لقاء مع ظابط المعادي الذي قتل سائق الميكروباص و تقرير عن كلام شهود عيان ..

[M.Hegazy]

بسم الله الرحمن الرحيم

حاجة تحزن الواحد و الله .. يعني على إيه نفس بشرية تموت كده بالشكل ده !! .. و يعني إيه برضه نفس بشرية تانية يتعمل فيها اللي اتعمل في الظابط ده !! .. ده الدم حرمته عند ربنا كبيرة ..

موضوع الثقة بين الشعب و الشرطة ده .. كل مدى كل ما بياخد منحدر يقلق الواحد ..
و كل مدى بيتطور و بيسوء ..

ليه كده بس ؟؟ البلد في وقت حساس جدا و حرج .. و الكل على أعصابه .. و الكل في غنى عن مثل هذه الأحداث ..

و لكن ..


لا يزال مسلسل انعدام الثقة قائما بين الشعب و الشرطة ؟؟

فحتى متى الخلاف ؟؟!!

+ YouTube Video

[star]

بصراحة أنا صدقت كلام الضابط لان سواقين الميكروباص دول بلطجية أصلا من زمان وبعد الحادثة دي طلعوا يحتجوا بالسنج والمطاوي وحاولوا يروحوا يولعوا في قسم الشرطة ورايحين يحرقوا العمارة اللي ساكن فيها الضابط! والكلام ده أنا قرأته علي اليوم السابع

[juman]

يا الله منظره صعب اوى انا مقدرتش اتفرج الا على اول لقطه بس هو السواق مات ولا لا ؟

[NoDy NoDa]

انا مش عارفه اصدق الظابط ولا الناس
بس مش دي المشكله بجد الناس معدتش طايقه تشوف ظابط ماشي في الشارع
نفسي المشكله دي تتحل بقي
علي الاقل الظباط الفاسدين يتشالو من مناصبهم لان في ظباط كويسين هما قله بس موجودين
ويارب الازمه دي تعدي علي خير

[white light]

بصراحة أنا صدقت كلام الضابط لان سواقين الميكروباص دول بلطجية أصلا من زمان وبعد الحادثة دي طلعوا يحتجوا بالسنج والمطاوي وحاولوا يروحوا يولعوا في قسم الشرطة ورايحين يحرقوا العمارة اللي ساكن فيها الضابط! والكلام ده أنا قرأته علي اليوم السابع

انا لسه مشفتش الفيديو النت عندى بطئ

بس برده لو كان السواق اكتر واحد على وجه الارض قليل الادب

ميديش الحق للظابط انه يضربه بالمسدس ويسوء منظر الشرطه امام الناس اللى كنت واقفه اكتر ماهى بتكرهم

لأن اصلا المفروض الشرطه فى خدمه الشعب مش تفترى على الشعب

[محمد_على_سلام]

يا الله منظره صعب اوى انا مقدرتش اتفرج الا على اول لقطه بس هو السواق مات ولا لا ؟

السواق كان موجود النهاردة على التلفزيون المصرى هو والظابط بصراحة صدقت الظابط اللى هو ياعينى متبهدل آخر بهدلة وبالنسبة للسواق كان زى الفل ومتعالج فى مستشفى تبع القوات المسلحة جميلة جدا والاصابة سطحية فى الرقبة

[Dr/HULK]

يعنى مثلا لما مدير امن يكون ده كلامه بعد الثورة

تستنوا من الناس تقول ايه؟؟؟؟

+ YouTube Video

جهاز الشرطة فى مصر من اسوأ الاجهزة فى مصر واكثرها فساد

ومعظم طلبة كلية الشرطة دا خلينها عشان يستعبدوا الناس مش يحموهم

كام واحد فيكم شاف ظابط بيعامله باحترام؟؟؟ (انا بتكلم عن ظابط مش وكيل النيابة)

انا عن نفسى قابلت كذا موقف
ظابط سألنا عن بطاقتنا بمنتهى الاحترام وبعد ماشافها قلنا ابعدوا عن المنطقة دى لان في حاجة فى المنطقة

ظابط تانى شاف خناقة بلطجية بيضربوا فى ناس وقعد يتفرج مستنيها تخلص ومقبضش على حد

ظابط او امين شرطة مسك عربية فيها عيال بتشرب مخدرات وسابهم بعد ماكلم واحد فى الموبايل

[A.Elrayes]

حسبي الله ونعم الوكيل في كل ظالم مهما كان الضابط او السائق
فعلا احنا جهاز الشرطة بتاعنا كارثة وسيئ للفاية

[dr_orchida]

طب يا جماعة هو السواق مات والا ايه !!!!!!!؟؟؟؟؟؟؟
اصلي سمعت انه مات وبعدين لاقيت اخواتي شافوه علي التلفزيون وكان بيحكي اللي حصل
ودخلت عاليوتيوب اجيب اي حاجة معرفتش
فمش عارفة بقي هو مات والا لا !!!!!!؟؟؟؟؟؟؟؟؟؟

[alonenightmare]

طب يا جماعة هو السواق مات والا ايه !!!!!!!؟؟؟؟؟؟؟

اصلي سمعت انه مات وبعدين لاقيت اخواتي شافوه علي التلفزيون وكان بيحكي اللي حصل
ودخلت عاليوتيوب اجيب اي حاجة معرفتش

فمش عارفة بقي هو مات والا لا !!!!!!؟؟؟؟؟؟؟؟؟؟

السواق عايش وكويس جدا بس وسائل الاعلام ماصدقت
اعتقد الوحيداللى قابل السواق هو التليفزيون المصرى
.......
ياريت ياجماعة الفيديو بتاع مدير الامن دة تشيلوه او تجبوه من غير الشتايم اللى فيه