البيان رقم 2 للمجلس الاعلى للقوات المسلحه :-

[DR.BIBO]

البيان رقم 2 للمجلس الاعلى للقوات المسلحه :-
1_ضمان تنفيذ ما تعهد به نائب الرئيس
2_ضمان الغاء حاله الطوارئ بعد عوده الامن فى البلاد
3_النظر فى الطعون الانتخابيه التشريعيه
4_التعهد باقامه انتخابات رئاسيه حره و نزيهه
5_رعايه مطالب الشعب عن طريق المتابعه فى تنفيذ ما ورد فى معادها
6_الالتزام بعدم الملاحقه الامنيه للمتظاهرين كحق مشروع
7_الدعوه لانتظام العمل فى البلاد للحفاظ عليها

رأيك فى هذا البيان

[star]

بيانموفق جدا وواضح واللي هيفضل في الميدان بعد كده انا شخصيا اعتبره جاسوس وبينفذ أوامر أمريكية أو ايرانية لأن كده الموضوع زاد عن حده و أنا مش فاهمة عايزين ايه تاني

[Mohamed Al Gohary]

لا برضه مش كفايه لازم يحلفوا بالطلاق

[L SMA7Y]

بيان الضمان

واظن هو دا اللي كان الناس عايزاه حاجه تضمن ليهم صدق تحقيق الوعود

واظن الجيش مؤسسه ملهاش في الفساد وكدا والناس كلها بتثق فيها

-**********-

المشكله اللي يغيظ ان في ناس بتقولك دا الجيش بيستهزأ بينا

ليه مطلعين مزيع ( المغربي ) يقول البيان ومطلعوش حد فيهم يقول البيان

وان الجيش كدا مش صادق في اللي بيقوله

وميعرفوش ان طول عمر الجيش بيناته بتيجي علي لسان المذيعيه من يوم مالجيش بدأ يتكلم

-**************-

ياشباب اقرأوا التاريخ بدل منتكلم وخلاص

[Shorouk .A. Mady]

يارب يروحو بقى ويرحمونا من التوتر ده

هم لسه عاوزين ايه بعد كل ده

ربنا يهديهم

[mohamed hamed]

حتى لو الريس تنحى مش هيمشوا برضه

غاويين وقف حال وبس

حسبى الله ونعم الوكيل

[NeScaFE]

لا برضه مش كفايه لازم يحلفوا بالطلاق

اؤيد هذا الرأى

بجد بقى لازم يمشوا ..هما دلوقتى فاقدين الثقة فيه

جه الجيش اهو ضمنلهم كل حاجة بنفسه والجيش يعنى محترم وملتزم بكلمته

ربنا يهديهم بقى ده الدنيا والعة والفراخ بتتحرق