صفحة 1 من 3 123 الأخيرةالأخيرة
النتائج 1 إلى 10 من 25

الموضوع: اجتماع الدكتوره ناريمان .......

  1. #1
    Pharma Student
    تاريخ التسجيل
    Oct 2009
    الدولة
    The deepest cave radiant with hope
    المشاركات
    223

    Lightbulb اجتماع الدكتوره ناريمان .......


    اجتمع عدد من طلاب الفرقه الثالثه مع الدكتوره ناريمان رئيس قسم الفارما والسموم وذلك بعد عرض سيادتها لفكره مناقشه الطلاب حول ماتقدموا به من طلب الى العميده بخصوص القسم
    الاجتماع الاول..
    (يحكيه لى احد الطلبه المشاركين ف الحوار)
    ملخص مادار ان الدكتوره اتفقت ان فى سياسات كانت غلط ف الترم الاول بس ماينفعش ان الدكتوره ناريمان تدرس الماده كلها لينا عشان الظروف الصحيه ونظرا لقله عدد الدكاتره الموكل بهم تدريس الماده وانه بعد شد وجذب وبعد عرض بعض الافكار على الطلبه التى تضمن منها ان الطالب هيتحاسب ف الترم الثانى بطريقه لينه شويتين بحيث ان العملى عليه 40 درجه هيبقى المينيمم للطالب اللى معرفش ال UNKNOWN بتاعه 20 وعلى حسب انت حليت هتجيب كام يععنى هتبدا تتحاسب بموجب 20
    الشفوي المينيمم بتاعته هتبقى 22
    وغير كده وكده المعامله هتتغير وان لو كان فى تجاوزات حصلت ف الترم الاول مش هتتكرر وطبعا بعد عرض عليها مسلسل من كوارث الترم الاول
    خلاصه مادار... لانى مش متذكر بالضبط الكلام عشان بصراحه وانا بيتحكالى الموضوع قاعد مزبهل وبفكر... ((اوبه هيا بقت كده ...!!!))
    وخلاص الدكتوره منار هتدخلنا ساعتين عشان وعشان وعشان ....!
    يعنى هيا ساعتين هتدخل من الاخر وبدماغ اي شاب متهور ومش بيفكر غير ان فى حاجه مش مضبوطه وانا رايح عشان لا يعنى لا مش لا واسمع منك واقول اه تصدق اصل انا بردوا مش عارف كل حاجه ...!
    هنا بقى كان لازم نقف ونقول ايه انت بتقول ايه خدوا هنا انتو بتقولوا ايه انتوا بتهرجوا اتفقت معاكوا على كده ...
    هنا بقى وبعد ذهول وصمت رهيب بيتهيالى بتاع ساعه ...لابصراحه سوانى وهوبا واقف طالب ...لا انا داخلها ...انا هاخد معاها معاد ...انا الكلام ده مايناسبنيش ....انت اقتنعت انا مااقتنعتش ...انا عاوز معاد معاها بس هيا ممممم ..... رايحه اجتماع مجلس الكليه ...
    يادكتوره بعد اذن حضرتك احنا عاوزين نقابل حضرتك بعد الاجتماع ...
    الاجتماع ساعه ...
    طيب حضرتك هتبقى موجوده بعده ..ولا بكره لا بس انتو معندكوش بكره انتو بكره اجازه ...
    لا احنا هننزل لحضرتك بكره فى اي وقت حضرتك عندك ايه بكره ...
    محاضره اسنان ...؟ طيب بعد اذن حضرتك احنا هنستنى حضرتك لغايه بعد الاجتماع ....
    طيب....
    لو حكمت هبات هنا ...! (طالب)
    واحنا معاك احنا هنستناها ...!
    طبعا ف الفتره ديه ناس كتيره اتكلمت وبدا اول مره الناس بمجموعه كبيره مجموعه مش فاهمه يعنى ايه كنا خلاص الموضوع قفلناه وبتتكلم مع بعضها وبتقول....فى واحد واتنين وتلاته وفى وفى وفى ..........!!!!
    غير لما يبقى شويه طلبه كتير فيهم اللى يعرف بعضه واللى مايعرفش بعضوا واللى سمع عن الحوار ووقف يتكلم وهوبا خلاص يا جماعه احنا هنقابلها ونتكلم ونقول احنا المفروض المفروض بلغه اليومين دوول ومن الاخر كده على بلاطه مافيش مجال للمساومه مع الدكتورتين مش هنقلل من صوت دفعه كامله بتقول مش عاوزينهم يدرسولنا تانى ...مش عشان خاطرهم مش هتشتروا خاطر دفعه سنه تالته بعد الكوارث وعلى فكره هيا فعلا كوارث وهنقولكم ليه كمان شويه وهتعرفوا انها كوارث
    كله بيقول لا.... مش لا.... هو لا ...احنا 1062 طالب 75% منهم مجمعين على صوت واحد وان مكنش الدفعه كلها بس فى ناس لسه بتقول هستنى وناس مقتنعه انهم يستنوا ...كده لو فى مجال للمفاوضه يبقى فعلا زي مااتقالهم ان العميده مبلغتش باخطار رسمى بذلك شوفت بقى كان لازم نجيب امضا بكده ....هو ينفع اصلا احنا ايه بقى ...!!!!
    مين مع مين مين بيقول ايه ومين رايح فين وعلى فين ....
    على فكره احنا كنا بنقول لا عشان ده كان موضوع انتهى الكلام فيه خلاص وخدنا كلام من عميده الكليه انهم اعتذروا عن تدريس الطلبه ..وبيتهيالى الناس كلها عرفت كده على ايه المساومه وبعدين اصلا ايه ده هو مشاعر الطلبه مش من حقها تحترم وبعدين انت هتبقى ازاي دكتور واقف تشرحلى وانت عارف ان نسبه 75% من الناس مقتنعه انك لاتصلح وموقعين على كده .....!!! هنا بقى لازم نطلع الاوراق ونراجع اللى اتقال مع العميده ونستنى بقى نشوف القطر هيوصلنا لفين لغايه مالدكتوره تيجي
    اجتمع بعد ساعه على باب الدكتوره بتاع 15 طالب وبتاع زيهم بنات وكلهم رايحين وهيقولوا لا شفوى ..لا عملى
    لا نظري ...مابينهم ومابين بعض واللى فاضل انهم يمشوا وتبقى مظاهره وكله واحد بيقول للتانى لا ليه وعشان وعشان وعشان
    وقتها بس عرفت يعنى ايه تبقى داخل عشان تسمع... ويعنى داخل عشان تتكلم ....!
    فى البدايه دخلت الدكتوره غاده ووصلتنا لغرفه زي غرفه اجتماعات محندقه عشان الدكتوره تتكلم فيها وبالطبع سالتنا ايه المشكله وبصنعه لطافه قالت انها مش عارفه ايه اللى حصل وبدا شويه طلبه يتكلموا معاها فى
    سياسه معامله ...
    سياسه تعليم ...
    سياسه دكتور...
    سياسه تعنت...
    ويعنى ايه دفعه تقول لا وانا هدخل ادرسلكم ساعتين ...!!!
    المهم الدكتوره ناريمان دخلت وخرجت الدكتوره غاده
    وبد الكلام وفى الاول قالت انها اجتمعت مع مجموعه من زملائنا... قلنالها..... ف نفس واحد واحنا جايين عشان نقول لحضرتك يعنى ايه الكلام ده
    قالت انا اتفقت مع الطلبه اللى قبلكو على........( اللى اتقال قبل كده)
    يعنى لو انت مش مزاكر اي حاجه ف الماده انت ضامن معاك فى جيبك وانت ماأنتخ وبتشرب الشوب حليب 44 درجه ...!!!!!!!!!!!!!!!!!!!!!!!!!!!
    وفى سياسه تعامل هتتغير وفى ..وفى ...وفى
    معلش يادكتوره ..(استنى لما الدكتوره تخلص كلامها وبعدين ابقى اتكلم)
    اتكلمت الدكتوره ف ان كانت الدكتوره بتعمل زي استبيان عشان تعرف درجات الدفعه قبل كل امتحان نظرى للدرجات العملى بس السنه ديه محصلش بظرا لظروفها الصحيه وان فى حاجات ف الامتحان كانت بتسال الدكتوره عليها تقول الدكتوره لا اتشرحت لهم ...اضف الى معلوماتك ان الامتحان بتاع النظرى بتاع ماده الاساي كده بعد التعديل ....!!!!!!!!بعد تدخل دكتوره ناريمان فيه .......!!)
    يعنى كان هيبقى امتحان دمار شامل يعنى هو ينفع الدكتوره تبقى كل همها اجبلك امتحان قابلنى لو عرفت تحل حاجات كتير فيه سواء ف الاساي او الفارما وان اللى بيحصل كان بجد مهزله يعنى ايه
    يعنى ايه دكتوره تتحكم فى 40 درجه عملى +20 درجه نظري +30 درجه شفوى =90 درجه
    يعنى ايه دكتوره لسه فى بداياتها يسند ليها حاجه زي كده ....
    احنا يادكتوره مش جايين نتكلم فى درجات ..... احنا جايين نتكلم ان فى غلط عندك ف القسم ف الاتنين دوول والدفعه مش هترضى باي شكل او اي صوره يعنى ايه عشان خاطرهم تخسري خاطر الف طالب هو ده يعقل يادكتوره ...؟!
    لا يابنى وانا عندي اولاد...بس القسم مافيهوش دكاتره يدوو ومافيش دكتور
    طالب ف نص الكلام يعنى ايه يا دكتوره قسم الفارماكولوجى والسموم مافيهوش دكتور ينفع يحل مكان الدكتورتين ...ازاي يعنى فى الدكتور ....او الدكتور....او الدكتور ....الخ
    اصل هما ساعتين وانا هدرس الساعات الباقيه واحتمال يدخل الدكتور..
    يادكتوره حضرتك بجد ليه مش مقدره مشاعرنا يعنى ايه دكتوره بنقول مش عاوزنها تدخل وتدرسلنا بانهو وش بانهو منطق بانهو عقل ازاي يعنى منين هتدخل تدرسلنا يعنى ايه وبعدين يادكتوره
    طيب قولولى نقط واضحه اولا يادكتوره كل واحد عاوز يقول حاجه الغريب على الرغم انه كان لما بيقى فى
    يادكتوره احنا جايين نحكى بقى ...
    يعنى ايه طريقه التعامل ديه ..
    وشويه امثله بقى ...(لما طالب يسالها توضيح درجات الامتحان يعنى انا يادكتور ف الاختيار من متعدد الى نص السؤال اصلا غلط يعنى ايه تسالنى ف سؤال فسيولوجى وباثوفسيولوجى وانا معنديش فيهم حاجه وجايبه غلط وانا معرفش الصح وبنتسال ويعنى ايه يبقى الامتحان قاصر على احتمال انسر واحد بس اللى صح اللى هيا نموذج الاجابه اللى هو لو الاختيار اي وبي وسي ودي والاجابه ايه وسي وانت قولت ايه بس يبقى غلط مافيش فصال ...وبعدين هنروح بعيد ليه الدكتور شحته قابيل انه ادى الطلبه درجات الشفوي كامله بتاعت الخمس درجات اللى ف السكشن نظر لتدنى مستوى الدرجات ف الماده وان الاندوكرين كان زي مابيقولو اللى مزاككرووش احسنلو ويعنى ايه انا اصلا اطلع من الكليه وانا مش دارس جزء اندوكرين ...مين اللى مسئول عن ده ومين اللى مسئول عن طريقه الشرح اللى مبتعرفش تشرح بيها وانا زنبي ايه ...!!!!!!!!
    ليه يبقى انا المفروض استحمل وليه بعد الغلط ده كله وبعدين سوانى يا دكتور يعنى ايه المهزله اللى حصلت ف الاساي ديه يعنى ايه امتحان شيت يبقى عليه 25 درجه ويعنى ايه شيتات الباقيه اللى كانت مكتوبه بخط الايد اللى بتبقى المحاضره يوم التلات والسكشن الاربع وعاوز تسالنى ... اعمل امتحان مفاجئ ....يعنى ايه معرفش تقسيمه درجاتى ف العملى على اي اساس بتحاسب ....لما تيجي تسال المعيد يقولك معرفش طب الشيت ده عليه درجات طيب مش عارف ايه ....
    معرفش معندناش اي حاجه
    طيب اروح اسال مين اسال صيدله الازهر اللى نزلتنا جزء االانوفا عشان التطوير عشان هيا بتدرسه واحنا ازاي مندرسوش طيب مع العلم ان الجزء ده لازم يتشرح ف معمل الكمبيوتر ::طب ومتشرحش ليه ....مممم..!!!!!
    طيب بردوا يعنى ايه دكتوره تجيب جزء الانوفا وده جزء بيتم تدريسه ف الدراسات العليا والكلام ده من بؤ اكتر من دكتور وهيا قالت ده سو هارد عليكم ول جبته ف الامتحان بالطريقه مش هيبقى مساله و......وطبعا المساله كان عليها سبع درجات وكانت عاوز وقت هلامى اخطبوطى فى ظل الوقت ده ...!!!!
    انت راضى حضرتك اننا نقولها عاوزين وقت زياده تقول لا ف الامتحان والدكتوره تقاطع وتقول ماقلتليش ...!
    طيب واحنا زنبنا ايه هيا مكلفتش خاطرها وقالتلك احنا قلنا وهيا قالت لا ماينفعش
    ويعنى ايه الشكل التعجيزي للامتحان ويعنى ايه اختيار ف الامتحان بتاع الاحصاء ...حسبى الله ونعم الوكيل
    طبعا الدكتوره كان عليها نظرات استغراب تحس بردوا للامانه انها متعرفش بس بردوا يعنى ايه رئيسه القسم ومتعرفش طب ماانتو اللى مابتقولوش وانتو مدينها ف الاستبيان 3.5 من كام يادكتوره من خمسه ...قلنا يادكتوره الاستبيان ده ماينفعش وقبل كده كان حاجه واللى جاى حاجه تانيه الاستبيان مش عاوزين نسمى مسميات احنا عندنا حاجه غلط وبنطلب بتصحيحها القسم اصلا مفروض يحقق ف الموضوع ده خطير مش تهريج
    يعنى ايه نبره التعالى والنظره التوعديه للطلبه يعنى ايه عداوه الطلبه هيا هتستفاد ايه لما تعمل معانا كده هما ليه بيعملو كده طيب هما انتو شايفين انهم كده صح وبالنسبه للصلاحيات اللى انتو مدينها يعنى ايه تاخد 100 درجه من 900 درجه ف تقدير طالب يادكتوره كانوا بيتحكموا بطريقه غريبه
    يعنى انتو عاوزين ايه
    لا نظرى ولا عملى ولا شفوى يبقى فيهم الدكتورتبن وشكرا لغايه كده لو فاضل شويه احترام ليهم بحكم حاجات كتير مش هينفع نتخطاها ....
    طيب اكتبولى مطالبكو
    هيا ديه
    وبعدين احنا معانا نص الشكوى اللى قدمناها
    بدات الورقه والقلم وتلات دواير كبار على نظرى.... وشفوى... وعملى ..... بدايره كبيره لكل واحده منهم
    وبدا التفاوض حول كل حاجه واحده واحده بس ف الاخر وبعد شد وجذب وطبعا احداث ووقائع افضل مااقولش عليها كلها ..(كل اللى راح ياريت يذكر حاجات اتقالت من الطلبه )
    نظرى .....القرار ..........................اجابه قاطعه بعدم تدريس الماده لاي منهما
    عملى ....بعد مفاوضات كتيره كان منها انها هتبقى بس مسئوله عن المعمل ف التحضير مع العمل فكان الرد يا دكتور ايه المشكله لما تبعد عننا هو خلاص لازم اي عقده وخلاص لازم نطلع بحاجه ليه مايبقاش موضوع حاسم ...من هنا لهنا ..........................تم اسناد مهمه العملى لدكتوره غاده ودكتوره ناريمان على ان يكون
    1-مافيش امتحانات شيتات ....العملى العباره عن ال ....UNKNOWN بس وب 40 درجه
    2-المينيمم ف الامتحان 20 درجه

    االشفوى ....الاشكاليه الكبرى مش هينفع متنزلهومش هما ليهم ساعات بياخدوا عليها فلوس (ياواخد قوتى يا ناوى على موتى)
    طب وال 50 طالب اللى هيمتحنوا عندها انا اضمن منين ان انا متظلمش وهيا هتبقى ممتحننانى على اساس ايه عاوز افهم بس .....
    طيب ماهو هيبقى فى مينيمم ...وانا اضمن منين ان هيبقى انا مجاوب ال 30 درجه واخد الممينيمم بس وليه اصلا احنا منرضهاش لحد فينا
    وهيبقى ايه التعامل لو نزلو الطلبه ولقوهم ف الشفوي وعملو وقفه انهم مش هيمتحنوا الشفوى ....!!!
    ممممم....احنا ممش هنوصل الموضوع لكده
    احنا طبعا سبنا للدكتوره نسخه من التوقيعات ونسخه من الشكوى المقدمه ضد الدكتورتين
    عشان لو قالو هينزلوا شفوى
    واللى اتفقوا ف الاخر انهم هيردوا ويقولوا هينزلوا شفوى ولا .....لا

    مش عارف ايه حكايه يوم الاحد مع الاداره ده ....ممممم
    وانتهى ...بس اللى لازم تعرفوه ان الطلبه كلها لو هما هينزلوا شفوى محدش هيمتحن شفوى لغايه مالدكاتره تمضى على اقرار عدم امتحان شفوي لاي طالب
    شكرا يادكتوره....
    اتفضلو
    انا طلعت رغاي اوووي .....كفايه كده
    اسف ع الاطاله

    بس السؤال بقى انت تنصح ايه طلاب سنه رابعه ......
    احنا اسفين يا صلاح ....
    ربنا يكون ف عونكو ....
    الحق نفسك ......

  2. #2
    مسئول الجمعية العلمية
    تاريخ التسجيل
    Nov 2007
    المشاركات
    1,173

    افتراضي

    بس السؤال بقى انت تنصح ايه طلاب سنه رابعه ......
    احنا اسفين يا صلاح ....
    ربنا يكون ف عونكو ....
    الحق نفسك ......
    هههههههههههههههههه
    يخربيت دماغك العالية

    بس ع راى المثل اللى اتلسع من الشربة ينفخ فى الزبادى

  3. #3

    افتراضي

    انت فظيييييعع في اسلوب السرد

  4. #4
    Pharma Student
    تاريخ التسجيل
    Sep 2008
    الدولة
    حدانا فالبلد
    المشاركات
    903

    افتراضي

    هبطت علي ماخلصت الموضوع وريقي ناشف وعطشان ..... المهم ان الموضوع جامد ونقل اخبار جامد

    تسلم عليه يادوك وبالتوفيق ان شاء لله لينا كلنا

  5. #5
    Pharma Student
    تاريخ التسجيل
    Oct 2007
    المشاركات
    124

    افتراضي

    ياااااااااااااااااااااااااااااااااااااه كتبته فى كام ساعة ده يا هادى
    بجد ربنا يكرمك والله أنا فرحان أنى عرفتك والله بتعلم منك

  6. #6
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي

    يعني لازم تدوخنا وتنشف ريقنا علي متقول الكلمتين اللي فيهم الخلاص

    زتونه الموضوع ان خلاص الاتنين مش هيدرسولنا نظري


    وهو دا المهم

    وشكرا يا هادي انا بجد كنت ناوي ادون فيلم النهارده ,, بس استكفيت بميلودي دراما دي

    كليه صيدله .... أم الدراما

  7. #7
    Pharma Student
    تاريخ التسجيل
    Oct 2007
    الدولة
    Mansoura
    المشاركات
    39

    افتراضي

    اقتباس المشاركة الأصلية كتبت بواسطة L SMA7Y مشاهدة المشاركة

    وهو دا المهم


    !!!!!!!!!!!!!!
    ايه يا سماحى هتبقى تمتحن شفوى انت مع د.منار أو د.دينا !!!! وعادى لو حد منهم مسؤل عن العملى !!!!!!!
    يا جماعه المطالب واضحه ومش محتاجه مناقشه

  8. #8
    Pharma Student
    تاريخ التسجيل
    Aug 2008
    المشاركات
    135

    افتراضي

    thanks for u

  9. #9
    مسئول الجمعية العلمية
    تاريخ التسجيل
    Nov 2007
    المشاركات
    1,173

    افتراضي

    ايه يا سماحى هتبقى تمتحن شفوى انت مع د.منار أو د.دينا !!!! وعادى لو حد منهم مسؤل عن العملى !!!!!!!
    لا يا فندم هما غير مسئولين عن العملى ده امر انتهى

    بالنسبة للشفوى د ناريمان قالتلنا هتحاول ولو موافقوش بالتراضى قالتلنا روحوا اشتكوا فى الجامعة وهيتفتج تحقيق ويتوقفوا عن العمل كله رسمى

  10. #10
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي

    ايه يا سماحى هتبقى تمتحن شفوى انت مع د.منار أو د.دينا !!!! وعادى لو حد منهم مسؤل عن العملى !!!!!!!
    يا جماعه المطالب واضحه ومش محتاجه مناقشه
    يا دكتور انا اقصد ان زتونه الموضوع كله وبعد مقرأت الموضوع كله طلعت بان هما مش هيدرسولنا عموما

    دا اللي اقصده

    ولو جالي شفوي عند حد منهم مش داخلهم


    هدخل لدكتور سيد عمار زي الترم اللي فات علشان انتحر

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •