حكاوي المدندش ( مصطبة التاريخ )
حكاوي المدندش ( مصطبة التاريخ )
يابلادي عرفتك من حكاوي جدي وأهل قريتي
قالوا فيكي الدفا ,, فيكي الوفا ,, فيكي الشفا لدمعتي
يأوّل كلمة اتعلمتها ونطقتها وفرحت بيها شفّتي
فيكي اتولد حلمي وسجد لربي إنك أمتي
فداك الحياة ومليون حياة يا تاج منوّر جبهتي
قريت تاريخك من مينا ل نفريتس
هيه الحواري هيه الشوارع وناسك الجدعان تملّي
عقل يفهم ,, علم يخطط ,,,, أيادي تعلّي
شعر يكتب ,, إحساس يلحن ,,, صوت يغنّي
عين تبني حضارة بفن ومهارة
وعيون سهارى على الجبهة بتحرس
ياقصة نجاح من أكبر رجالك
لأصغر عامل في الشارع بيكنس
قريت تاريخك من مينا ل نفريتس
لا عمر في يوم شواطئك كانت بيوت للدعارة
ولا عمر الظلم فيكي كان شطارة
ولا عمر أحلام الناس كانت تجارة
لو حتى العيش بالزيت نغمّس
كنّا أحرار وفي وش العدو بنخمّس
وفي عهد الخلافة ومن (سيدنا عمرو ) المؤسس
قريت تاريخك :-
صفحة صفحة ,,, كلمة كلمة ,, وكل حرف بين السطور
دينك الإسلام ,,,, رسالتك سلام ..... والمعتدي يرحل يغور
دا حتي الطفل فيكي كان راجل من أول يوم الطهور
مش شاب سيس ,,,غاوي تهييس ,,, واد مايس فرفور
جوامعك عمار ,,,, أهلك أبرار ,,, أهل كرم وسرور
مش شغل تلات ورقات,,, والتعلب فات فات ,,, وشغل دجل وبخور
ولادك السيف لعبتهم ,,,, الحرب رغبتهم ,,, فالجنة طلبتهم وزوجتهم حور
لا بنجو ولا حشيش ,,, ولا هروب م الجيش ,,, وبلطجة وتلطيش ,,,ولا بوحه ودبور
وبدل صون النساء ,,, بنات عرايا وشباب بتهلوس
قريت تاريخك في عهد ( حسحس بارك يوكس )
يااااسلام دا كان حنين,,, وفي حق الشعب هين
على الهوى فرض الضرايب
ومين كان يقدر يعايب
يشيّلوه كوام مصايب
ويقولوا دا إرهابي خايب
وعشان الشعب يتظبط,,,, ويعيش بخيبته ويزغرط
كوره ,,, سيما ,,, غناوي ,,, وبقينا كما القرد يتنطط
بس لمّا ربك راد ,,, ينصلح حال العباد
والله ولا ألف سجّان ولا مليون جلاّد
ومهما خده الغرور وركبه العناد
الشعب اتحرك والمولى أراد
بس الغريب والعجيب واللي كان بجد عيب وعار
إنّهم فهّمونا كل حاجه غلط ولخبطوا الجد بالهزار
يعني .... اللي يلتزموا بدينهم ويطيعوا ربنا ورسولهم يبقوا كفّار
وعشنا طول عمرنا مخدوعين كلنا ,, والجنه في شرعهم نار
بس بمجرد بزوغ الفجر ,,,, خاف الليل الجبان وطار
يا مبارك سلملي على أم علاء وجمال ,,, واسألها كيف الحال ؟؟؟
متزوّقه وزينه ,,,,, ولاّ خلاص الجلد كرمش ومعندهاش كلام ينقال
وأنا عاد.... معنديش كلام ينقال ,,,, أصل الرجاله عندنا أقوالهم أفعال
سلام دلوق أصل محسوبك بقى موظّف والكل عاد شغّال
معدش حدانا قهاوي ,,,, بنصلي العشا ونام ونقوم الفجر ,,, ومزاجنا عال العال
( إبراهيم رأفت )ملحوظة :-
· معظم القصيدة كتبتها قبل الثورة ,,,, عشان محدّش يقول إنّ أنا ركبت الثورة
· نفريتس هو الملك المؤسس للأسرة التاسعة والعشرين حسب تاريخ مانيتون ,, واسمه الحقيقي ( نايف _عاو _ رود )
رد مع اقتباس
المشاركة الأصلية كتبت بواسطة E.Raafat
أبدعت فأمتعت ..
.gif "Fop (29)")
