لاحظت ولا

[same7]

بسم الله الرحمن الحيم





فى حاجه كدة لاحظتها فى الكليه ومش لاقيلها تفسير محدد
ان قال ايه
مدرج عداداى>اولى>ثانيه>ثالثه>رابعه


فدة بقى ليه يا ترى عشان
1-الناس بتدبلر كتير
2-محدش بيحضر..... بس معتقدش
وحقى ثلث دفعه اولى مدبلرة السنه اللى فاتت
بتهيألى دى نسبه كبيرة؟ ولا ايه؟
ويا ترى حد لاحظ كدة ولا انا اللى بشوف غلط
يا ريت حد يفيدنى بجد لان الموضوع يقلق

[treka 22]

اه طبعا المدرجات كل مابنكبر هى بتصغر ودا لان الناس بتعقل ومعتدش بتحضر محاضرات

[Larine_Resala]

اه طبعا المدرجات كل مابنكبر هى بتصغر ودا لان الناس بتعقل ومعتدش بتحضر محاضرات

أة والله فعلا لأن احنا كل ما بنكبر بنفوق ونعرف انها مش فارقة كتير فبنكبر دماغنا ومانبنحضرش

[same7]

أة والله فعلا لأن احنا كل ما بنكبر بنفوق ونعرف انها مش فارقة كتير فبنكبر دماغنا ومانبنحضرش

لو السبب اننا بنعقل يبقى حلو لكن لو عشان فى نسبه كبيرة بتدبلر يبقى لازم ناخد مناعه

[..::ciZar_Resala::..]

اه طبعا المدرجات كل مابنكبر هى بتصغر ودا لان الناس بتعقل ومعتدش بتحضر محاضرات

أعتقد إن الناس فعلاً مبتحضرش المحاضرات .. لكن دا مش عقل .. ده قلة عقل .. لأن المعلومات اللى بتتقال فى المحاضرة عمرك ما هتاخدها من أى مكان تانى " على اختلاف الأماكن .. و المصادر " .. مهما كان المصدر بتاعك موثوق .. و حضور المحاضرة له طعم تانى .. حتى و إن كنت بتحضر .. لمجرد إنك تشوف زمايلك

أة والله فعلا لأن احنا كل ما بنكبر بنفوق ونعرف انها مش فارقة كتير فبنكبر دماغنا ومانبنحضرش

صدقنى .. لو فكرت شوية .. هتلاقى مفيش أحسن من إنك تحضر المحاضرة .. لو حضرت .. هتعرف إن نص الكلام اللى بيتقال برّه .. مجرد عك .. و ملوش لازمة .. و هتعرف الدكتور مركز على إيه .. و آخد باله من إيه .. و إيه الزيادة و إيه اللى ناقص .. و ده ليه فايدة كبيرة جداً فى أيام الامتحانات .. و الناس اللى زى حالاتنا .. اللى أول مرة بيشوفوا المادة ليلة الامتحان !!

[..::ciZar_Resala::..]

نسيت أكتب رأيى فى الموضوع ..

أنا رأيى الشخصى هو إن المدرجات كل ما السنين بتزيد .. بتصغر .. و ده لأن فعلاً فى نسبة كبيرة بتدبلر .. للأسف ... و ده واقع و احنا عايشينه .. مش لأن الناس مش أد الكلية اللى داخلاها .. و لا لأنهم مش فاهمين حاجة .. لكن أعتقد إن فى سببين ..

السبب الأول إن الناس بتبقى لسة جاية من ثانوية عامة .. و فكرتها عن الكلية إنها " الراحة " .. أو الرست بعد سنتين عناء فى الثانوى العام .. و تتفاجىء الناس فى أيام الامتحانات إنك كان لازم تذاكر مذاكرة ثانوية عامة .. و ف بعض الأحيان أكتر ..

السبب التانى و ده اللى بعانى منه أنا .. هو قلة المذاكرة .. نظراً للاشتغال بأمور أخرى .. أو سوء تقدير قدر صعوبة المادة و سهولتها

آسف ع الإطالة .. و تقبلوا مرورى

[dr moory]

1- للاسف فى نسبة كبيرة جدا دبلرت السنة اللى فاتت
2- مفيش حد يشجع على حضور المحاضرات

[summer breeze]

انا بقى رايي ان اكبر مدرج هو المدرج بتاع اعدادي لان كل اللي طالع من ثانويه عامه وداخل على صيدله بيبقى جاي بقى عامل فيها كوكو النجيب تلاقيه واقف قدام المدرج من الساعه 7 وبيحضر كل المحاضرات بيفهم ولا مش بيفهم وبيكتب كل حاجه والمدرج الوحيد اللي بتلاقي فيه الناس واقفه مع كبره مش بيكفي لان كله بيحضر وواخدين العمليه جد قوي
مع بدايه الترم التاني او بالكتير قوي وقت طلوع النتيجه هتلاقي العدد قل خالص وتحس قد ايه المدرج واسع وجميل وتتامل في روعه الديكور وممكن تعمل اختبار صدى الصوت كمان لو عايز
وملحوظه اخيره بس ياجماعه اوعى تسيب نفسك للناس اللي بتقعد تقلك دا الدكتور دا اصعب دكتور دا امتحانه بييجي طلاسم دا السنه اللي فاتت 750 طالب شايلين الماده كان حضرته قعد يعدهم واحد واحد يعني الكلام دا ملوش اي فايده غير انه بيحبطك وبيخوفك من غير داعي كل فرقه وليها ظروفها وفي الاخر اللي بيذاكر بيعدي سيبكم بس من الكلام دا وارموه ورا ضهركم

[..::ciZar_Resala::..]

أنا بضم صوتى لصوت سمر .. بالإضافة للكلام اللى قلته قبل كده

[pharmacistina]

ان اكبر مدرج هو المدرج بتاع اعدادي لان كل اللي طالع من ثانويه عامه وداخل على صيدله بيبقى جاي بقى عامل فيها كوكو النجيب تلاقيه واقف قدام المدرج من الساعه 7 وبيحضر كل المحاضرات بيفهم ولا مش بيفهم وبيكتب كل حاجه والمدرج الوحيد اللي بتلاقي فيه الناس واقفه مع كبره مش بيكفي لان كله بيحضر وواخدين العمليه جد قوي

يا ريت نفضل كوكو لحد سنة رابعة .. ههههههه