anti cancer

[ahmed kewan]

دخلت عليا
ف الصيدليه

بنوتة حلوة
ف ايديها وردة
بتغني غنوة

للست وردة

ضحكتها جامدة
تئسر وتسحر

قولتلها دمك

قالتلي ماله
قولتلها سكر

بمياصة ردت
قالتلي سم

قولتلها شكلك
نفس المياصة
قالتلي بم

جمالها خدني
وقفت أبلم
ضحكت وقالت احم احم

قولتلها عصير أو نسكافيه
قالتلي صايمه يا عم تشكر

قولتلها طيب أجيبلك ايه
بسرعة قالت
anti cancer

ضحكت ضحكة حد تايه
قولت
cancer !!!!

قالتلي عارف دمي المسكر
قولت ماله !؟

قالتلي أهو كله
cancer

نزلت وشي
وطلعت أمشي
أجيب حد تاني
يقف مكاني

وحرمت أهذر

ندهت وقالت بليز يا دكتور

من خجلي منها
عملت نفسي مش هنا

فضلت تنادي
وقالت يا انت
رد بسرعه على أنا

طول ما فيه ربنا ف السما
من ايه هنخاف

ما هو ربك لا يحب ضعيف
ولا خواف



ahmed kewan

[Aya Farouk]

ضحكتنى اولها وخلتنى ادمع اخرها
بجد جميله جداااا جداا جدااااااااا فوق الوصف
ربنا يوفقك

[SmSm]

like

[chemist girl]

ياااااااااااااااااااااااااااااااااااااااااااااااه
بجد تحفه

[محمد فهمي]

فكرة جميلة يادكتور....تسلم...ننتظر أعمالك الأخري..

[Dr_Cinderellaaaaa]

جميلة جدا وبسيطة فى نفس الوقت ..
سلمت أناملك ..

[M.Hegazy]

الفكرة حلوة يا دوك و إنسانية و جميلة جدا ..

نقدر نقول : خاطرة رائعة .. وصفت تجربة مررت بها فأثرت فيك فكتبت عنها فسمعناها فاستمتعنا بها ..

سلمت يمينك ..

تقبل مروري و خالص تحياتي ..

Dr.M.Hegazy

[الملاك الضاحك]

رااااااااااااااااااااااائعه يا دكتور
وفكرتها جميله جدا
سلمت يداك
باركك الله وجزاك خيرا