لو بتقول لأ............!!!!

[حبيبه]

بسم الله

الموضوع منقول
عجبنى اسلوبه اوى
...........


* لو هتقول لا علشان الرئيس الجديد او مجلس الشعب الجديد مش ملزم بتعديل الدستور ... يبقي قول اه علشان هما ملزمين

* لو هتقول لا علشان فرصه الاحزاب في وقت اكبر..... هتلاقي ان فيه احزاب بقالها 30 سنه ومع ذلك محلك سر بس والحزب الي فعلاً محتاج ياخد فرصته هو حزب الشباب الي كانوا في ميدان التحرير الجيش اداهم 6 شهور علشان يعملوا دعايه لنفسهم ومحدش يقولي 6
شهور قليل عشان الي ربنا يعينه علي خلع مبارك والشله بتعاته في
18 يوم
سهل قوي يعمل دعايه لنفسه في إسبوع واحد مش 6 شهور


* لو هتقول لا علشان الاخوان مييسطروش علي الحكم...... الاخوان وفلول الحزب الوطني 5 مليون والي متوقع ينزل في التصويت اكتر من 35 مليون من اصل اكتر من 40 مليون يعني سهل اوي لاي حزب جديد معاه سته اشهر ينظم نفسه ويعمل برنامج كويس في ظل حريه اعلاميه وقوانين احزاب هتتعدل بعد الاستفتاء يلم فوق ال 10 مليون لان الحمد لله الناس فاقت وبقيت فاهمه كويس عن زمان

لا والاخوان قالوا انهم مش عاوزين اكتر من ثلث المجلس
وبالمنطق كده اي حزب سياسي هيحتاج سنه يجهز نفسه طب ما الاخوان هيبقي ادامهم نفس السنه..
لا و الاخوان ما شاء الله لما كانوا اكثر تنظيما حتي من الحزب الوطني في عز امجاده
في انتخابات كانت عادله في اولها سنه 2005 اخدوا 20% من مجلس الشعب في عز امن الدوله وشاذليه الحزب الوطني
تفتكروا خلال سنه من الحريه الاعلاميه ومافيش امن دوله الاخوان ممكن ياخدوا كام ؟؟
اعتقد ان بعد سنه محدش يقدر يلوم الاخوان لو فكروا ينافسوا علي كل مقاعد البرلمان و ياسلام لو كانت دوله برلمانيه بقي


* اي حزب غير احزاب الشباب الي نزلوا ميدان التحرير نفضله لان ديه احزاب ضعيفه وكل الناس شافتهم وهما بيحاولوا يركبوا موجه الثوره بحجه انهم احزاب معارضه
وافتكروا دايما ان الشباب الي حرك الثوره ودفع دمه فيها
كان يا إما شباب مستقل يا إما 6 ابريل يا إما جمعيه التغيير يا إما إخوان يا إما كفايه
الي سمع عن حاجه تانيه يبقي يقولي؟


* بالنسبه لحزب الوفد علي ما اتذكر رئيس حزب الوفد شال ابراهيم عيسي من الدستور علشان كان مضايق البيه الكبير
سلملي علي المعارضه بقي


* طب لو هتقول لا علشان الدستور بتاع 71 و الكلام الجميل ده فالجيش رد علي النقطه ديه وقال ان الرئيس الجديد مش ليه صلاحيات لان الدستور 71 مش معمول بيه وهيتم عمل اعلان دستوري جديد شامل علي المواد المعدله في حاله انتهي الاستفتاء بالموافقه علي التعديلات الدستوريه وسواء اه او لا هيتعمل اعلان دستوري جديد بس في حاله اه احنا هنبقي معانا 8 او 9 مواد الشعب اتفق عليهم
+ قاونين وإجراءات عامه هيحطها المجلس العسكرى
لكن لو لا الإعلان الدستورى مش هيبقى لينا يد فيه ..


* طب لو هتقول لا علشان 50% عمال وفلاحين ومش عارف ايه
احب اقولك ان القوانين الي بتحدد مواصفات عضو مجلس الشعب كلها هتتشال وتتعمل قوانين جديده علشان نضمن ان الناس الي داخله مجلس الشعب هتكون فاهمه


ديه شويه اسباب انا كنت مقتع بسباها انه " لا " بس اعتقد دلوقتي انا مقتنع بنسبه كبيره بـ "نعم"


اخر حاجه عاوز اقولها ان الشعب كله مش متفقين علي حاجه كانت من مطالب الثوره اصلاً ان احنا نعدل 3 مواد بس لو الناس فاكره كويس الي نزل ودفع دمه كان نازل علشان تعديل 3 مواد بس وسواء نعم او لا محدش يساوم علي دم الشهداء لان الدم ده اتدفع علشان 3 مواد مش علشان الدستور كله


زي ما فيه ناس هتقول نعم علشان مصلحتها الشخصيه في ناس تانيه هتقول لا برضه علشان مصلحته الشخصيه
ابعد عن ده وده وبص انت لمصلحه بلدك


احترم جدا الي يقول لا لاسباب تانيه غير الاسباب الي فوق بس فيه سؤال نفسي اسئله للناس الي بتقول لا وعاوزين فتره انتقاليه بمجلس رئاسي من ناس مدنيه و2 ظباط جيش


تفتكر الشعب كله هيتفق علي الناس الي هتيجي في المجلس الرئاسي
ولا اكيد هيحصل اختلاف والي يزعل يقولك انا نازل التحرير؟؟


ومين الناس اصلاً اللي الشعب هيتفق عليهم
وهنوافق ازاي من غير ما نعمل فوت؟؟
عروستي

[Moonlight]

تمام هو ده كلام العقل.....
-----
عايزين نطلع لقدام بقى......كل شوية خلاف لما محلنا سر و أنا بثق في الجيش و كلامه جداااااااا..............و قرأته في كذا مصدر

[dr.monalizaa]

انا هقول لا واختلاف الرأي لا يفسد للود قضية

[Al-Shaimaa]

كلامك زادني قناعة باني خياري هو الصائب
وان كان راي الاقلية

سأقول - نعم -