كلامك معتش بيبكينا ولا هيأثر فينا يا مبارك

[L SMA7Y]

السلام عليكم ورحمه الله وبركاته

خرج علي السيد الفاضل في زي الفنان السيد راضي علشان يلقي علينا خطاب افاعي كعادته

وانا بسمع ال 6 دقايق بتوعه جه في بالي علي طول منظره وهو واقف قدام منصه كدا وكاميرات بتصوره وبيتكلم بكل عزه وكرامه وشمخنه وكأنه بيلقي كلمه في عيد تحرير سيناء

حد بس يعرفه انه لسا عليه اسبوعين ,,

كعادته وكعاده كلامه ,,, ايها الاخوه والاخوات ,, وبيتكلم عن انجازاته
مش هحلل الخطاب لان المحللين والقنوات قتلوه تحليل
عايز اعرف بس كل واحد شاف الخطاب ازاي
اللي هيقولي المتهم بريء حتي تثبت ادانته ,, ياريت يقول كلام مقنع.

انا عن نفسي شوفت الخطاب علي انه ;; قالوا للحرامي احلف ;;

انت شوفته ازاي

[الجنة مرادى]

انا قعدت اضحك والله

بجد ضرب اكبر مثال للثقة فى النفس

ايه الراجل دا؟!!!!!!! دا فولااااااااااذ

بجاحة متناهية.....طالع يقول انى آثرت التخلى عن منصب الرئاسة

مهو يا اما بيحلم يا اما احنا اللى بنحلم

بس على مين!!! انا عمرى اصلا ما اتأثرت بولا خطاب من خطاباته

هتأثر دلوقتى

ربنا يخلصنا منه ومن امثاله بقى لللأبد

عذرا ع الإطاله

[L SMA7Y]

فعلا فولاذ

محسسني انه هو اللي كان قائد الثوره دي ,, وكمان بيطالب بمحاكمه كل اللي اسائوا ليه ,, اللي اختشوا في ماتوا

[Moonlight]

أنا صميت أذني عن سماع كلامه من زماااااااااااااااااااااااااااااااااااااااااااااااا اااااااان
لأنك عارف أنه مش صادق و مش ثقة و,,,,و,,,,,.....فعلى إيه!!!!!!!بلاش تضيع وقت

[Dr/HULK]

نظم العشرات من انصار الرئيس السابق مبارك وقفة تأييد للرئيس السابق بميدان مصطفى محمود، وذلك في أعقاب إذاعة خطاب لمبارك على قناة العربية الأحد، وبحسب شهود عيان لم تتجاوز أعداد المشاركين حاجز المائة مشارك.
وفي أثناء تجمهر المؤيدين -بحسب تأكيدات شهود عيان-، نشبت بينهم وبين مجموعة من معارضي نظام الرئيس السابق مشاحنات كادت تتطور إلى اشتباكات لولا تدخل قوات تابعة للجيش، والتي سيطرت على الموقف وقامت بصرف معارضي ومؤيدي مبارك من ميدان مصطفى محمود بالمهندسين.
وكانت فضائية العربية بثت خطابا صوتيا للرئيس السابق مبارك الأحد ، للمرة الاولى بشكل رسمي منذ تخليه عن السلطة 11 فبراير الماضي، حيث أعرب مبارك عن تألمه مما يتعرض له هو وأسرته من حملات وصفها بانها ظالمة، وقال:" اتعرض انا واسرتي لحملات ظالمة وادعاءات باطلة، تستهدف الإساءة إلى سمعتي والطعن في نزاهتي ومواقفي وتاريخي العسكري والسياسي الذي اجتهدت خلاله من أجل مصر وأبنائها، حرباً وسلاماً".
وقال مبارك:" لقد آثرت التخلي عن منصبي كرئيس للجمهورية.. واضعاً مصالح الوطن فوق كل اعتبار، واخترت الابتعاد عن الحياة السياسية، متمنياً لمصر وشعبها الخير والتوفيق والنجاح خلال المرحلة المقبلة".

هههههههههههههههه

والله الناس دى مسوئة سمعة ميدان مصطفى محمود

[خادم أبى القاسم]

قمة الإستخفاف بالشعب
هنقول ايه




إياك ما يترشح في الإنتخابات

ويقولك فكر جديد
وأهو كله


من أجلك أنت

[L SMA7Y]

هههههههههههههههه

والله الناس دى مسوئة سمعة ميدان مصطفى محمود

أبشع ما في الديمقراطية أنّها تجبرك على سماع صوت الحمقى "

إياك ما يترشح في الإنتخابات

ويقولك فكر جديد
وأهو كله


من أجلك أنت

....


ههههههه هنصوت عليه كلنا اكيد

[hananah]

كداااااااااااااااااااااااااااااااااب
يعنى ايه معندوش ثروه
أنا قرأت فى المصرى اليوم أسماء كتيره جدا كده
بتاع صفحه بحسابات البورصه بأسماء مختلفه
تضمنت كافه أفراد العائله المالكه بما فيهم فريده جمال مبارك
التى لم يتعدى عمرها العام ودى كانت وثائق مش أقاويل يعنى
يعنى أصدقه وأكذب البورصه
وقياسا عليها رأيى فى بقيه الخطاب

-----

[Dr.A7med]

للأسف انا شتمت النهاردة شتايم ..

[خادم أبى القاسم]

للأسف انا شتمت النهاردة شتايم ..

أوبا
استلقى وعدك بقى
وجهز محامي علشان القضايا