إيه أكتر نعمة من ربنا عليك/ى حسيت بيها اليومين دول ؟؟؟
بسم الله الرحمن الرحيم
هل ربنا ليه نعمة عليك ؟
طبعاً
طيب ساعات بتفتكرها وساعات بتنساها ؟
للأسف أه !
طيب هل قدرت تعرف كل نعم ربنا عليك ؟ !
من كتر النعم مقدرش أعدها !
طيب تعالوا في الموضوع ده نفتكر ونتفكر ونفكر بعض بنعم ربنا علينا
يعني ممكن يكون ربنا انعم عليك بنعمة وانت عارفها وممكن اكون انا عندي نفس النعمة دي ومش عارفها ! فلما تقولها لي كده بتذكرني بيها
وطبعاً الموضوع هنا مش عشان نعد كل نعم ربنا علينا لانها طبعاً مينفعش نحصيها !
(وَآتَاكُم مِّن كُلِّ مَا سَأَلْتُمُوهُ وَإِن تَعُدُّواْ نِعْمَتَ اللّهِ لاَ تُحْصُوهَا إِنَّ الإِنسَانَ لَظَلُومٌ كَفَّارٌ )
[إبراهيم : 34]
لكننا بنفكر بعض بيها
ومطلوب مننا كلنا كل اللي يقول نعمة يقول
هيكون حالنا ايه من غير النعمة دي
ويقول بعد ربنا ما انعم علينا بيها ازاي نشكرها وطبعاً زي ما كلنا عارفين ان شكر النعمة مش باللسان لازم يكون بالعمل زي ما ربنا قال لسيدنا داوود
قال له
(اعْمَلُوا آلَ دَاوُودَ شُكْراً وَقَلِيلٌ مِّنْ عِبَادِيَ الشَّكُورُ )
[سبأ : 13]
فربنا قال اعملوا آل داوود شكراً
ولم يقل قولوا آل داوود شكراً
وممكن واحد يقول نعمة وواحد بعد كده عايز يتكلم في نفس النعمة لكن بصورة تانية ومنظور تاني ..
ولا شك تذكرنا للنعم دي يقربنا ويحببنا أكتر في ربنا !
لان لما نحس قد ايه خير ربنا ونعم ربنا علينا فلازم نتكسف ونفكر ألف مرة قبل ما نعمل معصية !
وربنا يتوب علينا كلنا
منتظر منكم تذكير بالنعم الي حاسين بيها
حتى ولو كانت بسيطة من وجهة نظرك لازم تقولها لانها لا يمكن تكون صغيرة لانها من ربنا
ها مين هيشارك ؟
فكرة منقوووووولة
أرجو إستمرار المشاركة
أى موقف أى نعمة حستها تفضلوا مشكورين بذكرها لعل هذه القلوب تلين لذكر مولاها وتدمع العين حبا له
رد مع اقتباس
