استفسار عن نظام الدبلومات

[dr_dede]

انا عايزة استفسر عن نظام الدبلومات عموما

[Amira Said]

شئون الدراسات العليا بتنزل اعلان كل سنة فيه التخصصات المتاحة والاوراق اللازمة للتقديم
تقريبا الاعلان بينزل في شهر 5 والتقديم لغاية شهر 7 ، والسنة دي دفعة 2010 لحقت التقديم

الدبلومات دلوقتي لايحة قديمة فبتكون سنة كاملة والامتحان في آخر السنة، ونظام المحاضرات غالبا يومين في الاسبوع والعملي مش كتير بسبب الامكانيات

لو في استفسار تاني تحت أمر حضرتك

[..::ciZar_Resala::..]

يعنى إيه لايحة قديمة ؟؟؟

أمال نظام الدبلومات إيه فى اللايحة الجديدة ؟؟؟

و ينفع دراسة من الخارج و لا لآ ؟؟؟

يا ريت أعرف يا دكتورة أميرة

[Amira Said]

مفيش لايحة جديدة ، د/ممدوح الششتاوي هو المسئول عن دبلومة البيو فكان قالنا الكلام ده في أول محاضرة وقال انهم بيحاولوا يغيروا نظام الدبلومة من زمان بس الجامعة موقفة الموضوع

يعني الدكاترة عاوزين يجددوا اللوايح بس مش عارفين للأسف

الدبلومات محتاجة تحديث في المناهج وفي المواد كمان اللي بتدرّس

مش فاهمة حضرتك تقصد ايه بدراسة من الخارج ياريت حضرتك توضحلي بعد اذنك

[vorgi]

السلام عليكم
لو سمحتم يااخواني واخواتي ممكن اعرف منكم معلومات عن دبلومة رقابة الجودة واهميتها في سوق العمل

[Amira Said]

ان شاء الله أحد الزملاء في دبلومة الرقابة يفيد حضرتك

[dr_vampire402]

لو سمحت عايز حد يفيدني كويس في موضوع دبلومة الPharma D وهل كويسة ولا لأ ...كمان عايز اعرف موجودة في الكلية عندنا في المنصورة؟.لاني سمعت ان الدكتورة ماجدة كانت جابت سيرتها في اجتماع اتحاد طلاب...وبالنسبة ل فرص العمل وهل هي أفضل ولا شغل الشركات..؟؟؟؟؟

[star]

اللي اعرفه ان مفيش دبلومة pharma D في المنصورة تقريبا في اسكندرية بس واعتقد انها كويسة ومفيدة كانت واحدة صاحبتي قالت كده بس معرفش التفاصيل

[Come back]

من ضمن الاوراق المطلوبه للدبلومه الموقف من التجنيد وانا مثلا هفيش فى شهر10فهقدم ازاى قبل شهر 7 من غير الورقه دى وشكرااااااااااا

[Amira Said]

مش عارفة بصراحة بس حضرتك اسألهم في شئون الدراسات العليا لأن كانوا بياخدوا مننا الورق عادي ولو ناقص حاجة بنجيبها بعدين