نص الكلام اللي قولته في لقاء اليوم -- واخر ما توصل اليه الامر

[L SMA7Y]

السلام عليكم ورحمه الله وبركاته

-***************-

طبعا اغلبنا شاف اللي حصل في المدرج النهارده وعلي مدار اليوم

في ناس شافت ان في تجاوز في اداب الحوار من بعض الناس اليل اتكلموا

مع ان اغلب الدفعه ان مكنش كلهم .. كانوا بينهم وبين بعضهم بيقولوا افظع من الكلام اللي بيتقال

وع اقتناعي ان الكلام اللي اتقال مفهوش اي اهانه اطلاقا من جانب الطلبه اللي اتكلموا للدكتور حمدي

مكن يكون مثلا حد صوته ارتفع شويه واتأسفوا بعد كدا

انما محدش شتم في الدكتورزي ماسمعنا ولا حد هزأه ولا ولا و لا كل الكلام اليل طلع دا

امال لو مكناش حاضرين والكلام في المايك كونا هنقول ايه

امال لو كان اللقاء دا في مكتب مقفول علينا ,و كنتوا عملتوا ايه

-****-

واحد بيقولي انت كلاممك مكنش فيه اي حاجه بس فوليم صوتك ارتفع من 18 ل 20 كدا

ايه التفاهه دي ,, يعني واقف تزعق ادامي بقالك ساعه علشان تقولي البقين دول

واللي يغير في الكلام الي انا قولته ادام الناس كلها في المايك


وعلي فكره الكلام دا انا كاتبه من امبارح وعلي ورقتين ونظمته كويس

وكاتبه علي الكمبيوتر وبعته لاحمد اسماعيل

والصبح هادي شافه ووليد الصياد شافه واحمد حلمي شافه وناس شافوه قبل ممشي

انا هجبلك نص الكلام بالظبط كوبي باست

في كلام انا مقولتوش علشان هادي اتكلم قبلي وقاله

وفي كلام بخصوص المعامله مثلا انا مش كاتبه لانه جه في دماغي ساعتها مكنتش مجهزله من امبارح


ودا نص الكلام

-*********************-


اولا شكرا يا دكتور علي فتح النقاش مع حضرتك

ثانيا احب اوضح لحضرتك 3 نقاط في الاول



اولا اختلافنا وليس خلافنا ,, مع الدكتور حمدي والدكتوره محاسن كداكاتره لماده الصيدلانيات اللي بيدرسوا لينا

وليس الدكتور حمدي والدكتوره محاسن بشخصهم ,, لان كلنا وبمعني كلمه كلنا نكن لحضرتكم كل الاحترام والتقدير والحب والاعتزاز


ثانيا مطلبنا في الاول الي مضي عليه 80 % من الدفعه من تحسين المعامله وغيره من المطالب وكان معاه طلب باعتذار 4 دكاتره عن التدريس وليس تخليهم عن مناصبهم الاداريه سواء من رئاسه قسم او غيره

لان دا مش من حقنا نهائي اننا نطالب بيه

وعارفين حقوقنا اللي ممكن نطالب بيه وعارفين حدودنا

ثالثا :: بخصوص الكلام اللي وصل لحضرتك والكلام اللي بيتنقل للناس

اننا مجموعه من الطلبه الفاشله اللي شايلين الماده وبيعملوا كدا انتقام وعند والكلام دا

لا يا دكتور انا والحمد لله ناجح فها وجايب درجه بالنسبه لدرجات زمايلي تعتبر امتياز

غير ان اوائل الدفعه واغلب الناس الممتازه جدااا متمسكين بالمطاب دي

-********-

بالنسبه لكلام الدكتور جلال والتهديدات اللي قالها

في ناس شافتها انها تهديدات علشان نخاف وكدا ونتراجع ,,وناس شافت ان الدكتور جلال ممكن ينفذها وناس قالت كلام كتير

انا شايف حاجه واحده غيرهم كلهم

شايف ان موقف الدكتور جلال جميل جدااااااااا وهو اللي خلاني افضل متمسك بمطالبنا

لما الاقي الدكتور جلال بيدافع عن زميله ورئيسه الدكتور حمدي لاخر لحظه ومدي الخوف علي مصلحته

وحضراتكم في وضع الدكتور والرئيس

خلاني الكلام دا نتمسك اكتر بموقفنا ونخاف علي بعض زي مالداكاتره بتخاف علي بعض

واحنا في موقف الطلبه او المرئوسين بالنسبه لنظر حضراتكم

-************-

علشان كدا اول امبارح بعد الاعتصام اما مكتب حضرتك قولنا نتاكد ونشوف راي الناس وهل اكتفوا بالوعود بالمعامله الحسنه والدرجات والحجات دي كلها

ولا لسا ليهم مطلب متنفذش وعايزينه وهو اعتذار حضرتكم للتدريس لينا

وكان الاستفتاء دا علي الاقل علشان نعرف احنا ماشيين صح ولا غلط ,, علشان مش هنعمل حاجه ضد اراده الدفعه والموقف اللي الكل يتفق عليه لازم نقف مع بعض فيه

ونتيجه الاستفتاء دي طلعت باننا لازم نكمل اعتصاماتنا


-*****************-

رجاء منا طلبه كثيرين قلقانين من تهديدات الدكتور جلال ,, ان حضرته يتفضل مشكورا ومينزلش في الشفوي لينا السنه دي

-***************-

دا كان نص الكلام اللي انا كاتبه من امبارح والكل شافه

وكان في الاخر طلب بعمل استفتاء ,, لكن اللي قرأوا الكلام قالولي بلاش علشان متقيدش الحوار وعلشان منعملش جدل جوا المدرج في وجود الدكتور ,, فشيله من كلامي خاااالص


-***********-

والكلام اللي انا قولته بخصوص الدكتور جلال وان الدكاتره كلهم مع بعض وبيأذروا بعض ودا بالحرف

مش حد يجي يقولي ان انا قولت الدكاتره مربطينها مع بعض وبيتفقوا علينا وان انا قولت احنا بنتحداكم


يا محترمين عييييييب تقولوني كلام مقولتوش

دا انا كنت حافظ الكلام دا بالنص علشان محدش يخرجني عنه وعلشان محدش يقول حاه في وسط كلامي تخرجه عن حدوده ,, وكان الدكتور حمدي ماشي وانا بتكلم

ومع ذلك كملت كلامي لحد مقولتله شكرا



-************-

انا معتذرش عن حاجه معملتهاش ,, انا اتحمل كلامي فقط

محدش طلع اتكلم باسم الدفعه كلها من اللي طلعوا

ولا انا اتكلمت باسم الدفعه ,, بس مطالبنا توافقت مع بعض مش اكتر

وانا الحمد لله شايف عن نفسي ان انا مغلطتش في الكلام ,, لان كلامي كان محدد وواضح ومكتوب ومترتب

-*************-

بالنسبه لموقف الدكتور حمدي فيا للقاء كان مخيب جدااااااااااااا للامال وفعلا من بدايه اللقاء لما لقيت الدكتور حمدي لواحده ,,

وثانيا مأخدتش من حضرته كلمه واحد مفيده او رد مباشر علي اي كلمه اتقالت


-****************-

انتهي اللقاء دا ودخل الدكتور محمد مصطفي


واقترح التوفيق بين الطرفين وتقريب وجهه النظر وان الدكتور حمدي والدكتوره محاسن يدخلوا يشرحوا تاني


ويكون هو الضامن (( بعد الله )) لينا ان كل ماطلبنا منهم هتتنفذ ان شاء الله

وجمع توقيعات اللي موافقين علي كدا

-**********-
انا موقعتش لاني وضحت وجهه نظري للناس اكتر من مره

انا رايي هو الرايي اللي الكل هيتفق عليه

وكنت اتمني من الاستفتاء انه يجمع الناس بعد ميعرفوا رأي الاغلبيه


-***************-

اكتر حاجه مستفزه حصلت وزعلتني جدا بغض النظر عن الاشاعات وااكلام البايخ اللي اتقال

ان بعد مالدكتور حمدي مشي وبسال الناس

اللي عايز الدكتور حمدي يكمل معانا ,, في ناس رفعت ايدها

ولما قولت اللي مش عايزين الدكتور حمدي يكمل معانا ,, في ناس رفعت ايدها


في ناس بقا اكتر من الاتنين مرفعوش ايدهم

طب دول عايزين ايه ,, نجيب دكتور من تربيه رياضيه يدرس لينا

طب مش عارف قول عايزه يكمل يا اخي علشان يبقي الاغلبيه والناس تنفض ونهدي

انما ايه السلبيه الفظيعه اوي دي

انا اتقفلت جداااا بعدها


-************-

بالنسبه لاخر التطورات ,, انا قابلت الدكتور محمد مصطفي حوالي الساعه 7 قبل ممشي من الكليه

وقالي انه اتكلم مع الاتنين دكاتره و ان شاء الله كل حاجه ترجع احسن من الاول بكتير


-***************-

وان شاء الله ربنا يعدي كل الامور علي خير

وياريت نركز في الدراسه والاهم بقا والموضوع يكون كدا انتهي

[زهرة الايمان]

معلش يادكتور فيه ناس خايفة وفيه ناس عاوزة الوضع يتصلح
وفيه شوية كده للاسف ظهروا بيحاول ينفقوا الدكتور لمصالح شخصية على حساب اللى حصل
ثانيا سمعت ان ببجد الدكتور مش شايف الاهانة اللى شايفاها البعض
دلوقتى يا دكتور لو فيه فعلا حد غلط فأظن حضرتك متفق معاياانه غلط لاننا قولنا من الاول هنطالب بحقنا بس بحترم عشان معانا أولا الحق ثانيا دى مش أخلاقنا
متاخدش يادكتور الموضوع شخصى أنا بقى مرضتيش أحضر الاجتماع ولما قولت لواحدة من الناس دول اننا مش نتنازل عن حقوقنا حرام يضيع كل اللى فات اتشتمت عادى خالص
يا دكتور أيام الثورة نفسها شباب محترم كان بيدافع عن قضية محترمة اتشتم ليه لان ظهر ناس بلطجية ومش محترمة سوءت صورة الثورة وده اللى دلوقتى بيحصل ان الدكاترة وبقيت الاقسام واخدة فكرة وحشة عننا واننا كنا بنحاول التهجم على د.حمدى فى مكتبه واننا ..........
كلام غريب وحاجات أغرب وزى ما قولتلك الناس اللى بوشين وظهرت وراحت تعتذر للدكتور على تقديم الشكوى نفسها _مش قصدى عشان محدش يفهمنى غلط تانى الناس اللى راحت تعتذر عن بعض الاشخاص اللى حصل من تجاوزات بعض الطلبة _
متاخدش يا دكتور الموضوع بمحمل شخصى لمادام متأكد انك مغلطتش وانك كنت بدافع عن حقك
ودلوقتى لازم تكمل المشوار وتدافع عن حقك وحقنا ونفكر كلنا بلا استثناء هنعمل فى الفترة الجاية
ونحتمع بد.محمد مصطفى ونشوف حل نتابع المواصلة وتحقيق مطالبنا من غير اهانة بحيث كلنا ناخد حقنا
والله المستعان

[DR.BIBO]

دكتور احمد اكيد كلنا عايزين مصلحة الدفعة كلها واكيد كل الناس اللى عملت اعتصام ومظاهرات كان غرضهم ان احنا ناخد حقنا من غير مانجرح فى حد بس ياترى يادكتور حضرتك لو بتتعامل مع واحد زميلك مش واحد اكبر منك وفى سن وقيمه علمية لدكتور حمدى لو نبرة صوتك عليت عليه مكانش هيضايق ومكانش هيؤدى ده لرفع حدة الحوار وده حصل من كذا حد من الزملاء الافاضل النهارده
ثانيا بالنسبة لجملة حضرتك حضرتك قولت تقريبا ان :(بما ان حضراتكو كدكاترة بتاذرو بعض فااحنا بما اننا مرؤسين منكم
هنقف مع بعض وانا اول مرة اشوف دفعتنا مع بعض بالشكل ده)
ومتهيالى كده ان فى ناس فسرتها بكذا شكل ومتهيالى ان حضرتك لو سمعت الجملة زى ماهى كده ممكن تتفهم غلط ولا ايه راى حضرتك
ومرة تانية باكد ان انا واثقة ان حضراتكو مكانش قصدكو اى تجاوز بس اللى حصل ممكن يكون من الانفعال
ويارب ان شاء الله موضوع توسيط دكتور محمد مصطفى يكمل على خير ونفوق بقى لدراستنا

[dr.hamed]

اللهم لاتؤاخذنا بما فعل السفهاء منا

[*Jessy*]

فعلا يا دكتور عندك حق ....... انا نفسي كلمت دكتور حمدي وقالي مفيش غلط حصل منكم وده من حقكم .. لكن للاسف ناس محضرتش ولا شافت حاجه بس سمعت كلمه من حد تاني وبقوا قعدين ينقلوا فيها من غير مايعرفوا مصدرها ايه ؟؟؟


احنا كده اللي بنشوه نفسنا وصورتنا بنفسنا بجد .... وهنطلع علينا سمعه سيئه وبسببنا برضه ......

سؤال واحد بس ؟؟؟؟؟ ..... الناس اللي بتقول ان حصل اخطاء وتعديات ... ياريت يقولوها او يحكوا لينا مواقف من كده شافوها بعينهم عشان نشوف الحق فين ............

وحتي لو حد من دفعتنا غلط او حصلت بعض التجاوزات .. المفروض احنا مش نفضل نعيد ونزيد في الكلام عشان منشيلش لنفسنا غلط .......

لان دفعتنا فيها ناس محترمه .... واكبر دليل ان انا من الناس اللي عاوزه دكتور حمدي يكمل عادي بس ناخد ضمان ووعد موثوق فيه .. وهو ادهولنا النهارده اما كنا عنده ... وعلي الرغم اني مشاركتش في اعتصامات او قولت كلام غير لائق او حتي اتكلمت مع دكتور حمدي قبل كده غير النهارده اعتذرتله باسم الدفعه اذا كان حصل من بعض الطلبه تجاوزات ... ودكتور حمدي قالنا مفيش حاجه حصلت ومتعتذروش عن شيء .........

[Moonlight]

كل التقدير و الإحترام لحضرتك يا دكتور

[white light]

-************-

بالنسبه لاخر التطورات ,, انا قابلت الدكتور محمد مصطفي حوالي الساعه 7 قبل ممشي من الكليه

وقالي انه اتكلم مع الاتنين دكاتره و ان شاء الله كل حاجه ترجع احسن من الاول بكتير


-***************-

وان شاء الله ربنا يعدي كل الامور علي خير

وياريت نركز في الدراسه والاهم بقا والموضوع يكون كدا انتهي

رنبا يقدم اللى فيه الخير ..........ويزيل هذا الكرب عنا

[lavandula]

بجد النهارده انا ما كنتش مصدقه نفسى .الحوار كان كويس جدا وان كان فى بعض التجاوزات واللى تم الاعتذار عليها فى ساعتها .بس اللى ضيقنى اوى تصرفات بعض الطلبه .اللى بجد لا تليق بينا اطلاقا,احنا كلنا مصلحتنا واحده وان اختلفنا فليه بقى التعصب الى احنا فيه ده .يعنى مش كفايه غلطنا فى بعض لأ.كمان ناس تطلع اسماء للدكتور حمدى وتقوله هم دول السبب بجد كده حرام .الناس دى تعبت علشان ترجعلنا حقوقنا اللى انا شايفه انها شبه رجعت يبقى ده جزائهم.مش هقول فى اللى عمل كده غير حسبى الله ونعم الوكيل

[dr moory]

انا محضرتش اللقاء النهاردة
بس سألت ناس اصحابى بثق فيهم عن اللى حصل وقالولى كده فعلا وهما قالوا محدش غلط فى الكلام
ورأى فعلا ان بكلام حضرتك ده مفهوش اى غلط
بس فى ناس للاسف بتنقل كلام وبتقول حاجات محصلتش ليه معرفش؟؟؟؟؟؟؟؟؟؟ ولا الطلبة اللى بتجرح فى زمايلها اللى بيجيبوا حقهم وبيطلعوا اسماءهم للدكاترة بجد حسبى الله ونعم الوكيل

[Amira]

لما الناس قالولى ان فى واحد قال للدكتور كلام معناه ان لما دكاتره القسم وقفوا مع بعض احنا الطلبه كمان هنقف مع بعض ... كل اللى كانوا واقفين قالوا ان الكلام مش مقصود منه اى حاجه غلط ولا حاجه تعيب الدكتور ولا القسم كله
وقابلت كذا واحده سالتها قالتلى بالعكس محدش غلط مع دكتور حمدى من بدايه الموضوع لحد دلوقت
وان كل الناس كانوا فى قمه الادب والاحترام

اكتر حاجه تضايق فعلا هو التصرفات اللى حصلت فى المدرج بعد اللقاء ده
ليه يعنى الناس تطلع تزعق لبعض !! وبنات تزعق واوالاد يزعقوا ! .... اللى مش عاجبه تصرف يقول بالراحه مش بالطريقه دى


والحمدلله ان دكتور محمد مصطفى قدر يظبط الوضع شويه ...ربنا يكرمه يااارب

بس اكتر كلمه استفزتنى وانا ماشيه مروحه ان واحده ماشيه ورايا من سنه رابعه وقعده تتكلم فى الموضوع ده والاخر قالت اصلا دفعه تالته دول دفعه ******** وقعدت تتكلم عن ماده الصناعيه بعد كده !

ربنا يعمل اللى فيه الخير للكل ياارب