حل خيالى ........

[mohamed hamed]

بسم الله الرحمن الرحيم

الحل ده ياجماعة هقوله بالنسبة للى بيحصل بين الشعب والشرطة حاليا

هو حل كويس فى نظرى وعايز اشوف رأيكوا فيه

لان خلاص الناس طهقت ومعدوش بيطيقوا حاجة اسمها شرطة

انا لسه جاى من عند مديرية الامن اللى على البحر

والوضع هناك .غنى عن التعريف

وبالتالى اللى بين الشرطة والشعب عمره ماهيخلص

يعنى الشعب حط منظومة الشرطة كلها فى دماغه

واتاخدوا عاطل على باطل !

وعشان الحوار ده يخلص عندى اقتراح كويس

وهو

وقف عمل وزارة الداخلية بالكامل !

بعد كده الجيش هو اللى يمسك البلد كلها زى اسرائيل كده

يعنى ضباط الاقسام ضباط جيش وعساكر الاقسام عساكر جيش

والكلام ده هيكون لمدة مش اقل من سنتين وبس

وفى خلال السنتين دول يتم تأهيل ضباط شرطة

من منظومات مختلفة يعنى مش شرط ان الظابط يكون خريج شرطة

زى شغل الاكاديمية كده بالظبط

والمقصود بالضباط المؤهلين دول يعنى لائق جسمانيا وعقليا

حتى لو فى طب او صيدلة او هندسة وحابب يدخل الاكاديمية

مفيش مشكلة طالما مطابق للشروط بس ده تحت اخفاء بند الكوسة طبعا

النتيجة هتكون بعد كده هى

ان السنتين اللى اختفت حاجة اسمها شرطة من المجتمع

الخلافات دى هتكون هدت شوية وبالتالى لما الشرطة ترجع بالظباط اللى اتفقنا

على نوعيتهم مش هتكون الكراهية زى ماكانت عليه

يعنى مفيش حاجة اسمها كلية شرطة خالص

ياريت اسمع رأيكم فى الاقتراح واللى رافض يقول ليه ؟!

[Dr_r.m.m]

انا مع حضرتك يادكتور انا الشرطة محتاجة اعادة تاهيل عشان العنف الشديد اللى بيصل لحد التعذيب ده
لكن مسالة الجيش دى بتهيالى صعبة شوية لان اكيد شؤون الشرطة غير شؤون الجيش يعنى ده تخصص وده تخصص دى كلية ودى كلية يعنى اكيد الجيش مش بيفهم فى امور الشرطة انا عارفة ان الجيش بيحفظ الامن الامن الخاجى مش عارفة هيبقى كفأ ولا ايه ؟

مش عارفة حضرتك معايا ولا لا؟

بس انا مع حضرتك جدا جدا فى اعادة التاهيل

[mohamed hamed]

انا مع حضرتك يادكتور انا الشرطة محتاجة اعادة تاهيل عشان العنف الشديد اللى بيصل لحد التعذيب ده
لكن مسالة الجيش دى بتهيالى صعبة شوية لان اكيد شؤون الشرطة غير شؤون الجيش يعنى ده تخصص وده تخصص دى كلية ودى كلية يعنى اكيد الجيش مش بيفهم فى امور الشرطة انا عارفة ان الجيش بيحفظ الامن الامن الخاجى مش عارفة هيبقى كفأ ولا ايه ؟

مش عارفة حضرتك معايا ولا لا؟

بس انا مع حضرتك جدا جدا فى اعادة التاهيل

تمام يافندم بس تأهيل ضباط من الجيش لاقتياد الفترة دى بس

امر سهل جدا وممكن الاستعانة برده بافراد من وزارة الداخلية لكن مع قيادات الجيش مش مع الشعب

عشان تفهم الجيش شغل النيابة وكده

او يبقى الحكم عسكرى فقط

[احمدلطفى]

حل كويس جدا

[ضياء القلب]

بس اعتقد انه صعب تنفيذه على ارض الواقع
يعنى معتقدش ان الجيش هيقدر يتولى المهمه كلها وصعب فجاه نقول للشرطه يبقوا جيش
زى مالدكتوره قالت ان شئون الشرطه غير شئون الجيش

[mohamed hamed]

حل كويس جدا

الله يكرمك

وصعب فجاه نقول للشرطه يبقوا جيش

محدش قال كده يافندم انا اقصد العكس

والموضوع مش صعب والله بس نفسى فعلا يتطبق

[Dr_r.m.m]

مش عارفة حاسة انه صعب شوية ممكن اوى كمان اعتقد ان الافضل يادكتور انهم يتصفوا يعنى من الاخر يعملولهم فلترة يشوفوا مين الافضل ويسيبوه مكانه اما اى حد كان بيعذب كان بيعمل حاجة وحشة ده يتشال فورا واعتقد وزير الداخلية الجديد اتخذ الخطوة دى فعلا

اما اتخاذ الجيش محل الشرطة صعب اوى عليهم كاقيادة امن خارجى ممكن اى عدو يستغل الفرصة دى ويبدا يعد نفسه ويسن انيابه مش عارفة حضرتك معايا ولا ايه؟

[mohamed hamed]

اما اتخاذ الجيش محل الشرطة صعب اوى عليهم كاقيادة امن خارجى ممكن اى عدو يستغل الفرصة دى ويبدا يعد نفسه ويسن انيابه مش عارفة حضرتك معايا ولا ايه؟

يافندم الجيش الموجود فى الشوارع ده جيش ميدانى

الجيش بتاعنا اقسام

جيش اول وجيش تانى وتالت وميدانى

واللى فى الشوارع ده الميدانى
مش الجيش الاول اللى على الحدود


واللى مطلوب انه يمسك البلد هو الميدانى

اللى احنا بنسميهم جند احتياط

وباقى الجيش يواصل عمله تماما

[Dr_r.m.m]

معلش انا مش كنت اعرف المعلومة دى انتوا كاشباب ايد ادرى مننا بالامور دى

طيب انا عندى اقتراح ممن حضرتك تدخل الصفحة بتاعتهم على الفيس وتقترح ده

[AbU ElKhAiR-Let`s Go]

ممممممممممممم
مش عارف بصراحه
بس هيا فكره قابله للمناقشه (مش احنا طبعا )
المفروض حد عنده خبرات بأه يناقشها
وعلى فكره هو فى حاجه اسمها الشرطه العسكريه
أنا مش عارف دورها ومش عارف اى فايدتها
بس محتار فى الاقتراح ده لأن ده ممكن يدخلنا فى طائله الحكم العسكرى اللى الناس خايفه منه
بصراحه مش عارف