متظاهرون يقذفون البرادعي بالحجارة ويمنعونه من التصويت في المقطم.. وشهود: المعتدون «سلفيون»

[dr_smile]

منع مئات المحتجين الدكتور محمد البرادعي، المرشح لانتخابات الرئاسة، من الإدلاء بصوته في الاستفتاء على التعديلات الدستورية في لجنة مدرسة الشيماء بمساكن الزلزال في المقطم.
وفوجئ البرادعي فور وصوله ومحاولته الوقوف في طابور الناخبين بهجوم من متظاهرين غاضبين هتفوا: «مش عايزينه»، وقذفوه بالحجارة مما أدى إلى انسحابه وعدم تمكنه من الإدلاء بصوته، بينما هتف أنصاره: «عايزينه.. عايزينه».
وفرضت قوات الجيش طوقاً أمنيا حول البرادعي حتى تمكن من مغادرة المكان، فيما وصف شهود عيان من أهالي المنطقة المعتدين على البرادعي بأنهم «من التيار السلفي»، مشيرين إلى أنهم اتهموا رافضي التعديلات الدستورية بـ«الكفر»

http://www.almasryalyoum.com/node/364493

------------------------------------------------

كان نفسي أكون هناك علشان أساهم فى حمايته
مهما اختلفت مع حد فى الرأى
ده مش مبرر ليا ابدا انى اتهجم عليه بالمنظر الغبى ده
بجد حسبى الله ونعم الوكيل

[L SMA7Y]

كان نفسي أكون هناك علشان أساهم فى حمايته
مهما اختلفت مع حد فى الرأى
ده مش مبرر ليا ابدا انى اتهجم عليه بالمنظر الغبى ده
بجد حسبى الله ونعم الوكيل

فعلا دي قله ادب منهم
رغم اني مش من مؤيديه

[متفائل]

لا حول و لا قوة إلا بالله

اللهم قتنا شر الفتن ما ظهر منها و ما بطن

اللهم اجعل مصرنا سخاءا رخاءا أمنا أمانا و سائر بلاد المسلمين

[snow123]

اعتدى أحد المواطنين بمحافظة دمياط على عضوين بحركة 6 أبريل في أثناء وجودهما للتصويت على التعديلات الدستورية بلجنة مدرسة الشهيد الأسمر بقرية الشعراء، ووصفهما بـ"الكفار والعملاء".
تقدمت رحاب النعسان، مسئولة لجنة التثقيف فى حركة 6 أبريل، ببلاغ إلى المستشار العسكري تتهم فيه أحد المواطنين، بقيامه بالهجوم الحاد عليها وسبها هى وزميلها جمال كسبر، ولما ذهبا إلى القاضى طردهما وأغلق باب اللجنة فى وجهيهما، مما اضطرهما إلى الذهاب للمستشار العسكري وإبلاغه بالواقعة.
ادى اخرة الحشد الدينى الخاطئ و اتهام المشايخ للذين يقولوا لا بالكفر و لافتات نعم واجب شرعى
حسبى الله ونعم الوكيل فى كل من يستغل الدين لمصالحه الخاصة

[dr_smile]

ليس منا من لم يرحم صغيرنا و يوقر كبيرنا

ده فيديو الهجوم :

http://www.youtube.com/watch?v=sPA6r832IUc

الراجل ماشى بيعيط
يرضى مين ده بس
!!!!!!!!!!!!!!!!!!!!!!

[Aésmaïl]

استغفر الله العظيم ...
محنا قولنا ان المصريين غير مؤهلين للديمقراطيه ..
احنا اسفين يا برادعى ..
مع انى مش معاك لسه ..

[yojeena]

شكلهم زي الكلاب بالظبط

ايه الهمجيه و التخلــــــــف دا ......

حسبي الله ونعم الوكيل في اصحاب النفوس الدنيئه و امثالهم

[juman]

بجد منتهى قله الادب وكمان بيكفرونا حسبى الله ونعم الوكيل فيهم

[Dr/HULK]

مع انى مش طايقه

بس يلا المهم انها جات على زجاجات مياه بس

اصل الخبر اللى وصلنى انهم رموه بالحجارة

وعلى فكرة دا شارع كامل بيرميه
طالما كده هو ايه اللى وداه هناك ماكان يروح لجنه هادية مفيش فيها قلق

[WhiteBird]

لا حول ولا قوة الا بالله..قمه الهمجيه قمه قله الادب فعلا ال يعمل كده ميفهمش معنى الديموقراطيه ولا يستاهلها ويبقى عاوز واحد زى القذافى يأكلهم زى ....وبس ولو نطقو ياخدو بالجذمه..
حسبى الله ونعم الوكيل منظر مهين جدا مفيش اى حد يرضاه لواحد زى والده مهما كان مختلف معاه او مش بيأيده..