اصحاب اصحاب

[نور الحياة]

قولولى لما يكون حد فاهمك غلط ومصدق الكدبة الكبيرة اللى كدبها بس انت كل شوية تحن للكلام معاة بس هو رافض وكمان غلط فيك كتير جدا بس احنا بعيد عن بعض مش لاقيين اصحاب تانيين اية رايكو المشكلة دى تتحل ازاى

مستنية ردودكوا بفارغ الصبر

[LOVELY BIRD]

انا بصراحه مش فاهمه مشكلة حضرتك اوي يادوك
بس اللي اعرفه ان الصديق اللي بجد صعب جدااااااااااااااااااااا تتعاملي معاه بجفاء مهما كانت الظروف
فلو حصل كده من صديقتك لكي واصرت على موقفها يبقى هي مش متمسكه بالصداقه دي والاحسن ان تبقى بينكم علاقة زماله طيبه وشوفي صديقه تانيه وان شاء الله تلاقي

سوري طولت عليكي

[AbU ElKhAiR-Let`s Go]

أقولكم نصيحه قرين روحى وحياتى ماجد



صاحبك بجد مايضركش



صاحبك بجد ما يزعلكش



صاحبك بجد ينصحك من غير ما تطلب تلاقيه من غير ما تدور



تلاقيه قريب مهما بعد عنك عمرك ما تحس انه بعيد


هو ده الصاحب والصديق الحقيقى

[A.Elrayes]

أقولكم نصيحه قرين روحى وحياتى ماجد



صاحبك بجد مايضركش



صاحبك بجد ما يزعلكش



صاحبك بجد ينصحك من غير ما تطلب تلاقيه من غير ما تدور



تلاقيه قريب مهما بعد عنك عمرك ما تحس انه بعيد


هو ده الصاحب والصديق الحقيقى

كلام فعلا مظبوط جدا
دوري هتلاقي صديقات كتير لسه في ناس كتير محترمين ممكن يكوانوا اصحاب

[drpinkysnow]

هقولك مثل شعبى........ .من حبنا حبناةوصار متاعنا متاعه ومن كرهنا كرهناه يحرم علينا اجتماعه......... بصى اللى يبعد عنك انتى كمان ابعدى عنة لان محدش يستاهل انه ياخد لقب صاحب الا ان كان هو حريص على كدة

[asfourelgana]

[quote=drpinkysnow;332773]

هقولك مثل شعبى........ .من حبنا حبناةوصار متاعنا متاعه ومن كرهنا كرهناه يحرم علينا اجتماعه......... بصى اللى يبعد عنك انتى كمان ابعدى عنة لان محدش يستاهل انه ياخد لقب صاحب
الا ان كان هو حريص على كده

انا مع الرأي ده جدا

وربنا يوفقك يا رب يا دكتوره

لأن فعلا مشكلة الاصحاب دي مش حاجة سهله

[نور الحياة]

شكرا لردودكم ياجماعة بس انا بحس انى وحيدة من غيرها برغم انى بحاول ان مفكرش ف موضوعها بس الموضوع اللى بيجى قدامى لانى بحبها اوى اوى ومأثر فيا بعادها بس بحاول اعيش من غيرها

[محمد أبوبكر خفاجى]

مع احترامى لاراء كل الناس بس لو انتم كنتو اصحاب بجد يبقى متسيبهاش حتى لو هى رافضة الوقتى جايز هى فاهمة غلط ومتربسة على كدا الوقتى بس بكرة ممكن تراجع نفسها .
مضحييش بالصداقة الحلوة فى لحظة عند لانها مش هتتعوض حاولى تشوفى حد وسيط بينكم يعرف منها اى اللى مزعلها وهى فاهمة اى ويصلح بينكم من غير ما تيجى على كرامتك وخليكى انتى الكبيرة بس متضيعيش الصداقة دى لو انتى واتقة انها كانت صداقة بجد وهى كانت بتحبك فعلا من قلبها

[N00R EL _SHAMS]

شكرا لردودكم ياجماعة بس انا بحس انى وحيدة من غيرها برغم انى بحاول ان مفكرش ف موضوعها بس الموضوع اللى بيجى قدامى لانى بحبها اوى اوى ومأثر فيا بعادها بس بحاول اعيش من غيرها

على فكره طالما انتى بتحبيها كده يبقى اكيد هى كمان بتحبك اوى اوى بس ممكن يكون حصل سوء فهم بينكم

لو هى مش بتحبك عمرك ما هتحسى ناحيتها بالحب ده ...اكيد هى فى مشكله حاولى انك تساعديها

وزى ما قال د.محمد شوفى وسيط بينك وبينها وحاولى تشوفى هى زعلانه منك ليه ...ممكن على

فكره يكون حصل موقف بينكم هى فهمتته غلط ..حاولى انك توضحى لها مثلا وجهة نظرك وكونى

على ثقه انك لو عملت كده عمر كرامتك مهتتجرح مفيش كرامه بين الاصدقاء


فعلا مش تضيعى الصديقه دى لان باين من كلامك انها كويسه والدليل على كده حبك ليها

ربنا يصلح ما بينكم وترجعوا احسن من الاول

[نور الحياة]

مع احترامى لاراء كل الناس بس لو انتم كنتو اصحاب بجد يبقى متسيبهاش حتى لو هى رافضة الوقتى جايز هى فاهمة غلط ومتربسة على كدا الوقتى بس بكرة ممكن تراجع نفسها .
مضحييش بالصداقة الحلوة فى لحظة عند لانها مش هتتعوض حاولى تشوفى حد وسيط بينكم يعرف منها اى اللى مزعلها وهى فاهمة اى ويصلح بينكم من غير ما تيجى على كرامتك وخليكى انتى الكبيرة بس متضيعيش الصداقة دى لو انتى واتقة انها كانت صداقة بجد وهى كانت بتحبك فعلا من قلبها

واللة يادكتور حاولت بس هيا مش متقبلة اى كلام ومش حاطة ف دماغها غير انى ظلمتها وانا نفسى تعترف بغلطها لان الاعتراف بالحق فضيلة
-----
[quote=N00R EL _SHAMS;332983]على فكره طالما انتى بتحبيها كده يبقى اكيد هى كمان بتحبك اوى اوى بس ممكن يكون حصل سوء فهم بينكم

لو هى مش بتحبك عمرك ما هتحسى ناحيتها بالحب ده ...اكيد هى فى مشكله حاولى انك تساعديها

وزى ما قال د.محمد شوفى وسيط بينك وبينها وحاولى تشوفى هى زعلانه منك ليه ...ممكن على

فكره يكون حصل موقف بينكم هى فهمتته غلط ..حاولى انك توضحى لها مثلا وجهة نظرك وكونى

على ثقه انك لو عملت كده عمر كرامتك مهتتجرح مفيش كرامه بين الاصدقاء


فعلا مش تضيعى الصديقه دى لان باين من كلامك انها كويسه والدليل على كده حبك ليها

ربنا ييسر يادكتور بس هيا مش بتعترف بالحق وهو دة الاساس اللى عيزاة تغيرة