من اسمك و برجك.. هل ستتزوج من تحب ؟

[أمــ هـنـد ــة الله]

من اسمك و برجك هل ستتزوج من تحب ؟







كثرت في الآونة الأخيرة المواقع والمواضيع التي تخبرك عن شخصيتك وشخصية من تحب

أحببت أن أقدم لكم اليوم ..وكعادة هذا المنتدى الرائع في تقديم كل ما هو مميز وجديد ... ورغبة منا في تحقيق السبق في كل شئ

أحببت أن اقدم لكم هذا الموقع الرائع والذي أعتبره الوحيد الذي له مصداقية ...

وقد قال تعالى
( وعلامات وبالنجم هم يهتدون )
التنجيم علم قديم ... لا أحد ينكره فهو كعلم الفلك .. بالإضافة إلى أن كل ذلك مبني على دراسات وتجارب وعلم نفس .. ولم يكن الدين أبدا متعارضا مع العلم...
كل ما عليك هو:
إدخال اسمك الحقيقي
برجك
تاريخ الميلاد
تحصل على حظك وحالتك النفسية بصفة عامة
لو أحببت ... ادخل اسم من تحب وتاريخ ميلاده .. حتى تعلموا هل ستكتب لكم السعادة لو تزوجتم .. وهل انتم تصلحون للزواج من بعضكم البعض
لمعرفة حظك ومستقبلك .. فكل ما عليك زيارته هو الآتي:








(عالم الغيب فلا يظهر على غيبه أحدا )..









أما بالنسبة للزواج ممن تحب فخذ هذا الموقع:
















(الخبيثات للخبيثين و الخبيثون للخبيثات ، والطيبات للطيبين و الطيبون للطيبات )..






أما الحالة الإجتماعية فخذ عندك هذا الرابط
(ومن اعرض عن ذكري فإن له معيشةً ضنكا )..







ولتعرف حالتك النفسية تفضل لهذا الموقع الرائع
( فمن يرد الله أن يهديه يشرح صدره للإسلام ومن يرد أن يضله يجعل صدره ضيقا حرجا كأنما يصعد في السماء كذلك يجعل الله الرجس على الذين لا يؤمنون )..







وأما القلوب ... فهذا هو علاجها الوحيد .. مع العلم أن الوصفة مباشرة من رب العالمين
( ألا بذكر الله تطمئن القلوب )..









ما كانت النجوم أبدا ... إلا ليهتدي بها المسافرون أو لمعرفة دخول الشهور ..





فأعجب كيف يمكن أن يقع المرء في حياض الشرك بسبب حظك .. أو اعرف كذا أو كذا من خلال اسمك أو تاريخ ميلادك والله المستعان
قال
(من اقتبس علما من النجوم ، اقتبس شعبة من السحر ، زاد ما زاد )
الأبراج محرمة شرعا باتفاق الأئمة .. فهي ضرب من الكهانة والعرافة .. وكل ما فيها كذب ودجل
اتقوا الله يا أهل الأبراج .. حرام والله أن تبيعوا دينكم لمثل هذه الأمور ولو من باب المزاح والفضول ..
الكل يعلم أن الأبراج تعتمد على النجوم
كل ما يتحدثون عنها هي أمور غيبية تخص الله عز وجل وحده

إن قالوا علم .. فهو كهانة وكفر .. وإن قالوا تقديرا للأمور ... فهو كذب و إدعاء باطل من الشيطان يضعف به الثقة بالله والتوكل عليه
(إن أخوف ما أخاف على أمتي في آخر زمانها : النجوم ، و تكذيب بالقدر ، و حيف السلطان)
أحيانا .. الواحد يضيق صدره لو خرجت منه كلمة غيبة في حق أحد ... يتخيل إنه سوف يدخل النار بسببها .. ويستغفر طوال اليوم
لا أعلم بما يشعر من يلجأوا لمثل هذه الأمور ... ولو من باب المزاح والفضول .. إن لم يروا الدنيا سوداء في أعينهم ... وتضيق بذلك صدورهم ... وتنشرح للمعاصي نفوسهم ... فأعتقد والله أعلم أن هذا من غضب الله عليهم
جاء في الحديث الشريف
(لقد برأ الله هذه الجزيرة من الشرك ما لم تضلهم النجوم )..

.....
ف اماااااااان الله

[Anas]

والله و أنا بقرأ المقدمة كنت ها



و جهزت رد عليها
بس الحمد لله حضرتك لحقتي نفسك و الكلام اتغير خالص

و ربنا يرزق شباب و بنات المسلمين بالزوجات الصالحات و الأزواج الصالحين

[أمــ هـنـد ــة الله]

طب الحمد لله ان حضرتك مش ها


افتكر انى كنت سمعت من زمان عن حلقة من مسلسل ما

كانت الزوجه بتقول انها من برج لا يتوافق مع زوجها وده ما قراته ف كتاب لشخص يقال انه خبير ف الحاجات دى

وعشان هيا صدقت الكلام ده بس بعد زواجها ومع انها كانت عايشه سعيدة

بعد معرفتها بعدم التوافق انقلبت حياتها "هيا اللى قلبتها اكيد " وكانت مصرة ع الطلاق

لدرجه ان امها قالت لها انتى مش مولوده ف اليوم ده "بتكذب "

المهم انها راحت للشخص اللى كاتب الموضوع وقالت له وكانت الصدمة بالنسبة لها

انها لقت ان الشخص ده غير متوافق مع برج زوجته بس هما مبسوطين وعايشين ف سعادة

وبدأ يشرح لها انه مش بالضرورة يكون فيه عدم توافق وما يبقوش سعداء


انا بصراحه كنت بحب اشوف الابراج بس مش حظك اليوم والكلام ده

بس احب اشوف مثلا البرج بتاعى والصفات اللى بتتقال عنه بس مش عارفه ده ايه

صح ولا غلط

[Anas]

بمناسبة الكلام عن الأبراج و حظك اليوم اللي بنشوفها في المجلات و الجرايد على طول

والدي حكالي انه كان مسئول عن صفحة يوم الأجازة في احدى الجرائد في دولة خليجية
و كان من ضمن فقراتها حكاية حظك اليوم دي
ف هو احتار يحط فيها ايه لان الفكرة دي غلط أساسن
قام مألف 12 جملة حلوين " بعدد الأبراج "
و نزلهم في أول عدد
جه العدد التاني قام ملخبط الجمل دي مكان دي و جملة هنا تروح هناك
و هكذا في الأعداد التالية ... و محدش خد باله
لان اللي بيقرأ بيشوف ما يخصه بس و ملوش دعوة بغيره

و أكيد اللي بنشوفه في الجرايد بيحصل فيه حاجة زي كده

[ahmed kewan]

انا كنت مجهز لسانى والله
وانا لما بطلق للسانى العنان
محدش بيوقفني

المهم الكلام سليم
مينفعش نعرف مستقبلنا م الابراج
وان كان ممكن في بعض الاحيان
اصدق المواصفات العانه للبرج
يعني انا سمعت مره حد بيتكلم
فاتكلم عن سلوك برج الدلو اللي انا منه
طلع الكلام ده فعلا فيا
ففيه فرق بين ان اعرف مستقبلي وايه اللي هيجرالى منه
وده اكيد حرام لانه لا يعلم الغيب الا الله

حلمى كبير

[قناع الذهب]

جزاكى الله كل خير يا هنودة والظاهر ان انا الوحيدة اللى مكنتش مجهزة لسانى فعلا الانسان المفروض يسيبها لله ومايثقش فى كلام الابراج والدجالين لان الحاجات دى بتبعدة عن ربنا وبتلهية ومحدش يعرف الغيب غير ربنا
بس فية ناس بتحب تعرف الحاجات دى حب استطلاع بس
انما اكيد حرام طبعا يللا ربنا يبعدنا عن اى حاجة تبعدنا عن طريقة وتقربنا من النار
وشكرا مرة تانية يا قمر

[same7]

طب انا مبعرفش اللى هيحصلى فى المستقبل لكن لما قرأت مواصفات البرج اللى انا فيه لقيت حاجات كتير متوافقه معايا
فدة يبقى ايه؟
حتى المواضيع اللى هيا اتعرف على نفسك
او اعرف شخصيتك
او ما شابه ذلك
كتير قوى بتتفق مع شخصيتى فعلا
وشكرا يا امــ هند ــه الله على الموضوع

[dr/nour]

موضوع رائع جداااااااااااااااااااااااااااا هند
وربنا يهدينا جميعا

[noso noso]

انا طبعا مش مقتنعه بحظك والكلام ده

وحظك السنوى والشهرى واليومى وكل ده هبل طبعا


لكن انا عن نفسى بحب اعرف صفات كل برج وخصوصا للى حوالى بس مش مؤمنه بيها ميه فى الميه


وفعلا فى اوقات بيحصل توافق مع صفات البرج واحيانا كتير لاااااااا


لكن الحظ بتاع الجرايد ده بيكون واضح اوى انه من تاليف اى حد


ومشكوووره على الموضوع

[**SAMAR_RESALA**]

موضوع مميز يا هنوده من العنوان كله كان متحفزلك بس أنا من قبل ما أدخل على الموضوع وأنا عارفه أنتى هتكتبى أيه لأنى عارفه كويس إنك مش يتصدقى فى حظك اليوم والكلام ده أنا بس اللى فعلاً بلاقيه متوافق معايا هى صفات برجى والله أعلم ممكن تكون صدفه برده
دمتى فى حفظ الله