ادارة الاعمال !!!! مافيهاش هزار

[ABO El-DAHAB]

كل ما يخص ادارة الاعمال

المادة يا جماعة منتهية الترم ده

يعني عايزين نفتحها قبل ايام الامتحانات علشان نطمن من ناحيتها و نضمن ان شاء الله ان السنة دي تعدي علي خير و نتخرج بقي

لو مفتحنهاش الايام دي هنفتحها امتي !!!!!!!

المادة من 100 درجة كلهم نظري
50 درجة دكتور محمد البغدادي (كلية تجارة)... هذا الجزء باللغة العربية
25 درجة جزء دكتور اسماعيل رمضان
25 درجة جزء دكتور جلال عبد الغني

جزء تجارة ... الدكتور بيحدد حاجات كتير مهمة و بيقول هتيجي في الامتحان

جزء دكتور اسماعيل ...قال ان درجاته بتبقى حلوة جدا

جزء دكتور جلال لازم يتذاكر كل كلمة فيه علشان الاسئلة غالبا
enumerate
define
mention
وهكذا

يلا نبدأ بالجزء العربي نسخن بيه كده ولو عاجبكوا النظام قولوا علشان نكمل
ايه رأيكم نذاكر المادة دي من هنا علشان الواحد زهقان من طرق المذاكرة التقليدية ؟؟
كل واحد يعرف اي حاجة عن المادة دي يقول هنا

ربنا يوفقنا و نعدي السنة دي علي خير ان شاء الله

-----

اول خبر سعيد

فيه شيت اخضر ولا ازرق مش عارف ... المهم ... الدكتور محمد البغدادي قال تسلموه ل أ/ رأفت (الي اشترينا منه الكتاب) .. الدكتور قال تحله و تسلمه و ترجع تاخده بعد فترة علي ما يكون اتصحح علشان تعرف غلطاتك

[Anas]

معاك حق يا بو الدهب

انا لو عندي وقت للمذاكرة هذاكر دي قبل البارا و الباثولوجي

لان البارا و الباثولوجي كل الهيصة دي 7 دكاترة نظري غير العملي بـ 95 درجة بس

عموما ... المنهج زي ما انت قلت تمام

و ربنا يستر و الواحد ميبقاش دور سبتمبر على إدارة أعمال

[ABO El-DAHAB]

معاك حق يا بو الدهب

انا لو عندي وقت للمذاكرة هذاكر دي قبل البارا و الباثولوجي

لان البارا و الباثولوجي كل الهيصة دي 7 دكاترة نظري غير العملي بـ 95 درجة بس

عموما ... المنهج زي ما انت قلت تمام

و ربنا يستر و الواحد ميبقاش دور سبتمبر على إدارة أعمال

المشكلة يا انس ان الواحد لو شالها هيجيلوا احباط و مش هيعرف يذاكر حاجة الترم التاني .. الي هو كده كده دور تاني خلاص .. و الدور التاني بيدخلوا جيش علطول يعني هيضيع كل حاجة و هيبقي اسمه خريج دور تاني .. علي ايه يعني كل ده .. انا هذاكر ادارة اعمال بس اصلا

و بعدين دي ب 100 درجة وا حنا اتبهدلنا علي 12.5 درجة بتوع عملي البارا و ذاكرنا المنهج كله تقريبا

يلا بلاش نتشائم كده..المادة سهلة ان شاء الله

[@Noh]

فكرة جيدة يادكتور

[marafa]

يابنى ادارة ايه بس ذاكر الباقى وبعدين شوف الادارة

[ABO El-DAHAB]

يابنى ادارة ايه بس ذاكر الباقى وبعدين شوف الادارة

بعدين ده الي هو ايام شيت الصناعية ؟ ولا ايام الميدسينال ؟!
معدتش بعدين اصلا

[dr-rofy]

عندك حق فعلا ادارة الاعمال مافيهاش هزار , بس يا ريت حد يفيدنا بعناوين المواضيع اللى فى المنهج علشان نعرف هنذاكر ايه ؟

[Sincerity]

ياريت يا جماعه بجد انا مرعوبه من الماده دى ولو حتى نخصصلها كل يوم ساعه ونحدد فيها اجزاء نذاكرها
المواد التانيه كلها ممتده ولو لا قدر الله نزلنا فى ماده منهم هنقدر نعوض فيها
بس الماده دى فعلا مفيهاش هزار
انا معاك يا دكتور وياريت نبدأ من بكره فيها علشان حتى نكون جبنا ورق

[ABO El-DAHAB]

عندك حق فعلا ادارة الاعمال مافيهاش هزار , بس يا ريت حد يفيدنا بعناوين المواضيع اللى فى المنهج علشان نعرف هنذاكر ايه ؟

العناوين

1. الجوانب الادارية في الاعمال الصيدلية
2. الجوانب المالية في الاعمال الصيدلية
3. الموازنة النقدية التقديرية
4. تحليل الموقف المالي
5. نقطة التعادل
6. طرق اتخاذ القرار

من الواضح ان المنهج مش سهل !

-----

ياريت يا جماعه بجد انا مرعوبه من الماده دى ولو حتى نخصصلها كل يوم ساعه ونحدد فيها اجزاء نذاكرها
المواد التانيه كلها ممتده ولو لا قدر الله نزلنا فى ماده منهم هنقدر نعوض فيها
بس الماده دى فعلا مفيهاش هزار
انا معاك يا دكتور وياريت نبدأ من بكره فيها علشان حتى نكون جبنا ورق

تمام ... كفاية نص ساعة كمان يوميا .. هنبدأ بجزء صغير كده انهاردة علشان ما نضيعش الحماس بتاعنا و نكمل بكره و نحاول كده نقول اي حاجة عارفنها .. اهو نخلي مذاكرتها من المنتدي و خلاص و كل واحد يشرح جزء من المنهج اهو منه لما يكتبه يفيده و يفيد غيره ..

[ABO El-DAHAB]

نبدأ بأول حاجة كده:
الهدف : هو النتيجة التي نرغب في الوصول اليها في نهاية مدة معينة
قد يكون الهدف هو تحقيق اكبر قدر من الربح او انتاج حجم معين من المنتجات

ويستلزم تحقيق الهدف اربع وظائف او اركان رئيسية :

1. التخطيط
2. التنظيم
3. التوجيه
4. الادارة

ال 4 عناوين دول هما مكونات الباب الاول

هنتكلم النهاردة عن التخطيط :
التخطيط : هو اتخاذ قرار حاضر حول
ماذا سنفعل و كم يتكلف ما نفعله
كيف سنعمل و من سيعمل

عناصر التخطيط : -الدكتور قال مهمة جدا-
- رسم السياسات :مجموعة من القواعد و القوانين التي تضعها الادارة العليا و هي عبارة عن الاطار الموجه لعملية تنفيذ الاهداف و يعتبر اتباعها امرا ضروريا غير قابل للالغاء
- تحديد الاجراءات: سلسلة الاعمال و الخطوات و المراحل التي يجب اتباعها لتنفيذ عمل ما و هي اكثر تحديدا لما يجب القيام به في حين ان السياسات تتميز بالعمومية و الشمول
- القواعد : هي ما يجب القيام به او الامتناع عنه من تصرفات
- البرامج الزمنية : تحديد الوقت اللزم للقيام بكل عمل من الاعمال المطلوب القيام بها
الموازنات : ترجمة رقمية للخطة علي هيئة كشف يشمل التقديرات العينية و المالية و النقدية و الانشطة المطلوبة.

انواع الخطط :
قصيرة : اقل من سنة
متوسطة : من سنة الي 5 سنوات
طويلة : اكثر من 5 سنوات