عايزة أتجوز بصراحة.......بقلمى

[eman ahmed]

****بسم الله الرحمن الرحيم****
ردا على أغنية ((عايز أتجوز بصراحة)) و التى كتبها د/محمد وجدى وأنا ببدى له اعجابى الشديد بها وبكل كتاباته وعلى نفس المنوال بقدم لكم ((عايزة أتجوز بصراحة)) و طبعا د/محمد هو صاحب الفضل ف الفكرة أنا بشكره وبتمنى انها تحوذ على اعجابه واعجابكوا جميعا
**** عايزة أتجوز بصراحة****
أنا عايزة أتجوز بصراحة
واحد ظروفه مرتاحة
يسكّنى فى شقة فى عمارة
ما تكونشى فيها السفارة
***********************
أنا عايزة أتجوز واد شيك
أنا الفرخة وهوه الديك
يمشى كده متأنتك
و يكون معايا رومانتيك
يأكلنى يوم بفتيك
و بقية الشهر نقضيها كيك
************************
أنا عايزة أتجوز يا بنات
الواد الحليوة أبو رنات
ساكن قصاد خالتى زينات
و مقضيها على طول مسجات
*************************
أنا عايزة أتجوز دكتور
يكون كده شهم و أمور
نقضى الصيف ف أبو قير
أو حتى ميدان التحرير
**********************
أنا عايزة أتجوز واد كووول
مقضيها نانسى و بسكال
أقوله راحة عند أمى
يقولى روحى على طول
*********************
أنا عايزة أتجوز راجل..... مش سيس
ياخدنى معاه السويس
و يقولى دى حتة من باريس
و أهو ف الأخر اسمه عريس
************************
أنا عايزة واد انجليزى
لا تقولى أسبانى ولا ماليزى
أقول له good morning
يقولى بحبك .....بس بالانجليزى
************************
أنا عايزة أتجوز وبسرعة
من غير الفستان و الطرحة
شكليات كلها مش فارقة
مش مهم.....المهم الفرحة
**********************
أنا عايزة أتجوز واد مجدع
م الشغل -يا عينى- هيفرقع
أهى دى الرجالة اللى بتنفع
ما يقوليش بابى و مامى و يتمرقع
*************************
أنا عايزة أتجوز وخلاص
واد رجولة ومخلّص
ما تقوليش الواد محروس
أصل أنا من اسمه بضرس
*********************
أنا عايزة أتجوز و بجد
واد مفيش ف جماله حد
خطواته كلها تتعد
و من صوته البيت يتهد
**********************
ما أنا أصلى أخر العنقود
م الأخر سكر معقود
ماما بتدلعنى بموزة
و بابا بيقولى يا لوزة
بس ده بيكون وقت العوزة

بقلمى..........EMAN
الاسم المستعار...........نور عمرو

[الطائر الحزين]

هههههههههههه

حلوه قوى

أنا عايزة أتجوز و بجد
واد مفيش ف جماله حد
خطواته كلها تتعد
و من صوته البيت يتهد

واد حمش يعنى

[DR.BIBO]

عايزة تتجوزى كل دول فى بعض يا ايمان ربنا يوفقك وتلاقى كل دول مضروبين فى الخلاط فى شخص واحد
بس بجد لذيذة ودمها خفيف

[Dr.Dina ELBeltagy]

رووووووووووووووووووعة

[Retag]

ههههههههههههههههههههههههه جميل اوىىىىىىىى

[N00R EL _SHAMS]

هههههههههههههههههه

زى العسل...هو ده الشعر ولابلاش

[polares]

هههههههههه

[محمد وجدي]

****بسم الله الرحمن الرحيم****
ردا على أغنية ((عايز أتجوز بصراحة)) و التى كتبها د/محمد وجدى وأنا ببدى له اعجابى الشديد بها وبكل كتاباته وعلى نفس المنوال بقدم لكم ((عايزة أتجوز بصراحة)) و طبعا د/محمد هو صاحب الفضل ف الفكرة أنا بشكره وبتمنى انها تحوذ على اعجابه واعجابكوا جميعا







بقلمى..........EMAN
الاسم المستعار...........نور عمرو

السلام عليكم ورحمة الله وبركاته


أولا احب احي الدكتور ايمان علي موهبتها الرائعه

ثانيا احب اشكرها علي ذكري بالاسم وده من جميل ذوقها

بس بجد بجد
صاحب الفضل الاول والاخير هو مش انا
ده صاحب الفضل الحقيقي

هو ربنا عز وجل اللي خلق عندنا الموهبه واحنا بنستخدمها ونبدع بيها

اما صاحب الفضل من بني البشر

هما اتنين ,,,


أولا : أمي حبيبتي
ربنا يخليها ليا يارب

ثانيا : هاله خطيبتي ( *محبة رسول الله* )
ربنا يخليها ليا يارب

دول اللي دايما بيشجعوني وبيخلوني ابدع وأكتب


استمري يادكتوره

ما شاء الله اغنيه رائعه

وكمان حضرتك كاتباها فعلا علي نفس المنوال
ودي في حد ذاتها حاجه صعبه ومحتاجه احتراف كمان مش موهبه

بسم الله ماشاء الله عليكي
حضرتك محترفه مش موهوبه

ربنا يوفقك

وجزاكم الله خيرا



محمد وجدي ( القلم الجرئ والشاعر الخجول )

[eman ahmed]

السلام عليكم ورحمة الله وبركاته
و عليكم السلام و رحمة الله و بركاته
حضرتك كاتب ف أول الموضوع شكر و تقدير و العكس هو الصحيح المفروض أنا اللى أشكر حضرتك
أولا احب احي الدكتور ايمان علي موهبتها الرائعه
أنا اللى أحييك على كلامك الجميل و مرورك الأجمل
ثانيا احب اشكرها علي ذكري بالاسم وده من جميل ذوقها
صدقنى ده أقل واجب
بس بجد بجد
صاحب الفضل الاول والاخير هو مش انا
ده صاحب الفضل الحقيقي

هو ربنا عز وجل اللي خلق عندنا الموهبه واحنا بنستخدمها ونبدع بيها
ده أكيد مفيش شك وأنا دايما بحمد ربنا و أشكره على الموهبة دى
اما صاحب الفضل من بني البشر

هما اتنين ,,,


أولا : أمي حبيبتي
ربنا يخليها ليا يارب
ربنا يتقبل دعاء حضرتك و دعاءنا و يخليهالك يا رب
ثانيا : هاله خطيبتي ( *محبة رسول الله* )
ربنا يخليها ليا يارب
ربنا يخليها لك يا رب و يوفقكوا ولو ظنى ف محله و هى اللى أنا بقرأ اسمها ف المنتدى يبقى ببلغها تحياتك و تحياتى وتحيات كل قراءك على المنتدى و بنشكرها على دعم حضرتك ومساندتك
دول اللي دايما بيشجعوني وبيخلوني ابدع وأكتب
دمت دائما مبدعا و متألقا باذن الله

استمري يادكتوره
أشكرك على التشجيعة الحلوة دى
[B]ما شاء الله اغنيه رائعة
كلام حضرتك هوه اللى زادها روعة على روعة
وكمان حضرتك كاتباها فعلا علي نفس المنوال
ودي في حد ذاتها حاجه صعبه ومحتاجه احتراف كمان مش موهبه

بسم الله ماشاء الله عليكي
حضرتك محترفه مش موهوبه
كلام حضرتك أكبر شهادة لى
ربنا يوفقك
متشكرة جدا على الدعوة الحلوة دى ..........أتمنى لك دوام الخير ودوام التوفيق
وجزاكم الله خيرا



محمد وجدي ( القلم الجرئ والشاعر الخجول )

وصف جميل و حقيقى و لكن يبدو أن الاسم يخفى وراءه شخصية أصفى و أنقى

[eman ahmed]

هههههههههههه

حلوه قوى

كلام حضرتك أحلى و أحلى
-----

عايزة تتجوزى كل دول فى بعض يا ايمان ربنا يوفقك وتلاقى كل دول مضروبين فى الخلاط فى شخص واحد
مش عارفة أقولك ايه يا دكتورة بيبو؟ انت دايما منورة المنتدى ربنا يا رب ما يحرمناش من كلامك الجميل و مرورك الأجمل
بس بجد لذيذة ودمها خفيف

و الله انت اللى لذيذة و شربات مكرر وزى القمر كمان

رووووووووووووووووووعة

و الله انت اللى أجمل و أروع ميرسى كتير لك على مرورك...........):

ههههههههههههههههههههههههه جميل اوىىىىىىىى

ربنا يخليكى ويكرمك يا رب:

هههههههههههههههههه

زى العسل...هو ده الشعر ولابلاش

ميرسى كتير لك على ذوقك و كلامك ........
على فكرة الشمس -من نورك -هتبطل تطلع ..........أتمنى لك التوفيق

هههههههههه

أنا مبسوطة والله جدا ان كل اللى شاركوا اتفقوا على تعبير واحد وهوه الضحكة أنا سعيدة جدا انى قدرت أضحكوا و ربنا يجعل ده ف ميزان حسناتى