انت اخويا ، ودم يحرم علينا .

[تابعة محمد]

بسم الله الرحمن الرحيم
اظن كلنا عارفين الى بيحصل عند ماسبيرو و على المحور ، و خروج الاخواة المسيحين فى مظاهرات و بيطالبوا بحقوق و نومهم على الاراضى و الطرقات فى شوارع القاهرة .
انا مش هعلق على الى بيعملوه علشان ده من حقهم ، بس خلونا احنا نقف شوية قدام نفسنا و نشوف احنا عملناهم ازاى ، هل تقبلناهم فى مجتمعنا ، هل احترامنهم فعلا و لكنها كانت شكليات و مش حقيقة ؟
احنا محتاجين نقف و نحاسب نفسنا الاول و بعد كده الحكومة ، ولازم نقول ان اول ما بنعرف ان ده شخص مسيحى بنحس انه غريب عننا زى ما يكون مش مصرى زى و زيك .

كتبت الموضوع علشان اقلهم انا اسفة لانى قد اكون عملتكم بشكل فيه نفاق ، و اسفة لانى ممكن اكون زرعت كرهية فى قلب اخ مسيحى لانى تعاملت معه بدون اهتمام . و اقلك ربى كرمك فى قرانه و انا عبد ووعد منى اعملك بصدق من النهاردة . انتى مصرى و دمك يحرم علينا . و اى حد ياذى مسيحى يبقى ميعرفش يعنى ايه الاسلام . فارجوا المسيحين المصريين انهم يسمحونا لاننا قد نكون شوهنا صورة الاسلام و يعرفوا ان ليهم حقوق زينا بالظبط و عليهم واجبات متختلفش عننا فى حاجة .

تقبلـــــــــــــــــــــ ـالاقباط ــو المسلمين ـــــــــــــــــــــــــــــوا

الاخــــــــــــــــــــــ دايما يد واحدة ــــــــــــــــــــــــــــــــــــــــــــر

يا ترى احنا على وشك فتنة حقيقية ؟

[L SMA7Y]

يا ترى احنا على وشك فتنة حقيقية ؟

jنت هتكلم علي نفسي وعلي ناس من اصحابي زيي

أنا عن نفسي ليا صديق مسيحي من ايام الدراسه ,, هو الوقتي في القاهره صيدله برضه

مبيعديش أجازه او عيد ليا او ليه الا لما بنكلم مع ةبعض وبنتعامل عادي جدااا


ايام الدراسه كان بيخاف علي مشاعرنا جدا في رمضان مكنش بيجيب اكل

وكنا الفصل كله مع بعض اخوات مفرقناش هو مسيحي ولا مسلم ,, وفصلنا كان 6 طلاب بس لحد اعدادي فكنا كلنا اخوات بجد


-************-

اصحابي اللي معايا في الكليه ,, اللي مثلا كانوا في اسبوط او المنيا وكدا ليهم اصحاب مسيحين وبيكلموا بعض علي طول ويطمنوا علي بعض

وتعاملاتنا عموما انا والناس اللي اعرفهم مع المسيحيين مفهاش نفاق ولا حاجه ولا فيها تفرقه دا مسلم ودا مسيحي

-***************-

واي حادثه بتحصل بين مسلم ومسيحي ممكن تحصل بين اتنين مسيحين او اتنين مسلمين

واظن احنا عارفين مين اليل كان له مصلحه ان يشيع الفتنه عموما ف البلد

-************-

مظنش اننا ممكن نكون علي وشك فتنه لو الحكومه نفذت للاخوه المسيحين طلباتهم

شكرا يا دكتوره علي الموضوع

[thelovertiger]

عندما يموت احد نقول هو فى ذمة الله



صح





فسبحان الله هم فى القرأن يسموا بأهل الذمه
يعنى انا مسئول عنهم
واللى يعتدى عليهم احاربه
وابرهم واقسط اليهم
وانا المسئول عن امانهم





هذا هو الاسلام

فرساله اليهم ان النظام السابق صور انه المدافع عنهم واتضح انه من فجرهم وكان يزرع الفتنه بيننا وبينهم هذا المصطلح الذى لم يسمع من قبل الا فى هذه الايام

فلنعد جميعا الى المنهج الصحيح منهج الاسلام الذى هو بر الامان


اللهم اهدنا الى الحق

[عاشقة الجنان]

سبحان الله االاسلام ماتركش حاجة حتى حق من هم على غير ملة الاسلام
شوفوا فى احداث ميدان التحرير لما الاقباط اقاموا القداس بتاعهم مين كان بيحميهم مش المسلمين
فى احداث كنيسة اطفيح القريبة جدا شوف رد فعل اهالى القرية واد ايه هما احتضنو النصارى
النبى لما مرت جنازة وهو قاعد مع الصحابة وقام بابى وامى وروحى ونفسى وقف احتراما للجنازة اخبره احد الصحابة انها لشخص غير مسلم تخيل كان ايه رد فعل النبى
قال اوليست نفس .فين النصارى يسمعو ويعرفو مين هو محمد بن عبدالله وايه هو الاسلام وانا متاكدة انهم هيدركو ان ما يحدث ليس من فعل المسلمين بل هى اثارة للفتنة المنتشرة الان بشكل واسع
وعلى فكرة كثير من المواقف التى تحدث بين المسلمين والنصارى كثيرا ما تحدث بين المسلمين لكن مثيرو الفتنة كثر وكما قال تعالى "واتقوا فتنة لا تصيبن اللذين ظلموا منكم خاصة "
اللهم صلى وسلم وبارك على نبينا محمد