إنــت و أنــــا :)

[dr-aya]

سلام عليكم جميعـــاً
دى آخر حاجة كتبتها .. حصــريــاً
بتمنى تعجبكوا

....

أشــعار ورق


إنت و أنـــا ...
و الكلمتين المكتوبين أشــعار ورق
وسط السطــور الساكنة ف عيون السمــا
كل المعانى تعتــرِف .. و بتختــلف ..
حتى العيــون .. وقت الغُــنــــا
..
إنت و أنــــا ...
روميــــو بيحلــم ويَّــــا جولييت فى الهـــوا
طــايرين ســـوا
بجنــاح ضعيــف
و الكــون مخيــف
مجروحه دايمــاً ضحكتـــه
إحســاس سخيــف
كــل الهوا مالى البراح _ على كترتــه_
بـــرضــه ضعيـــف
..
إنت و أنـــا ..
بسمــة شجــن .. و عيون ملانــه بالدفـــا
ضحكـــاية بتحــب بخجـــل
من غيـــر أمـــل ...
غير حبــة باقيين مالصفـــا
مش منصفـــة ..
كل الحروف ... جوا المتاهة فى الزحـــام
إنت و أنـــا ...
أكبـــر مثـــال ... إزاى بيتعِـــب فى الهوا
صمـــت الكـــلام ...
..
إنت و أنـــا
دقات ساعات جايين غلــط
عكــس الطريق و بنلتقى
و بتنتهـــى
كل القصص ...
قبل البداية بدقتيــن
و بنـــاى حزين
تتــر النهاية المُبتدى
يفرض ستاره ع الملأ
فبتتسرق ..
أحـــلام ف يوم إتسرسبت
و اتكلمــت أشعــار ورق

.....

بقلمى : آيـــة خضــر

....
Hope u LiKE iT ^_^

[Aya Farouk]

اوبا بقا اول واحده ترد عليكى
جميلة يا يويو
بميز أسلوبك من وسط الف لازم يكون فيه لمحة أمل كدا معهودة منك !
ولو انى بحب الشعر الغامق هههه بس بحب اشعارك جدا
بالتوفيق
وتسلم ايدك

[DR.BIBO]

جميلة اوى يا ايه بستمتع بجد وانا بقرالك
يارب دايما تكتبى وتمتعينا
مستنيه المزيد اوعى تتاخرى

[M.Hegazy]

ليه أول مرة أحسن إني متلخبط و مش فاهم حاجة !!!!!

يمكن عشان لسه صاحي من النوم ..

حقيقي قرأتها أكتر من مرة .. و مفيش برضه ..

آه أسلوبك هوا الأسلوب الجميل اللي بحبه و بستناه .. و الكلمات و موسيقتها الجميلة اللي بتخليني أدندن و أنا بقرأ .. بس برضه حاسس حاجة ناقصة و مش قادر أوصفها ..



عموما يا دوك آية .. يظل لحضرتك البصمة المتميزة دائما و أبدا إن شاء الله ..



و شكرا جزيلا لحضرتك على الحصريات دي .. لكِ كل الاحترام و التقدير ..

[dr-aya]

اوبا بقا اول واحده ترد عليكى
جميلة يا يويو
بميز أسلوبك من وسط الف لازم يكون فيه لمحة أمل كدا معهودة منك !
ولو انى بحب الشعر الغامق هههه بس بحب اشعارك جدا
بالتوفيق
وتسلم ايدك

أوبــا بقى أول رد أنـــا اللى مبسوط و الله
تسلميلى يا يويو ياااااااااااااااااارب ..
بس دا غامق شوية على فكرة

........

جميلة اوى يا ايه بستمتع بجد وانا بقرالك
يارب دايما تكتبى وتمتعينا
مستنيه المزيد اوعى تتاخرى

و الله أنـــا اللى ببقى فرحانة جـــداً لما بشوف ردودك يا بيبو و الله و بحس بدافعة قوية إنى أكمل
بحس إنى فيه حد متابع و مهتم .. ربنا يخليكى ليا يااااااااااااااااارب

........

ليه أول مرة أحسن إني متلخبط و مش فاهم حاجة !!!!!

يمكن عشان لسه صاحي من النوم ..

حقيقي قرأتها أكتر من مرة .. و مفيش برضه ..

آه أسلوبك هوا الأسلوب الجميل اللي بحبه و بستناه .. و الكلمات و موسيقتها الجميلة اللي بتخليني أدندن و أنا بقرأ .. بس برضه حاسس حاجة ناقصة و مش قادر أوصفها ..



عموما يا دوك آية .. يظل لحضرتك البصمة المتميزة دائما و أبدا إن شاء الله ..



و شكرا جزيلا لحضرتك على الحصريات دي .. لكِ كل الاحترام و التقدير ..

إمممممم .. مقدرش أنكــر إنى أصبت بنسبة إحباط دلوقتى
بس خلينا نعمل ريفرش ..... و نقووووووووول ....
..

إنت و أنـــا ...
و الكلمتين المكتوبين أشــعار ورق
وسط السطــور الساكنة ف عيون السمــا
كل المعانى تعتــرِف .. و بتختــلف ..
حتى العيــون .. وقت الغُــنــــا

....
دا وصف للإحساس فى البداية

......
إنت و أنــــا ...
روميــــو بيحلــم ويَّــــا جولييت فى الهـــوا
طــايرين ســـوا
بجنــاح ضعيــف
و الكــون مخيــف
مجروحه دايمــاً ضحكتـــه
إحســاس سخيــف
كــل الهوا مالى البراح _ على كترتــه_
بـــرضــه ضعيـــف
..
إنت و أنـــا ..
بسمــة شجــن .. و عيون ملانــه بالدفـــا
ضحكـــاية بتحــب بخجـــل
من غيـــر أمـــل ...
غير حبــة باقيين مالصفـــا
مش منصفـــة ..
كل الحروف ... جوا المتاهة فى الزحـــام
إنت و أنـــا ...
أكبـــر مثـــال ... إزاى بيتعِـــب فى الهوا
صمـــت الكـــلام ...

........
هنــا المفروض يبان إن فيه مشكلة .. رغم كل المشاعر .. بس فيه حاجة بتعاكسها و بتخنقها

............
إنت و أنـــا
دقات ساعات جايين غلــط
عكــس الطريق و بنلتقى
و بتنتهـــى
كل القصص ...
قبل البداية بدقتيــن
و بنـــاى حزين
تتــر النهاية المُبتدى
يفرض ستاره ع الملأ
فبتتسرق ..
أحـــلام ف يوم إتسرسبت
و اتكلمــت أشعــار ورق

..
هنــا كعادة كل حاجة حلوة بتنتهى قبل ما تبدأ أصـــلاً .. و الأحلام اللى يا دوب كانت أشعار على ورق حتى هى كمان بتضيع

The END ....

.................................................
دا تلخيص النص كامل
عمرى ما شفت شاعر بيشرح النص بتاعه
بس خلينا نآخد السبق و ربنا يستر بقى ..
ياريت يكون اتفهم و لو شوية صغيريين حتى

[Aya Farouk]

أوبــا بقى أول رد أنـــا اللى مبسوط و الله
تسلميلى يا يويو ياااااااااااااااااارب ..
بس دا غامق شوية على فكرة

........

منا عارفه بس حتى فى اغمق حالاتك مبحسكيش غامقه
ودى حاجه بتضايقنى احيانا ههههههه
اصلى عكسك تماما مكتبتش حاجه اصلا فاتحه قبل كدا

[M.Hegazy]

دوك آية .. حضرتك أنا فاهم الكلمات و المعاني و التشبيهات و كله تمام ..

المشكلة مش في إني مش فاهم كده ..

المشكلة إن دي أول مرة اقرأ قصيدة لحضرتك و مبتسمش أو اتأثر بالقدر اللي يخليني في حالة معينة ..

ليه بقى مش عارف ..

هيا بنائها جميل و الكلمات و التشبيهات حلوة بس مش حاسسها زي إخواتها اللي قبلها ..

أنا شايف إنك كتبتي أحسن من كده بكتير ..

أرجو إن حضرتك متتضايقيش و لا تزعلي .. ربما يكون في كلامي بعض القسوة .. بس أكيد ده لأني باصدق النصيحة مش أكتر ..

و شكرا لحضرتك يا دوك ..