موضوع الدواليب .. يا ترى امتى ؟؟؟

[simsimstar]

السلام عليكم
أنا بسأل على موضوع الدواليب
يا ريت لو أى حد عنده معلومات عن الموضوع دا يقول
لأن المعامل بدأت من أول يوم وصعب علينا أوى البهدلة كل مرة بالأدوات
خاصة الرول والحامل

[ZAHRA333]

انا برده نفسي اعرف اي حاجة عن الموضوع ده لاني كل ما اسال يقولولنا بعد اسبوع
تعبنا من الادوات مع السفر

[muna7assan]

ان شاء الله أكيد أول ما الدواليب تجهز لاستقبال السنه الجديده هيكون فيه اعلان هنا على المنتدى

[dr emy.hassan]

يارب الدواليب تجهز بسرعة انى بجد تعبت من البهدلة والسفر بكل الادوات دى

[بسطامى]

آه فعلاكلنا بنتبهدل ف المواصلات بالأدوات
انا سألت الأسبوع اللى فات وقالوا لى اسألى تانى أخر الأسبوع الجاى ده وقالوا لما يبدا الحجز هينزل اعلان

[simsimstar]

السلام عليكم
من الواضح إنه لسة مفيش أى معلومات عن الدواليب
مع إنى أذكر إن السنة اللى فاتت كنا حجزنا الدولاب فى تالت يوم فى الأسبوع الأول واستلمناه بعدها بكام يوم ومكانش فى أى مشاكل خالص

عامة مفيش غير الانتظار أما نشوف إيه اللى هيتم
وبعدين أنا مش شايفة إن الدواليب محتاجة استعداد ولا حاجة
بل بالعكس دا السنة اللى فاتت كان فى عدد كبير جدا فاضى
وكمان السنة دى مفيش غير عدد قليل جدا لدفعة إعدادى
يعنى الدواليب هتكفى وتفييييييييييييييييييييييييض

يا ريت يا جماعة لو فى حد على اتصال بالمسئولين عن الدواليب يسأل ويستعجل الموضوع دا عشان كدة كفاية أوى فات أسبوعين والتالت جاى

[Mohamed Al Gohary]

إن شاء الله الحجز هيبدأ من يوم الاتنين الجاي .. هو اتأخر بس عشان كان بيتم تقليل عدد المشاركين في الدولاب الواحد ..

[muna7assan]

إن شاء الله الحجز هيبدأ من يوم الاتنين الجاي .. هو اتأخر بس عشان كان بيتم تقليل عدد المشاركين في الدولاب الواحد ..

حمد الله عالسلامه يا د.محمد

[عائشة]

انا سألت علية النهاردة وقالى الحجز هيبدأ من النهاردة

والدولاب ب20جنية لعدد 2طلبة

[*Aya*Verse*]

السلام عليكم
حجز الدواليب بدأ من يوم الاحد
والناس فعلا استلمت الدواليب وفى الدور الرابع برده
والموضوع ده مضيقنى جدا
مش المفروض دواليب الفرقة التانية ف الدور التالت زى السنة اللى فاتت؟!
الغريب ان اماكن الدوالايب زى السنة اللى فاتت لكل الفرق ماعدا احنا !
يعنى احنا المفروض نكون ف الدور الثالث واولى ف الدور الرابع
ولا لازم تتبهدل ف طلوع السلالم !!!!
حتى الدور التالت قريب من مدرجنا من الدور الرابع
والدور الرابع برده قريب لمدرج اولى (نفس الدور)
ولا انتم ايه رايكم ؟
وليه النظام اتغير عن السنة اللى فاتت؟