبردة ربنا هيفرحة بعد اربع ساعات والله شخص اسمه محمد اقسم بالله انه راى الرسول فى منامه وقال له بلغ الاسلام والمسلمين عنى السلام فمن ينشرها خلال اربعه ايام فسوف يفرح فرحا شديداوستسمع خبر مفرح الليل ومن يتجاهلها فسوف يحزن حزنا شديدا (لا الاه الا الله سبحانك انى كنت من الظالمين


بالظبط كده ده اللي اتبعتلي النهارده وبرضه قبل كده كتير علي الماسنجر


انا بصراحة مش فاهم ايه ده؟؟

هما تقريبا اتنين حلموا ؟؟؟!!!!!!!!!!!!!!!!!!

واحد اسمه محمد (محمد مين الله أعلم)!!!!!!!!!!!


ال ايه شاف الرسول (عليه الصلاه والسلام) بيقوله بلغ الاسلام (مش عارف المقصود مين وازاي هيبلغ الاسلام ) والمسلمين (كل المسلمين ..اه اكيد عن طريق الماسنجر) السلام

أوك نمشيها دي @@@

ايه حكاية الاربعة ايام بقه؟ مين اللي قالوا علي حكاية الاربع ايام دي؟ (من ينشرها خلال اربعه ايام فسوف يفرح فرحا شديداوستسمع خبر مفرح الليل ومن يتجاهلها فسوف يحزن حزنا شديدا )..
يعني ده تبع الحلم نفسة ولا حلم تالت انا مش عارف..


أكيد الحلم ده حصل الاول

وبعد كده واحده تانية خالص حلمت ان اللي هينشر الخبر ده (بتحلم بحلم الاول).. جايز برضه.. بتحصل في احسن العائلات.. ربنا هيفرحة بعد أربع ساعات (اشمعني اربع ساعات؟؟ يعني افرض كنت نايم مثلا؟؟) ايه موضوع الاربعة النهارده وافرض مثلا النت قاطع اعمل ايه؟ وايه فايده انها فلسطينية او فليبينية؟ ايه الفرق؟؟


دا حتي الدعاء مكتوب غلط (لا الاه الا الله سبحانك انى كنت من الظالمين)!!!!!!!!!!!!!!!!!!!!!!

وخدوا بقه من ده كتير اللي عمال يحسبلك الحسنات كاننا واقفين في بقالة (لو نشرتها هتاخد 30000 حسنة) ولو مانشرتهاش انت حر بقه واتحمل الي هيجرالك!!!! وممكن يكون باعت الكلام وكله اخطاء واحيانا اكاذيب بس المهم يبعتها علشان ياخد التلاتين الف حسنة !!!

وخد من ده كتير ..
يقولك النهارده حصل كذا ونفس الكلام يكون مبعوتلي من 3 سنين مثلا.. والله حاجة تضحك

لا إله الا انت سبحانك اني كنت من الظالمين

[yojeena]

والله انا برضو مش فاهمه مين اللي حلم فيهم
يمكن الاولي بتحكي عن اللي حصل للتاني.........الله اعلم
علي العموم يمكن يكون شاف الرسول صلي الله عليه وسلم فعلا وعايز يعرف الناس بس الاسلوب بتاعه غلط
لازم الواحد يتأكد من الحاجه قبل نشرها
ويا رب يرزقنا كلنا بشرف رؤيه الحبيب المصطفي في المنام

[Sincerity]

فعلا دكتور محمد انا كذا مره افتح الايميل والاقى رسايل من دى وانا كنت عملت موضوع هنا على المنتدى وسألت الزملاء عن مدى صحه هذه الرسائل وماشاء الله دكتور أنس كان رد وده الاقتباس بتاع الرد

الرسايل دي منها أنواع كتير

في فترة من الفترات عندنا في البلد كانت بتتوزع على أبواب المساجد يوم الجمعة

و كانت الرسالة بتبدأ بمقدمة شهيرة جدا مهما اختلف المضمون
" ... من الحاج أحمد حامل مفاتيح قبر النبي عليه الصلاة و السلام ...
الى جميع المسلمين
السلام على من اتبع الهدى ... أما بعد ...
فقد أخذتني سنة من النوم بجوار قبر الحبيب عليه الصلاة و السلام ... و أتاني في منامي قائلا ..."

و يحط بعدها بقى أي كلام هو عاوزه سواء دعاء أو أي حاجة ... و أحيانا بتكون دعايا انتخابية !!!!

و يختم الرسالة برضه بخاتمة أشهر من مقدمتها ...
" ... و قد وعدني بأن من يوزع عدد كذا نسخة -يحط أي رقم عاوزه- سيتلقى خبرا سعيدا ...في خلال فترة كذا من الزمن ...
و من سيهملها سيعيش تعيسا طيلة حياته و يأتيه خبر محزن في أقرب وقت ..."

و تأكيدا على كلامه يقوم كاتب بعدها ...
" ... و أن رجل أعمال سعودي بمدينة جدة قام بتوزيع كذا نسخة منها
و جاءه خبر اتمام صفقة بعدة ملايين من الريالات ...
و أن طبيب - سعودي برضه - أهملها و أنكر ما فيها
جاءه خبر أن سيارة دهست ولده و مات ... "

و للأسف كان في - و ما زال - أناس كثيرين من ضعاف القلوب و ضعاف الإيمان اللي بيصدقو الحاجات دي و يساعدو على نشرها من غير ما يقصدو

و أحيانا ... تلاقي البعض يقول
" أديني ببعتها و خلاص و أنا مش خسران حاجة ... إن لم تنفع فلن تضر "
و ده و العياذ بالله أثم عظيم

لأن الضار و النافع هو الله وحده سبحانه و تعالى

و ممكن الاعتقاد بإن حاجة زي دي تنفع أو تضر ممكن يكون نوع من أنواع الشرك أعاذنا الله و إياكم منه

و في الفترة الأخيرة ... مع انتشار النت و المحمول
بدأت هذه الخرافات في العودة من جديد في أشكال أخرى ...
و كلنا بنشوفها و بيجيلنا منها كتير ...

و الحل الأمثل للتعامل مع الرسايل دي هو التجاهل التااااااام

و ممكن نكون إيجابيين أكتر ... و نبعت رسالة للي بعت لنا الرسالة دي
نعرفه و نوضحله بأسلوب لين و نقوله ان ده لا يجوز
سواء ارسال مثل هذه الرسائل أو حتى الاعتقاد في أن لها ضرر أو نفع

و ساعتها يبقى خدنا ثواب الأمر بالمعروف و النهي عن المنكر مع استحضار هذه النية

و جزاكم الله خيرا ...

وده لينك الموضوع للى عاوز يشوف الردود التانيه


http://www.pharma-board.com/board/showthread.php?t=7885

وشكرا ليك دكتور محمد على اثاره الموضوع

[drsherbiny]

من كذب عليا متعمدا فليتبوء مقعده من النار

[summer breeze]

بتجيلي كتييييييييييير جدا وعمري مابعتها لاني كنت سمعت فتوى بكده والشيخ قال تجاهلوها وقال كمان ان دي احيانا بتكون حركه من شركات المحمول في حاله الرسايل اللي بتيجي على الموبايل علشان يزودوا ارباحهم

مشكووووووووووور يا د_محمد على اثاره الموضوع

[Dr nour]

فعلا الرسايل دى منتشره جدا وللأسف احنا بنساعد على نشرها لأننا من غير مانفكر بنقتنع أو على الأقل مش بنفكر فى صحه الكلام من عدمه كل اللى بنعمله بنرسلها على طول
وشكرا يادكتور على طرح حضرتك للموضوع

[قناع الذهب]

جزاك الله كل خير يا دكتور وطبعا الحاجات دى مابتبقاش حقيقية ومش لازم نصدقها لانها انتشرت جدا جدا فى الفترة الاخيرة وشكرا على اثارة الموضوع دا

[تارك الدنيا]

المصيبة بجد المصيبة ان بعض المدرسين بيطبعوا حاجات من دى

ويوزعوها على الطلبة فى المدارس


فى يوم اختى جاية من المدرسة ومعاها ورقة

شوفتها قالتلى الابلة هى اللى وزعتها علينا


حسبى الله ونعم الوكيل

الجهل يعمل اكتر من كده

[Mohamed Reda]

I hope we also read this article as many of these news and facts are posted everyday

http://www.pharma-board.com/board/showthread.php?t=8161

[Rainbow]

اه دي حاجات بيعملها الصوفه وكتير اووي من الحاجات دي قراتها وانا صغير مثلا

يكتب موضوع في ورق ويقول فيه زارت السيده خديجه فلان او رسول الله (صلي الله عليه وسلم) وفي اخر الموضوع

ينذر ان لو حد قرأ الورقه ومصورهاش ووزعها يفتقر بعد مده ويبشر من يوزعها بالخير

بس اللي انا مستغربه هما وصلوا للنت كمان