مع بعض نخدم مصر

[...مصر...]

السلام عليكم ورحمة الله وبركاته
يا جماعة احنا دلوقتي روحنا المعنوية مرتفعة عشان مصر بدت بصورة مشرفة والحمد لله ففرصة نستغل الروح دي بدل رفع الأعلام والاحتفالات نستغلها في خدمة مصر
المنتدى مكان جميل جدا عشان نكون منه فرق لحماية وبناء مصر
وكمان بدل ما نعمل أعمال خيرية مع ناس مش عارفينها أوي نعمل الأعمال دي مع بعض بحيث البنات تروح مع بعض والولاد يجمعوا بعض ولأن الحمد لله في ناس كتير بيننا ايجابيين ولهم سمات قيادية
دلوقتي بسرعة عايزين
1 - نقترح المشايع
2- القادة لكل مشروع
3- كل واحد عايز ينضم لمشروع أو أكتر يسجل اسمه مع قائد الفريق
-----
طبعا د أنس ود محمد الجوهري ود عامر ابراهيم لازم يبقوا قادة كل واحد منهم ياريت يقول انه موافق ويقول المشروع اللي هيقوده
-----
أول مشروع أقترحه
في الطابور من فضلك
ده بأننا نعمل لوجو حلو في كلمة في الطابور من فضلك أو أي جملة مناسبة ونوزعها على أماكن الكاشير أو الهيئات الحكومية
ثاني مشروع
مشروع للأحياء والمناطق بحيث كل منطقة سكنية مكونة من 15-30 عمارة يشتركوا في شراء صندوق قمامة والمشكلة التي تواحهنا وهي أنه لايوجد بيت يقبل أن توضع الباسكيت أمام بيته ممكن نحلها بأننا نجعل عامل البلدية اللي المنطقة هتخليه مسؤول عن اخلاق الصندوق ينقل الباسكيت من أمام هذه العمارة إلى العمارة إلى العمارة المجاورة وبكده كل عمارة الباسكيت هيكون قدامها مرة او مرتين بالكتير في الشهر
ايه رايكو؟

[Dr_Cinderellaaaaa]

موضوع جميل..وأفكار جميلة..
منتظرة تفاعل باقى الأعضاء

[Dr.somaia]

افكار هايلة انا فعلا نفسي يبقى لنا دور عملي

[Nayroz]

فكرة جميلة عرضت قبل كدة تقريبا ..
بس يا ريت نفعلها بقى و تبقى حقيقة مش مجرد افكار
ولو فى مقدورى اقدم اى شىء ان شاء الله مش هتاخر

معاكم باذن الله ...

[تابعة محمد]

بسم الله الرحمن الرحيم
انا كمان معاكم و الى عايزينه منى انا تحت مركم فيه .............

[بحلم ببكره]

إمممممممممم

كله بيبدي الاستعداد

لكن محدش بيقول المطلوب...

[...مصر...]

شكرا لمشاركاتكم

نبدأ بمشروع سهل شوية
المشروع لللتثقيف الطبي والصيدلية
نطبع ورأق فيه سلوكيات خاطئة تسبب الإصابة بالأمراض ونكتب أعراض أمراض شائعة عشان نساعد على التشخيص المبكر ونكتب خطوات اسعاف أولية لبعض الحالات .. يللا نجمع المعلومات وعايزين دعم من قسم الفارما
دلوقتي المطلوب واحد جاد يكون قائد الفريق

[The Princess]

طيب فيه مشروع فردي يا جماعه اعلن عنه عمرو خالد و هو مطلوب 30 الف متطوع لمحو امية 2 مليون مواطن ياريت كل اللى عنده استعداد يسجل بياناته لانه عيب اوى علينا لما يبقى لسه فيه ناس مش بتعرف تقرا و تكتب فى مصر

[تابعة محمد]

شكرا لمشاركاتكم

نبدأ بمشروع سهل شوية
المشروع لللتثقيف الطبي والصيدلية
نطبع ورأق فيه سلوكيات خاطئة تسبب الإصابة بالأمراض ونكتب أعراض أمراض شائعة عشان نساعد على التشخيص المبكر ونكتب خطوات اسعاف أولية لبعض الحالات .. يللا نجمع المعلومات وعايزين دعم من قسم الفارما
دلوقتي المطلوب واحد جاد يكون قائد الفريق

اعتقد ان الداتا بالفعل كانت موجودة عند اسرة صيدلى المتقبل و النجاح ، لانهم كانوا هيعملوا حملة توعية بالنبة للموضوع ده . و بالتالى ممكن نطلب منهم المساعدة .
-----

طيب فيه مشروع فردي يا جماعه اعلن عنه عمرو خالد و هو مطلوب 30 الف متطوع لمحو امية 2 مليون مواطن ياريت كل اللى عنده استعداد يسجل بياناته لانه عيب اوى علينا لما يبقى لسه فيه ناس مش بتعرف تقرا و تكتب فى مصر

انا بالفعل اشتركت فى البرنامج ده ، و نزلت اللينك على المنتدى فى موضوع سابق و فعلا فكرة الحملة جميلة .

[Nayroz]

طيب فيه مشروع فردي يا جماعه اعلن عنه عمرو خالد و هو مطلوب 30 الف متطوع لمحو امية 2 مليون مواطن ياريت كل اللى عنده استعداد يسجل بياناته لانه عيب اوى علينا لما يبقى لسه فيه ناس مش بتعرف تقرا و تكتب فى مصر

حلوة الفكرة دى ..
كانت الفكرة دى على بالى امبارح سبحان الله ..
اللى عاوز يشترك .. ازاى ..
بيسجل فين يعنى ...؟؟