هل هناك فرصة ل.....

[EverLasting]

السلام عليكم ورحمة الله وبركاته
ازيكم يا دكاترة يارب تكونو بخير
انا كنت عاوز اسأل لو كان ممكن يبقى فى تعارف جاد من خلال المنتدى ؟ يعنى مش هنفضل نتكلم على المنتدى و خلاص و بعدين احنا كلنا زمايل ف مش هينفع نفيد بعض بمجرد الكلام لأن
بصراحة انا شفت أراء ناس كتير ع المنتدى عجبونى اوى و اتمنيت انى اكون صديق ليهم او حتى على معرفة بيهم بس من خلال الواقع....ياريت يا دكاترة تكونو فهمتو قصدى لأن الوحد برده مش هيفضل طول عمره مقتصر على شوية الأصدقاء اللى عرفهم قبل كده اكيد يحب يتعرف على ناس
تانية..
مع تحياتى و ياريت اشوف رأيكم

[EverLasting]

انا كنت عارف ان الفكرة مش هتعجبكو ابدا

[A H M E D]

فكرة حلوة يا تاتا

بس عندك الرسايل الخاصة ابعت للي عاوز تقابله وهو هيكلمك

[EverLasting]

[فكرة حلوة يا تاتا

بس عندك الرسايل الخاصة ابعت للي عاوز تقابله وهو هيكلمك

بس مفيش حد بيعبر و كأن شيئا لم يكن

[pharmacistina]

آه طبعا تعارف بنات ع البنات ... وشباب على شباب .. مفيش مشكلة
لكن تعارف شباب و بنات في رأيي لااااااااا ..
لأن ربنا قال ( ولا متخذات أخدان ) .. صدق الله العظيم
يعني ما ينفعش البنات و الشباب يتصاحبوا .. ينفع يتناقشوا في العلم ع المنتدى أو يتكلموا على قد حدود الشغل مستقبلا .. أما أكتر من كدة فلا .. لأن أمر ربنا ليس بعده كلام ..
أنا عارفة ان حضرتك طيب يا دكتور و بتتعامل بحسن نية .. لكن بوضح بس .
ربنا معاك

[EverLasting]

أنا عارفة ان حضرتك طيب يا دكتور و بتتعامل بحسن نية .. لكن بوضح بس .
ربنا معاك

]
و الله العظيم طيب خالص ونيتى سليمة مية المية

[أمــ هـنـد ــة الله]

آه طبعا تعارف بنات ع البنات ... وشباب على شباب .. مفيش مشكلة
لكن تعارف شباب و بنات في رأيي لااااااااا ..
لأن ربنا قال ( ولا متخذات أخدان ) .. صدق الله العظيم
يعني ما ينفعش البنات و الشباب يتصاحبوا .. ينفع يتناقشوا في العلم ع المنتدى أو يتكلموا على قد حدود الشغل مستقبلا .. أما أكتر من كدة فلا .. لأن أمر ربنا ليس بعده كلام ..
ربنا معاك

هوه ده اللى انا عايزة اقول بالظبط .......

أنا عارفة ان حضرتك طيب يا دكتور و بتتعامل بحسن نية .. لكن بوضح بس .
ربنا معاك

و الله العظيم طيب خالص ونيتى سليمة مية المية

ربنا يكرمك يا دكتور وكلنا موجودين لو حد عاز من التانى حاجه مفيش حد يتأخر وكلنا ان شاء الله بتعاونا مع بعضنا نتغير للاحسن

[lamiaa]

فكرة حلوة فعلا
وزى ما قلتم بنات وبنات وشباب وشباب
وانا الحمدلله عن نفسى ليا اصحاب كتير من المنتدى واعرفهم فى الحقيقة
فممكن يادكتور فعلا الى عاوز تتعرف عليه تبعتله رسالة خاصة وتقوله انكم تكونم اصدقاء
وربنا يديم المحبة

[dr_chamommile]

فكرة جميلة وزي ما اخواتي الدكاترة قالوا فعلا

وجزاك الله خيرا