اللقاءات الطلابية .. غاية فى الأهمية !!!

[..::ciZar_Resala::..]

بسم الله الرحمن الرحيم

ندخل فى الموضوع علطول .. عشان مطولش عليكوا ..

تم اعتماد جداول اللقاءات الطلابية لجميع الفرق و تعليقها أمام أبواب المدرجات ..

اللقاءات الطلابية تهدف إلى حل المشاكل التى تواجه الطلبة مع أقسام الكلية .. بالإضافة إلى حل المشاكل العامة ..

كل أسبوع فى نفس الميعاد .. و لمدة 4 أسابيع هيعقد اجتماع مع الطلبة فى المدرجات كل حسب الجدول اللى تم تحديده .. و مناقشة مشاكل الطلبة .. و الوقوف على النقاط الهامة اللتى يعانى منها الطالب .. بالإضافة إلى معرفة أهم ما يطلبه الدكتور من الطالب من حيث الالتزام و الحضور .. إلى المعامل .. و السكاشن .. و الامتحانات ..

إحنا بدأنا النهاردة فى تواجد كل من ،،

الأستاذ الدكتور محمود بكر العشماوى -- عميد الكلية

الأستاذ الدكتور حسن الكاشف -- وكيل الكلية لشئون التعليم و الطلاب ..

الأستاذ الدكتور سرى -- مدير وحدة ضمان الجودة والاعتماد ..

الأستاذة الدكتورة داليا رشاد عبد الحميد .. القائم بعمل رئيس قسم الميديسنال ..

الأستاذة الدكتورة سعدية محمد محمود العشرى ..

الأستاذة الدكتورة ماجدة أحمد الشربينى ..

الدكتورة عزة رشاد معروف ...

الدكتورة دينا توفيق محمد الشربينى .. ،،

الدكتورة نجلاء إبراهيم عبد العزيز ..

و برغم قلة عدد الطلاب المشاركة .. اللى أنا بصراحة اتضايقت منه .. و إن كان فى عدد معظم اللى قاعدين .. قاعدين يتفرجوا .. و مش بيشاركوا .. .. إلا إن اللقاء كان فى منتهى الروعة ..

و نيابة عن جميع طلاب الفرقة التالتة .. بقدم جزيل الشكر لكل الدكاترة اللى شاركونا ..

و أتمنى من باقى الفرق التفاعل .. و المشاركة ..

و أرجو من الطلبة الحضور .. للاستفادة .. و الوقوف على ما يواجهم من مشكلات ..

[..::ciZar_Resala::..]

تم إضافة استفتاء للموضوع ..

الاستفتاء متعدد الخيارات .. يعنى ممكن تختار أكتر من حاجة .. و أرجو إن اللى يختار ميناقضش نفسه ..

أتمنى التفاعل من الأعضاء .. و أرجو الأمانة فى نقل صورة فعلية لإدارة الكلية

[Sincerity]

فكره حلوه أوى ياريت فعلا تطبق عندنا ف تانيه ...هوا بصراحه احنا لسه مش عندنا خبر ان فعلا اللقاءات دى هتتعمل ...بس بما انها بدأت فعلا النهارده ف سنه تالته يبقى احنا اكيد اللاحقون ... احنا بجد محتاجين حد يسمعلنا و يشوف مشاكلنا ف الكليه ويحاول يحلها معانا ...

[..::ciZar_Resala::..]

اللقاءات بدأ تفعيلها من الأسبوع ده .. لكل الفرق ..

و الجداول متعلقة قدام المدرج ..

و أكيد اللى ميعرفش.. حاجة من الاتنين ..

يا إما مخدش باله من الجدول .. يا إما مش بيحضر

[Sincerity]

لا والله بحضر بس مش باخد بالى من الجداول دى ...انا اللى شفته بس النهارده جدول الامتحانات

[pharma princiss]

انا كان نفسى احضر بس الندوه بتاعتنا كانت شغاله فى نفس الوقت

انا اعتذرت لد/ماجده ود/داليا
والاسبوع الجاى مش هاقدر احضر ياريت لو ينفع الميعاد يتغير لاننا عدد كبير عندنا سكشن فى الميعاد ده

بش لو مانفعش اكيد هنكون موجودين الاسبوع الجاى ان شاء الله

[د///*مطحونة*\\\]

اممممممممم
مخدتش بالى منه
بس الصراحة
كان عندنا كزا لقاء طلابى مع دكاترة الاقسام الترم الاول
وكنت باحضر
لكن للاسف
نتايجه كانت مخيبة للامال
وبعض الدكاترة كانوا مش بيصدقونا لما بنشتكى من حاجة
وكنت بطلع اعصابى تعبانة وباحس انه مفيش فايدة للاسف
ياريت اللقاءات دى تكون افضل من قبل كدة

[Dr Mahmoud]

شكرا لك يا ياسر على نشر الموضوع وعلى مشاركتك الايجابية فى اللقاء
وكل ما تحدثت عنه قيد الدراسة

وانتى با د مطحونة باين عليكى زعلانة من الكلية كلها ... !!!!!

[د///*مطحونة*\\\]

شكرا لك يا ياسر على نشر الموضوع وعلى مشاركتك الايجابية فى اللقاء
وكل ما تحدثت عنه قيد الدراسة

وانتى با د مطحونة باين عليكى زعلانة من الكلية كلها ... !!!!!

ابدا والله يا دكتور
انا بحب الكلية بتاعتى فوق التخيل
لانى داخلاها عن اقتناع
مش تنسيق حادفنى
كنت باحلم بيها لمدة سنين طويلة
ولما دخلتها مش عارفة ايه اللى حصل
فى مشاكل كتير اوى بنقابلها كطلبة
مواد او خلافات مع الدكاترة
وحسيت ان مالهاش حل فى وقت م الاوقات
لكن الحمد لله بقالى مدة حاسة بحركة ايجابية نحو الافضل
ويارب يتم الحكاية دى على خير
والحق اشوف الكلية باحسن حال قبل مااتخرج باذن الله
امين يا رب
:::::::::::::::::::::::::::::::::::::::::::::::::
وعاوزة الفت نظر حضرتك لحاجة يا دكتور
مجرد تواجد حضرتك معانا على الاقل فى المنتدى
بتعملى دفعة معنوية غير عادية
مش بصدق اصلا انى كلمت حضرتك عالمنتدى
ههههههههههههههههه
والكلية اللى العميد بتاعها زى حضرتك
اكيد هيبقى فى امل انها تبقى افضل
وباشكر حضرتك للمرة المليون على تواجد حضرتك معانا
واتمنى حضرتك تبقى متواجد معانا علطول

[..::ciZar_Resala::..]

شكرا لك يا ياسر على نشر الموضوع وعلى مشاركتك الايجابية فى اللقاء
وكل ما تحدثت عنه قيد الدراسة

شكراً جزيلاً دكتور محمود ...

أدامها الله علينا نعمة .. عميد كليتنا " أباً و أخاً .. حريص على مصلحة جميع الطلاب" ... دائم الحرص على تطوير الكلية إلى الأفضل ...

متأسف على إطالة الحديث فى اللقاء الطلابى .. و بشكر حضرتك على سعة صدرك ...

و شكراً على دراسة مشاركتى ...

و أتمنى رؤية حضرتك مرة أخرى فى لقاء طلابى قادم .. و فى اجتماعات وحدة الضمان