دقيقة التليفون الأرضى فى مصر.......

[monosh]

التليفون الأرضى يتراجع......


قاطعوا التليفون الأرضى.....


دقيقة التليفون الأرضى عشان غزة....


كل دى عناوين ومنشيتات كتيرة تحتها كلام اكتر واكبر.....

تخيلوا ان دقيقة التليفون الأرضى فى مصر وصلت ل 3 جنيه ....او تقريبا 5 ...

ما علينا....

المهم.....


سمعت ان الحكومة خصصت يوم من كل أسبوع تكون فيه دقيقة التليفون الأرضى بالسعر ده ....

تعاطفا مع غزة.....

ومحدش يعرف اليوم ده ....هيكون يوم ايه....

طبعا لو عرفنا ....محدش هيتكلم....

بس فى رأيكم هل ده منطقى؟؟؟!!!!

احنا كلنا متأكدين ان اخوانا فى غزة فى أمس الحاجة للمساعدة المادية قبل المعنوية...

ومش مختلفين...

بس يا ترى هل هى دى الطريقة.....

اللى يساعد حد يساعده برضاه ومش غصب عنه.....

انتم شايفين ايه يا جماعة.....عايزة اعرف آرائكم.

لكى الله يا غزة....

تحياتى للجميع.....

[noso noso]

والله هو كلنا مع غزه

بس انا شايفه انها فكره مش كويسه لان فيه ناس فى مصر بيفرق معاها الجنيه او اقل كمان

وكمان مصر دلوقتى متهيالى فى اوحش ظروف ليها


وكله بقى بيحاسب على الفلوس لان كل حاجه بقت اغلى بكتير من الاول وغليت مره واحده


فالموضوع ده ممكن ميفرقش مع ناس بس هيفرق مع ناس تانيه


وانا سمعت ان الدقيقه هتكون بجنيه و ب 4 وب8 ومش عارفه بالظبط هتبقى بايه


بس كلنا مع غزه بس الطريقه بصراحه مش عاجبانى

[dr queen]

هو الكلام ده طلع حقيقى ؟؟؟؟؟!!!!!!!!

ده أخويا قاللى ع الحكاية دى وفكرته بيهذر والله ..

طبعا الكلام ده ما ينفعش إطلاقا ،

كلنا معترفين ان غزة محتاجة لمساعدتنا كلنا ،
وكل اللى بيقدر بيساعد بأى حاجة لكن طبعا برضاه ،

ما ينفعش يكون بالطريقه دى أبداااااا ،
ده يعبر خداع للناس ، ولا شرع ولا قانون يسمحوا بكده ..
ومش كل الناس اللى عندها تليفون أرضى وبتتكلم منه تقدر على كده ..

الحكاية دى لو حقيقيه تبقى بجد مهزله ، والمفروض لا الناس ولا الحكومة يسكتوا ..

وشكرا ؛

[Rainbow]

يا سلام لو واحد بقي ما يعرفشي عن الموضوع ده حاجه بقي واتنفز الكلام ده تفتكروا يدفع كام في اليوم

طبعا مش هيصدق نفسه لما يشوف الفاتوره ويقول دانا بتكلم كتيري اووي ساعه مثلا في اليوم هههههههههههه

بس والله ده حرام

اه احنا مع غزه بس مش بالطريقه دي

[Sincerity]

أنا كده مش هقرب من التليفون الارضى خالص ....ده من غير الموضوع ده والفاتوره ماشاء الله عليها بتيجى كبيره ...ان شاء الله بعد كده هندفع فيها كام ؟؟؟
احنا صحيح مع غزه وبندعهم بس باللى نقدر عليه وبيتهيألى الحكايه دى تبقى سرقه وحرام عليهم ...كده ممكن يتخرب بيوت لان فى ناس بتتكلم كتير وبتعتمد ف شغلها على التليفون الارضى ...
أنا شكلى كده هقضيها كلام ف الموبيل أوفر

[dr queen]

أنا شكلى كده هقضيها كلام ف الموبيل أوفر

والله أنا حسيتها فى الآول إشاعات اللى مطلعها شركات المحمول عشان يكسبوا أكتر ،

وحتى الآن لسه مش مصدقه انها حقيقه ..

[noso noso]

المشكله كمان ان الواحد حتى ميضمنش ان الفلوس دى هتروح لغزه

لان كل يوم تلاقى الحكومه عامله حاجه جديده متعلقه بالفلوس بالضرايب باى حاجه فيها فلوس


فالواحد مبقاش يستبعد اى حاجه

[قناع الذهب]

انتوا لسة عارفين الحكاية دى
انا عارفة كدة من اكتر من 10 ايام بياخدوا مننا تبرعات اجبارى بلوى الدراع هما اساسا مش لاقيين حاجة يقصصوا بيها فلوسنا فقالوا خلاص تبقى غزة دا مهزله والله
لا والراجل فى الاعلان يطلع يقول اتكلم من الارضى ومترحموش دى دقيقة المحلى بتلات قروش
لا وكمان جايين ع الحاجة اللى مفيش اى بيت يستغنى عنها يللا هنقول اية حسبى الله ونعم الوكيل وخلاص

[Amira]

هههههههههههههههههههههه احنا محدش عندنا كان يعرف والتليفون شغااااااااال

ماعلينا المهم كلنامع غزه طبعا بس فعلا مش بالطريقه دى كده سرقه
والله ده استهبال

[yojeena]

ايه يا جماعه انا اول مره اسمع عن الموضوع ده
ده لو حصل فعلا تبقي سرقه كده عيني عينك لو هما عايزين فعلا يلموا تبرع لغزه يبقي لازم يعرفوا الناس ايه اليوم ده من الاسبوع واللي يقدر علي حاجه يبقي يتكلم علي اد مقدرته
يعني الناس الغلبانين خالص ومش قادرين ياكلوا ولادهم عيش حاف يتبرعوا بمبلغ وقدره دا والله حرام
وبعدين ايه الدليل ان الفلوس دي بتروح غزه فعلا!!!!!!!!! ده احنا كنا نقدر نعمل حاجات تانيه اكتر من كده ومعملنهاش
هي الفلوس الوقتي هتفيد غزه ازاي؟؟؟؟؟؟؟؟؟؟؟وهما محاصرين اقتصاديا؟؟؟؟؟؟؟؟؟الفلوس دي مش هيبان اثرها حالا دا هيبان بعد فتره
يبقي الاولي نسيب المؤن والطعام والادويه تدخل لغزه وده اضعف الايمان
وبعدين كل واحد فينا لو راح الوقتي يجيب فاتوره تليفون بتاعتك هتلاقيك ما تكلمتش الا حاجات بسييييييييييطه جدااااااااا والباقي خدمه .........زوضريبه.........ز وخدمه صوتيه..............واكتر من كده بس انا مش فكرة
وبالتالي يبقي الموضوع ما لوش دعوة بغزه اصلا دا ضريييييييييييبه جديده ومفروضه علينا
وحسبي الله ونعم الوكيل