مشاهدة نتائج الإستطلاع: هل توافق علي التعديلات الدستوريه الجديده ؟؟

المصوتون
81. أنت لم تصوت في هذا الإستطلاع
  • نعم اوافق

    46 56.79%
  • لا اوافق

    33 40.74%
  • لا ادري

    2 2.47%
صفحة 1 من 10 123 ... الأخيرةالأخيرة
النتائج 1 إلى 10 من 99

الموضوع: الاستفتاء على التعديلات الدستورية

  1. #1
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي الاستفتاء على التعديلات الدستورية

    السلام عليكم ورحمه الله وبركاته

    -*************-

    كالعاده ياريت نقرأ الموضوع بالكامل قبل منصوت في الاستفتاء

    -****************-




    الاستفتاء على التعديلات الدستورية



    لم يعد يفصلنا عن الموعد المحدد للاستفتاء على التعديلات الدستورية، 19 مارس، إلا القليل من الأيام والنقاش العام، لم ينتج بعد إجماعا وطنيا واضحا حول الموقف منها. بعض القوى الوطنية، ومنها جماعة الإخوان، يرى التعديلات المطروحة كافية لإجراء انتخابات برلمانية ورئاسية ديمقراطية وتعددية وإدارة الأشهر القادمة على نحو آمن. قوى وطنية آخرى والعدد الأكبر من الأحزاب السياسية والحركات الشبابية والشخصيات العامة، وأنا أقرب إلى هذا الطرح، لديها تحفظات جوهرية على التعديلات وتتخوف من تداعياتها السلبية على المرحلة الانتقالية.

    وأحسب أن التحفظ الجوهرى على التعديلات يرتبط بكونها، إن وافق عليها المواطنون فى الاستفتاء، ستعيد الحياة إلى دستور 1971 المعيب الذى أسقطت شرعيته ثورة 25 يناير العظيمة ولا يصلح للتأسيس لتحول ديمقراطى حقيقى، نظرا لإعطائه رئيس الجمهورية صلاحيات مطلقة وإضعافه الشديد لقاعدة مساءلة ومحاسبة الرئيس وتهميشه للبرلمان والسلطة القضائية فى مقابل تقوية السلطة التنفيذية.

    إن وافقت أغلبية من المواطنين على التعديلات فى الاستفتاء ستعاد الحياة إلى دستور معيب، ويباعد بذلك بين مصر وبين الشروع الفورى فى انتخاب هيئة تأسيسية لصياغة دستور جديد يتم وفقا له انتخاب رئيس الجمهورية والبرلمان. وتزداد خطورة هذا التحفظ حين نقرأ بعناية ودقة نص التعديل الدستورى الخاص بقيام الرئيس والبرلمان بعد الانتخابات بتشكيل هيئة تأسيسية لصياغة دستور جديد لمصر، ونكتشف أن للرئيس (مع موافقة مجلس الوزراء) وللبرلمان حق تشكيل الهيئة إن توافقا على ذلك إلا أنهما ليسا بملزمين بتشكيلها. وهو ما يعنى حال انتخاب رئيس يريد استمرار العمل بدستور 1971 وبرلمان لأغلبيته ذات التوجه أن التحايل على مطلب الدستور الجديد قد يستمر لسنوات قادمة.

    والحقيقة أننى ** شديد التخوف من أن ننتخب رئيس الجمهورية والبرلمان وفقا لدستور 1971. فالرئيس الجديد، وبغض النظر عن نواياه وتوجهاته ومدى التزامه بمبادئ الديمقراطية وحكم القانون، سيتمتع بصلاحيات مخيفة فى إطلاقها وقد توظف للتحايل على المطالب الديمقراطية لثورة 25 يناير. والبرلمان الجديد سيتسم، كالبرلمانات السابقة، بمحدودية سلطاته الرقابية فى مواجهة الرئيس المطلق الصلاحيات. ناهيك عن أن البرلمان، وهو ما يتخطى الدستور إلى القوانين المنظمة للانتخابات، إن انتخب وفقا للنظام الفردى المعمول به وإن أجريت الانتخابات خلال الأشهر القليلة القادمة دون تأجيل سيأتى على الأرجح بذات تركيبة البرلمانات السابقة بمستقلى «بقايا الوطنى» والإخوان ويهمش من ثم بقية القوى الوطنية والحركات الشبابية التى أنجزت الثورة العظيمة.

    هناك أيضا الكثير من التحفظات الجوهرية الأخرى على نصوص التعديلات المطروحة، أبرزها تلك المرتبطة بالمادة 175 والتى تحمل مضمونا تمييزيا صارخا ضد المصريين مزودجى الجنسية بحرمانهم من حق الترشح لرئاسة الجمهورية، على الرغم من أن القوانين المصرية تعتبرهم مواطنين متمتعين بكامل حقوق المواطنة دون انتقاص.

    كذلك تتدخل ذات المادة بصورة سافرة فى حياة المواطنين الخاصة وتحاسبهم عقابيا على اختياراتهم بحرمان المواطن المتزوج من «غير مصرية» من حق الترشح لرئاسة الجمهورية، ناهيك عن الصياغة اللغوية للمادة التى قد تفسر على أنها استبعاد للنساء المصريات من الترشح. كذلك تؤرقنى آلية التصويت الجماعى على كل التعديلات المطروحة بنعم أو بلا، دون أن يكون هناك للمواطنين الحق فى التصويت على التعديلات بصيغة فردية، أى كل مادة على حدة.

    لكل هذه الأسباب، حسمت أمرى بالذهاب إلى الاستفتاء والتصويت بلا على التعديلات المطروحة.


    -******************-

    اللي يقرأ الموضوع يقول ان بوجه لرأي معين

    بس بصراحه انا ملقتش صياغه حلوه اقول بيها اللي بفكر فيه من حيث التفريق بين التعديلات علي لادستور أو تكوين دستور جديد

    غير مقال د/ عمرو حمزاوي

    فنقلته ليكم بحيث كل واحد يعرف يبني رأيه علي اساس

    وانا عن نفسي لسا لحد الوقتي مكونتش رأي عن التعديلات الدستوريه ,, مستني الانسان اللي بثق في كلامه ورأيه لما يرجع واتكلم معاه


    شكراااا


  2. #2
    Pb Elite
    تاريخ التسجيل
    Nov 2007
    المشاركات
    2,371

    افتراضي

    التعديلات الدستوريه فى مجملها تمام و مقبوله الى حد ما ..

    المشكله فى نظام الحكم اللى احنا عاوزينو
    يا ترى يبقى نظام الحكم

    رئاسى ام برلمانى ؟؟؟ !!! " دا للسلطه التنفيذيه "

    * عن نفسى عاوزها دوله برلمانيه ...
    عشان تحد او تقلص دور الرئيس فى الدوله .

    تعالى بقى للسلطه التشريعيه ..

    نظام الإنتخاب ..
    فردى ولا قوائم نسبيه ولا قوائم مطلقه ؟؟

    عن نفسى شايف القوائم النسبيه .. افضل ..
    طيب ازاى المستقلين هيتأقلمو مع القوائم النسبيه ..

    الموضوع شبه معقد ولكنه ليس بالمستحيل ..

    ياريت اعرف رأيك يا احمد
    D:

  3. #3
    Pharma Student
    تاريخ التسجيل
    Oct 2009
    الدولة
    The deepest cave radiant with hope
    المشاركات
    223

    افتراضي

    شكرا على عرضك للموضوع ده بس انت نسيت ععمل حاجه مهمه انك تجيب التعديلات الدستوريه اللى الناس هتصوت عليها في ناس كتير متعرفش التعديلات ديه بتتكلم فى ايه وبتسمع وخلاص انت رافض لفكره التعديلات من الاصل ديه وجهه نظرك واحترمها وان كنت انا كمان رافض بس لما تعرف المبررات للتعديلات ديه هتفرق يبقى الاولى عشان الناس تصوت جيب مواد الدستور اللى تعدلت وبعدين اقول الراي بتاعى
    وشكرا واسف ع الاطاله يا دكتور

  4. #4
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي

    الفكر الوقتي يا شباب

    احنا عايزين نغير الدستور خالص وبعد كدا نستقر

    ولا نكتفي بالتعديل ونستقر الاول وبعد كدا نغير الدستور

    -*****************-



    انت رافض لفكره التعديلات من الاصل ديه وجهه نظرك واحترمه
    يا هادي انا مقولتش ان انا رافض ,, انا عرضت وجهه نظر اللي بيقول لا

    علشان نعرف هو بيقول لا ليه

    لان اللي بيقول نعهم عارفين انه بيقول نعم لان التعديلات دي مرضيه بالنسبه ليه

    -****************-

    يا احمد انا هقول رأيي والله بس لما والدي يرجع من السفر لانه رجل قانون ,, وبيفهم في الحجات دي اوي

    فمستني لما يرجع واتكلم معاه وافهم منه دهاليز التعديلات دي ,, وبعدها هقرر ان كنت هقول نعم او لا
    التعديل الأخير تم بواسطة L SMA7Y ; 11-03-2011 الساعة 04:14 PM

  5. #5
    Pb Elite
    تاريخ التسجيل
    Nov 2007
    المشاركات
    2,371

    افتراضي

    هقول رأيي والله يا احمد بس لما والدي يجي من السفر علشانه رجل قانون وبيفهم في الحجات دي اوي
    وهو بيقعد يتكلم معايا في الحجات دي ويفهمهاني ,, فاحب الاول اقعد معاه وافهم منه دهاليز التعديلات وبعد كدا اقول هنزل اقول نعم او لا
    رأى يحترم برضو


    الفكره يا شباب نغير الدستور وبعدين نستقر

    ولا نستقر الاول بالتعديلات الموجوده دي وبعد كدا نغير


    دي الفكره بكل بساطه اللي هتقول علي اساسها نعم او لا

    يا احمد .. الموضوع صعب شويتين ..

    فى البدايه انا كنت عاوز دستور جديد .. بس دا هياخد وقت كبير اوى ..
    عما كل شويه يتعمل شويه مواد ويستفتى عليها ...

    والجيش مش عاوز ياخد اكتر من 6 شهور .. والشعب خايف لو الجيش اخد من 6 شهور
    انو يقفز على الحكم .. والجيش احترم الرأى دا وقال 6 شهور بس ..

    لكن من وجهه نظرى ان الجيش .. كان يمسك سنه كامله ..
    يتعمل لجنه تشرف على وضع دستور ديمقراطى مدنى جديد ...
    والأحزاب تتكون وتقوى شويه .. عشان البرلمان يبقى قوى ..

    لأن لو اتعمل انتخابات حاليا فلول الحزب والإخوان همه برضو اللى هيكسبو

    الموضوع معقد .. وانا خلا مش عارف افكر

  6. #6
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي

    نص التعديلات الدستوري

    (( النص الاصلي والتعديل عليه ))


    -************-


    بالنسبه لنص التعديلات الدستوريه

    (( النص الاصلي ,, التعديل عليه ))


    -*****-


    المادة 76 :


    النص الأصلى :
    "ويلزم لقبول الترشيح لرئاسة الجمهورية أن يؤيد المتقدم للترشيح 250 عضوا على الأقل من الأعضاء المنتخبين لمجلسي الشعب والشورى والمجالس الشعبية المحلية للمحافظات، على ألا يقل عدد المؤيدين عن 65 من أعضاء مجلس الشعب و25 من أعضاء مجلس الشورى، و10 أعضاء من كل مجلس شعبي محلى للمحافظة من 14 محافظة على الأقل."

    وأن للأحزاب السياسية التي مضى على تأسيسها 5 أعوام متصلة على الأقل قبل إعلان فتح باب الترشيح، واستمرت طوال هذه المدة في ممارسة نشاطها مع حصول أعضائها في أخر انتخابات على نسبة 5 في المائة على الأقل من مقاعد المنتخبين في كل من مجلس الشعب ومجلس الشورى، أن ترشيح لرئاسة الجمهورية أحد أعضاء هيئتها العليا وفقا لنظامها الأساسي متى مضى على عضويته في هذه الهيئة سنة متصلة على الأقل.

    التعديل : شروط الترشح لرئاسة الجمهورية، بحيث منحت المستقلين الترشح للمنصب، بشرط الحصول على 30 ألف توقيع مؤيد لترشحه، ويكونون موزعين على 12 محافظة من بين 29 محافظة في مصر أو الحصول على موافقة 150 عضوا من أعضاء مجلسي الشعب والشورى، ويجوز لكل حزب سياسي له تمثيل في البرلمان ترشيح أحد أعضائه للرئاسة، بصرف النظر عن موقعه داخل الحزب.





    المادة 77:



    النص الأصلي: مدة الرئاسة 6 سنوات ميلادية تبدأ من تاريخ إعلان نتيجة الاستفتاء، ويجوز إعادة انتخاب رئيس الجمهورية لمدد أخرى.
    التعديل: مدة الرئاسة 4 سنوات ميلادية تبدأ من تاريخ إعلان نتيجة الانتخابات، ويجوز إعادة انتخاب رئيس الجمهورية لمدة أخرى واحدة فقط.

    المادة 88
    :


    النص الأصلي: يحدد القانون الشروط الواجب توافرها في أعضاء مجلس الشعب، ويبين أحكام الانتخاب والاستفتاء، ويجري الاقتراع في يوم واحد، وتتولى لجنة عليا تتمتع بالاستقلال والحيدة الاشراف على الانتخابات.
    التعديل: تتولى لجنة قضائية مشكلة من قضاة المنصة فقط ( أعضاء محاكم الدستورية العليا والنقض والاستئناف ومجلس الدولة ) الإشراف على الانتخابات التشريعية، بما فيها إعلان فتح باب الترشيح وإعلان النتيجة.

    المادة 93
    :



    يختص المجلس بالفصل في صحة عضوية أعضائه. وتختص محكمة النقض بالتحقيق في صحة الطعون المقدمة إلى المجلس بعد إحالتها إليها من رئيسه. ويجب إحالة الطعن إلى محكمة النقض خلال خمسة عشر يوما من تاريخ علم المجلس به، ويجب الانتهاء من التحقيق خلال تسعين يوما من تاريخ إحالته إلى محكمة النقض.
    وتعرض نتيجة التحقيق والرأي الذي انتهت إليه المحكمة على المجلس للفصل في صحة الطعن خلال ستين يوما من تاريخ عرض نتيجة التحقيق على المجلس، ولا تعتبر العضوية باطلة إلا بقرار يصدر بأغلبية ثلثي أعضاء المجلس.
    التعديل: إلغاء دور مجلس الشعب نهائيا في الفصل في صحة عضوية النواب، وإسناد هذا الدور كاملا لمحكمة النقض بعد التحقيق في الطعون الانتخابية، وتكون نتيجة التحقيق بمثابة حكم قضائي واجب النفاذ.

    المادة 148
    :



    يعلن رئيس الجمهورية حالة الطوارئ على الوجه المبين في القانون، ويجب عرض هذا الإعلان على مجلس الشعب خلال الخمسة عشر يوما التالية ليقرر ما يراه بشأنه.
    وإذا كان مجلس الشعب منحلا يعرض الأمر على المجلس الجديد في أول اجتماع له.
    وفي جميع الأحوال يكون إعلان حالة الطوارئ لمدة محددة، ولا يجوز مدها إلا بموافقة مجلس الشعب.
    التعديل: حالة الطوارئ لمدة ستة شهور فقط، وبطلب من رئيس الجمهورية بعد موافقة مجلسي الشعب والوزراء عليه، وتجدد مدة حالة الطوارئ يستدعي إجراء استفتاء شعبي عام.

    المادة 151
    :



    رئيس الجمهورية يبرم المعاهدات، ويبلغها مجلس الشعب مشفوعة بما يناسب من البيان. وتكون لها قوة القانون بعد إبرامها والتصديق عليها ونشرها وفقا للأوضاع المقررة.
    على أن معاهدات الصلح والتحالف والتجارة والملاحة وجميع المعاهدات التي يترتب عليها تعديل في أراضي الدولة، أو التي تتعلق بحقوق السيادة، أو التي تحمل خزانة الدولة شيئا من النفقات غير الواردة في الموازنة، تجب موافقة مجلس الشعب عليها.
    التعديل: لا يتم إبرام جميع المعاهدات إلا بعد موافقة استفتاء مجلس الشعب عليها وتكون لها قوة القانون بعد التصديق عليها.
    المادة 189:
    لكل من رئيس الجمهورية ومجلس الشعب طلب تعديل مادة أو أكثر من مواد الدستور، ويجب أن يذكر في طلب التعديل المواد المطلوب تعديلها والأسباب الداعية إلى هذا التعديل.
    فإذا كان الطلب صادرا من مجلس الشعب وجب أن يكون موقعا من ثلث أعضاء المجلس على الأقل.
    وفي جميع الأحوال يناقش المجلس مبدأ التعديل ويصدر قراره في شأنه بأغلبية أعضائه، فإذا رفض الطلب لا يجوز إعادة طلب تعديل المواد ذاتها قبل مضى سنة على هذا الرفض.
    وإذا وافق مجلس الشعب على مبدأ التعديل، يناقش بعد شهرين من تاريخ هذه الموافقة، المواد المطلوب تعديلها، فإذا وافق على التعديل ثلثا عدد أعضاء المجلس عرض على الشعب لاستفتائه في شأنه.
    فإذا ووفق على التعديل اعتبر نافذا من تاريخ إعلان نتيجة الاستفتاء.
    التعديل: إتاحة اقتراح تعديل الدستور لعدد معين من جموع من لهم حق الانتخاب، وحذف الفقرتين الثالثة والرابعة وإحالتهما لقانون مجلس الشعب.

    المادة 190
    :


    النص الأصلي: تنتهي مدة رئيس الجمهورية الحالي بانقضاء ست سنوات من تاريخ إعلان انتخابه رئيسا للجمهورية العربية المتحدة.
    التعديل: تنتهي مدة رئيس الجمهورية الحالي بانقضاء أربع سنوات من تاريخ إعلان انتخابه رئيسا للجمهورية.

    -**********-

    منتظر ارائكم


  7. #7
    Pharma Student
    تاريخ التسجيل
    Aug 2007
    المشاركات
    1,318

    افتراضي

    أرفض الترقيع

  8. #8
    Pharma Student
    تاريخ التسجيل
    Nov 2009
    الدولة
    egypt
    المشاركات
    301

    افتراضي

    اكيد موافقة علي التعديلات بدون تردد لان الدستور الجديد هيحتاج وقت واعتقد اننا مينفعش ننتظر كتير في الحالة اللي احنا فيها دي فالتعديلات تكفل انتخابات نزيهة للبرلمان والرئيس وطالما جم بارادة الشعب يبقي هينفذوا اللي احنا عايزينه وبالنسبة لصلاحيات الرئيس فمعتقدش انها السبب الرئيسي في اللي حصل لمصر في اخر عشر سنين من كوارث اعتقد السبب هو طول بقاء الرئيس في الحكم ده حوله لفرعون وحوله بطانة سيئة وعزلوه تماما عن احوال الناس لكن ان شاء الله الرئيس القادم هيقعد 4 سنين فايه اللي يمنعه من تعديل الدستور خاصة ان هيكون في برلمان منتخب يعبر عننا ويقدر يحاسبه في اطار قانوني هو صحيح انا عندي تخوف من ان البرلمان الجاي ممكن يكون اخوان وبقايا الوطني بس ارجع واقول ان الاغلبية الصامتة اللي عمرها ماراحت انتخابات وانا منهم هتنزل المرة دي و معظمنا لا اخوان ولاوطني وهننتخب ناس زينا واكيد هيكون فيه مستقلين واساتذة جامعة وجميع الفئلت ممكن ترشح نفسها مش شرط الواحد يبقي في حزب عشان ينجح بالعكس الناس مش مقتنعة بولا حزب من القائمين ومعتقدش ان الاحزاب الجديدة ممكن تفرق كتير لانهم ماشيين بنفس مبدأ المصلحة الشخصية كل واحد بيعمل حزب استنادا علي اسمه مش علي فكر وايدولوجية معينة والتعديلات الدستورية هي خطوة علي الطريق الصحيح فليه نرفضها مالايدرك كله لايترك كله

  9. #9
    Pb Elite
    تاريخ التسجيل
    Oct 2009
    الدولة
    فى اى مكان
    المشاركات
    214

    افتراضي

    اقتباس المشاركة الأصلية كتبت بواسطة Dr.A7med مشاهدة المشاركة
    أرفض الترقيع
    طيب ياكتور
    تفتكر الوقت كافى اننا نعمل دستور جديد
    وهيخلص قبل الرئيس الجديد مايجى؟؟؟؟؟؟؟؟

  10. #10
    Pharma Student
    تاريخ التسجيل
    May 2009
    المشاركات
    1,317

    افتراضي

    شخصيا ومن بكره بإذن الله هبدأ جمع معارفي بلا استثناء لحثهم علي المشاركة في الاستفتاء وإقناعهم بالموافقة علي التعديلات

    لعدة أسباب هقول اهمها:

    1- تورتة وقدامي ليه أسيبها؟؟

    ..
    يعني متفق معاك إننا محتاجين دستور جديد لانج لكن إيه التعارض بين إني أوافق علي التعديلات وأطلب بعدها تعديل الدستور

    يعني بالبلدي..

    الاستفتاء مش علي اختيارات إنك موافق ولا لأ ولا دستور جديد

    الاختيارات إنك موافق ولا لأ

    .
    .
    يعني اللي هيقول لأ بمنطق غنه عاوز دستور جديد مش هيبقي دا اللي هيحصل .. رفضك معناه إنك بترفض الإشراف القضائي ونزاهة الانتخابات وتعديل شروط ترشيح الرئيس .. الخ


    دا معني الرفض للتعديلات

    لأ أنا آخد الموجود قدامي وبعدين أشوف موضوع الدستور الجديد

    2- بصراحة عاوز أخلص من سيطرة الجيش علي الموضوع بأسرع وقت ممكن ودا مش هيحصل لو رفضت التعديلات خصوصا إن موضوع المجلس الرئاسي مش وارد في ذهن الجيش خالص

    وعشان كدا لازم اسأل سؤال

    .
    .
    لو اكنت نتيجة الاستفتاء هي الرفض


    تقدر تخمن لي رد فعل القوات المسلحة هيبقي إيه؟؟

    إيه اللي يضمن إنها تعمل الجديد لو رفضت أنا التعديل
    .
    .
    ولو خايفين من صلاحيات الرئيس .. يا جماعة ما أنا بلزمه بتغيير الدستور كاملا بعد ما يمسك البلد


    يعني لو عدلت صلاحياته دلوقتي مش هتفرق لأن كدا كدا دا كله هييترمي في الشارع لما أعمل الدستور الجديد عشان كدا كله محصل بعضه
    .
    .

صفحة 1 من 10 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •