ما بعد استلام التكليف؟

[سوزران]

السلام عليكم ورحمة الله وبركاته

ازيكوا يا جماعه

انا كنت فاكرة ان احنا بعد استلام التكليف كل شغلنا هيبقى صرف الدواء اللى مكتوب على التذكرة وجرد الادويه بس اكتشفت ان الحوار كبير دفاتر وعهده وطلبيات يعنى هيبقى شغلنا الشاغل الكتابه فى الدفاتر وتعويض العجز اللى كده كده هيبقى موجود هتبقى فين كرامة الصيدلى لما كل شغلنا يبقى ان احنا نقعد ندور على عربيه ونشيل كراتين الطلبيه وكابوسنا يبقى العهده بجد الوضع ده مخزى وبعدين يقولوا الصيدله ليه عاملينهم شريحه تالته ما احنا كده شريحه تالته فعليا وفين نقابتنا مش مفروض تنتبه للصيدلى الحكومى شويه

ايه رأيكم يا جماعه كدفعه جديدة نرفض تماما استلام العهدة دى ونطالب الوزارة بمزيد من الاحترام للصيدلى وتفعيل دوره فى الفريق الطبى منتظرة ارائكم؟

[محمد سمير]

موافق بشده

لازم يبقى لينا وقفه بجد لحال الصيدلى اللى ما يسرش خالص

البشرى بيكون قاعد فى مكتبه ذى الباشا وعمال يتفرج على

الصيدلى وهو بيشيل فى كراتين ويعد ادويه

حاجه تغيظ

يبقى يجيبوا حد مسئول عن العهده والدفاتر

احنا الواجب يكون دورنا صرف الادويه وطريقة استخدامها بس

مالناش دعوه بعهده ودفاتر والكلام الفاضى ده

[Pharmcist_girl]

انا باذن الله لسه اسبوع او اسبوعين وابقى صيدلانية فعلا باذن الله ويمكن يكون لسه سنة على التكليف لكن بصراحة حبيت اضيف الرد ده بعد اذنكم

اى شغل فى الحكومة اصلا مش كويس حتى لو ايه وان طول ما بايدك ان يكون ليك شغلك الخاص يبقى احسن ليك تبعد عن شغل الحكومة

وربنا معانا جميعا

[نور السما]

يــــــــــــــــــــاااااااااااه هى لسه نقابتنا الموقره مش عافه ان مشكله الصيدلى الحكومى هى فعلاً العهده نفسى بجد دور الصيدلى اللى كان الواحد بيحلم بيه وهوه على اعتاب الكليه فى اعدادى يجى اليوم اللى يتحقق فيه ويبقى لينا قيمتنا كدكاتره مش الوقت اللى احنا فيه ده الكل مش لاقى دور حقيقى للصيدلى ولا حتى الصيدلى نفسه ؟؟؟؟؟؟؟؟؟؟؟؟؟

[yojeena]

دا مش هيحصل الا بعد تفعيل دور الصيدلي الاكلينيكي

بحيث ان دور الصيدلي يكون في متابعة المريض مع الدكتور المعالج و تحديد الادوية المناسبه للحاله
واستقبال حالات التوكسيستي في الطوارئ
ودا لسه محصلش...

فاحنا بصراحة مش هيبقي لينا اي لازمه لو ما استلمناش العهده ممكن اي حد يصرف الدوا للمريض
فموضوع العهده دا لوحده مش كفايه لازم نطالب برجوع الصيدلي لدوره الاصلي وهو تحديد الادوية الانسب مش مجرد صرفها

يا ريت النقابة الممله دي تعمل حاجه بجد قرفنا من التدهور المستمر سواء في صيدلية خاصة او شغل حكومي

[زى الهوا]

انا متفقه معاكو جدا جدا لأن انا بترعب كل ما أفكر ان شغل الحكومه هيبقي دفاتر وعهده وصرف أنواع معينه من الأدويه لأن دي حاجات بعيده جدا عن أي حاجه درسناها وبالطريقه دي هنسي اللي درسته من فارما ومدسنال وهبقي زي الموظفين وطبعا مع ضغوط الحياه محدش هيبقي عنده وقت انه يقرأ فارما ويسترجع معلوماته
ياجماعه انا حاسه ان دراستنا في وادي وشغلنا في وادي تاني خالص بجد لازم يكون في حل