ضباط الشرطة يعلنون الإضراب العام عن العمل السبت المقبل

[*Jessy*]

السلام عليكم ورحمه الله وبركاته

كشفت مصادر مطلعة أن ضباط الشرطة من رتبة ملازم تانى وحتى اللواء من الذين لا يتبؤون مناصب قيادية قرروا الإضراب العام عن العمل السبت المقبل فى جميع الإدارات والهيئات التابعة للشرطة بجانب المطارات والموانئ، وذلك اعتراضا على اتهامهم بالخيانة، وتعرضهم للإهانة على يد المواطنين فى الشوارع.

وقرر الضباط أن يبعثوا برسالة إلى المواطنين فى مصر مفادها "إذا قررتم عودتنا للشارع فيجب أن تطالبونا بذلك بصوت مسموع، وإذا اعترضتم فلن ننزل الشارع".

وأوضح اللواء أركان حرب متقاعد حسن أبو الدهب أن عدداً من المحاربين القدامى من أبطال حرب أكتوبر اجتمعوا أمس مع الضباط من كافة الرتب، وطالبوهم بالنزول للشارع لإعادة الأمن والأمان، ففوجئوا بأن الضباط فى حالة سيئة، وأعلنوا عن قرارهم بتنظيم الإضراب العام فى كافة المواقع، وإذا رغب الشعب فى نزولهم الشارع فليخرجوا معلنين ذلك وبصوت مرتفع.

المصدر : http://www.youm7.com/News.asp?NewsID=365026&

[محمد_على_سلام]

شكرا يا دكتورة
no comment

[L SMA7Y]

السلام عليكم


انا شايف ان دا برضه اعتراف منهم بالغلط واحساسهم بالمهانه

بس لو اتغيروا بجد وغيروا قياداتهم ورجعوا ظباط صح ,, يدافعوا عن الشعب مش عن امن الحكومه يبقي خلاص

وعفي الله عما سلف

[نورهان]

مين اللى هيعفى عنهم ان كان علينا وماله لكن حضرتك نسيت تسأل اللى ف التحرير رايهم ايه؟

[A.Denewar]

الضباط الشرفاء عمرهم ما هيحسوا بالاهانة لان الشعب اهان المجرمين اللي يستحقوا فعلا الاهانة اللي ظلموا كل الابرياء اللي في السجون بدون تهم وكل تهمهم تلفيقات
ما فيه ضباط فعلا في شغلهم وانا بشوف ضباط مرور في الشارع عادي اشمعني دول محسوشي بالاهانة
لان زي ما بيقولوا اللي علي راسه بطحة بيحسس عليها
يعني اللي مش راضيين ينزلوا وعايزيين الشعب يترجاهم هم دول الفساد كله وهم دول اللي علي راسهم بطحة وحسوا ان الاهانة ليهم
انا من رأيي نديهم الضربة القاضية ان السنة الاخيرة في كلية الشرطة يتخرجوا مبكرا كما قال احد المفكريين الشرفاء ويتم تعيينهم ويتم تعيين كل اللي اتخرجوا ولم يتعينوا ونقول للبهوات اللي عايزيين يعملوا اضراب اولعوا ما انتوا يا ما ولعتوا في ابرياء
الايام دول يوم لك ويوم عليك ربنا يقرب الايام اللي عليهم
كانت الايام اللي ليهم كتيرة اوي
حسبنا الله ونعم الوكيل

[L SMA7Y]

هو الطريق الوحيد ان الشعب يبدأ يتصالح مع الشرطه (( لان مينفعش نعيش من غيرهم ))

وفي يوم من الايام هينزلوا



ان لاااااااااازم كل القيادات تتغير زي مالتفكير بيقولوا هيتغير

طيب ايه اللي فيها لما تغير القيادات كلها ,, مش من قله الناس اللي في الشرطه يعني


لان اغلب القيادات ان مكنش كلهم ليهم نفس التفكير ونفس الهدف باختلاف طريقه التعامل

[honey_monmon]

وقرر الضباط أن يبعثوا برسالة إلى المواطنين فى مصر مفادها "إذا قررتم عودتنا للشارع فيجب أن تطالبونا بذلك بصوت مسموع، وإذا اعترضتم فلن ننزل الشارع".
http://www.youm7.com/News.asp?NewsID=365026&

للاسف فعلا الفكرةكلها ف السطرين دول

[Moonlight]

بالصورة دي هما مش نويين يتغيروا و هينزلوا كما سبق
لو هينزلوا بصورتهم السيئة اللي كانوا بيها مش عايزينهم لأن المفروض اللي بيبقى حاسس بدوره بيلبيه علطول لكن هو ما تفرقش معاه حرامي ماشي في الشارع و لا بلطجي و لا حاجة
كلامهم ده معناه إنهم مش حاسين بالمسئولية و أنهم عايزين ينزلوا أسياد
يبقى الحل إن يتم تجنيد مجندين تانيين و الشعب مليان شباب عايز عمل بس هعرفوا مبادئ الكرامة و حسن الخلق لحداية لما نخرج دفعات شرطة جديدة اسمها شرطة فعلا مش شرطي بيتساوى مع المجرم في الإبتزاز و إهانة المواطن فالإثنين عندي سواء

[Ahmed Nada]

السلام عليكم ورحمه الله وبركاته

كشفت مصادر مطلعة أن ضباط الشرطة من رتبة ملازم تانى وحتى اللواء من الذين لا يتبؤون مناصب قيادية قرروا الإضراب العام عن العمل السبت المقبل فى جميع الإدارات والهيئات التابعة للشرطة بجانب المطارات والموانئ، وذلك اعتراضا على اتهامهم بالخيانة، وتعرضهم للإهانة على يد المواطنين فى الشوارع.

وقرر الضباط أن يبعثوا برسالة إلى المواطنين فى مصر مفادها "إذا قررتم عودتنا للشارع فيجب أن تطالبونا بذلك بصوت مسموع، وإذا اعترضتم فلن ننزل الشارع".

وأوضح اللواء أركان حرب متقاعد حسن أبو الدهب أن عدداً من المحاربين القدامى من أبطال حرب أكتوبر اجتمعوا أمس مع الضباط من كافة الرتب، وطالبوهم بالنزول للشارع لإعادة الأمن والأمان، ففوجئوا بأن الضباط فى حالة سيئة، وأعلنوا عن قرارهم بتنظيم الإضراب العام فى كافة المواقع، وإذا رغب الشعب فى نزولهم الشارع فليخرجوا معلنين ذلك وبصوت مرتفع.

المصدر : http://www.youm7.com/News.asp?NewsID=365026&

يلا اشمعنى هما
لازم يكون ليهم نصيب من الاعتراض
صحيح اللي اختشوا ماتوا

[sammoha]

ياسلام دلوقتى عايزين الناس تطلب منهم ينزلو وكانو فين قبل كده!!! ياجماعه والله ماينفع اننا نتعاطف معاهم ابدا وهينزلو عشان يشوفو شغلهم مليون واحد اتهان واتمسح بكرامته الارض من اقل واحد فيهم حرااااااااام معقول دلوقتى هم اللى عايزين يطلعو ابرياء واتظلمو والله مش عارفه اسمى اللى بيعملوه دا ايه