نشرة الاخبار من داخل صيدلة
خشى يا ام العيال صحى الواد بتاع الصيدلة خليه يغسل وشه ويجى يتفرج معايا على نشرة اخبار الفطيرة..بيقولو فى اخبار جديدة
راحت ام العيال تصحى الواد بتاع الصيدلة لقت الواد عمال يبرطم فى الكلام ويقول:لاااااااااااااااااااااااااااااااء بلاش فسيولوجى والنبى والنبى بلاش فسيولوجى
ام العيال:واد يا فوزى ..مالك يا واد
لكن عمنا فوزى برده عمال يبرطم فى الكلام:بلاش فسيولوجى خليها هستولوجى بلاش فسيولوجى خليها هستولوجى
راحت ام العيال خبطاه قلمين يفوقو الحمار بعد ما مات فراح فوزى قايم من ع السرير منتور واقف زى الألف
فوزى:قلتلك 30 مليون مرة بلاش الحركة دى
ام العيال :بلاش الحركة دى ولا بلاش فسيولوجى..قوم يا ضنايا اغسل وشك وروح اتفرج مع ابوك على نشرة اخبار الفطيرة
فوزى:ثانية الا تلت واكون عنده
زغلول:واد يا فوزى الحق النشرة هتبتدى
فوزى:وانت عرفت منين يا بابا
زغلول:من الإنديكيتور اللى حاطه فى التلفزيون يا غبى
فوزى :قشطة عليك يابوب
وطبعا تبدأ النشرة بالتتر المعتاد ..مزيكة حسبالله
المذيعة:السيدات والسادة..اهلا ومرحبا بكم فى نشرة جديدة...اعلنت منظمة حقوق الامتحانات عن ان كلية صيدلة تستخدم مواد دراسية مذهبة للعقل ومغيبة تمام للوعى مما قد اسفر عن وقوع اصابات عدة فى صفوف الطلاب..ومعى على الهاتف الأن مراسلتنا من خلف قضبان كلية صيدلة
المذيعة:ام السيد,ماهى الصورة الان؟
ام السيد:نعم عزيزتى فما اعلنته منظمة حقوق الامتحانات حقيقة على ارض الواقع ولقد اصيب عدد كبير من الطلاب بمرض جنون البقر جراء مذاكرتهم لتلك المواد لمدة اربعةعشر دقيقة متواصلة كما رايت بأم عينى بضع من تلك المواد
فوزى:مين ام عينى دى؟
زغلول:اسكت ياد خلينا نسمع
ام السيد:هذا وقد خرجت مظاهرات حاشدة فى جميع انحاء السكاشن تنديدا بالهجمات الللى مش كويسة عليهم..ولقد اعرب المتحدث الرسمى باسم حركة(انت فى صيدلة..قااابل يا عم)عن اسفه الشديد لما يحدث ويصف تلك الهجمات بالهجمات الفكسانة على حد قوله
المذيعة:ام السيد,هلا تقولى لى بضع من اسماء تلك المواد؟
ام السيد:انها مواد كثيرة ولكن اذكر على وجه الخصوص مادتى الفسيولوجى الحارقة والصيدلانيات المطاطية
هنا بقى وش الواد فوزى بقى احمر خالص و ودانه طلعت دخان
زغلول:ايع ياد يا فوزى انت وصلت للإيند بوينت ولا ايه هههههههههههه
فوزى(فى سره):مش طلباك دلوقتى على فكرة
المذيعة:ماهى مدى الاضرار التى قد تسببها مثل هذه المواد,ام السيد؟
ام السيد:اقل ماتوصف به هذه الاضرار انها اضرار فوق الفظيعة واضرار تحت المريبة..فقد تسبب هذه المواد امراض التخلف العقلى المزمن والبلاده الغير معهودة والرغبة الشديدة فى الانتحار
..وهاهو طالب يخرج من تحت قصف الامتحان
فيظهر فى الصورة طالب شعره مضروب فى الخلاط ولما سمع ان فى ضرب شعره فضل واقف على حيله..وكان بنطلونه متعلق فى العضمتين بتوع الحوض ولابس ساعة فى ايده اد ساعة بيج بين
ام السيد:كيف حال الامتحان؟
الطالب:هاا..أااااه..الامتحااااااان..مالو بقى؟
ام السيد:عملت فيه ايه؟
الطالب:الحمد لله..وحسبى الله ونعم الوكيل
ام السيد:واضح ان الامتحان هوا اللى موقف شعرك كده؟
الطالب:لا والله دا ابويا بس متعود يكهربنى كل يوم قبل مانزل
ام السيد:كان ايه احساسك وانت فى الامتحان؟
الطالب:حسبى الله ونعم الوكيل
ام السيد:شكرا لك
الطالب:حسبى الله ونعم الوكيل
ام السيد:هذه هي الاوضاع الان ولا نعلم ماذا يخبىء لنا الغد
فوزى:هوبا ام السيد بتخبط فى الحلل
زغلول:ازاى يعنى
فوزى:بتقلك ماذا يخبىء لنا الغد..قصدها على حزب الغد بتاع ايمن نور
زغلول:شكلك فاهم يا نصه
ام السيد:كانت معكم ام السيد من قطاع كلية صيدلة قناة الفطيرة المنصورة
الطالب:حسبى الله ونعم الوكيل
المذيعة:نشكرك ام السيد على التقرير والى لقاء فى نشرة اخرى جديدة..تصبحو على سيخ..قصدى خير
وطبعا تخلص النشرة بالتتر المعتاد ..طريقك مسدود ياولدى
زغلول:ها يا واد يا فوزى ايه رايك فى الكلام دا
فوزى:حسبى الله ونعم الوكيل حسبى الله ونعم الوكيل
رد مع اقتباس
المشاركة الأصلية كتبت بواسطة Dr/HULK
.gif "Fop (3)")
.gif "Fop (2)")
.gif "Fop (40)")
.gif "Fop (11)")
.gif "Fop (33)")
.gif "Fop (24)")
لم اضحك هكذا منذ فترة طويلة 
