حاجة قلبلة تمنع بلاوي كتيرة؟؟؟؟

[محمد غريب]

مين اللي بيكسب أكتر دلوقتي الدكاترة ولا الشحاتين؟؟؟؟؟

[Messi]

دي سياسه دوله

[N00R EL _SHAMS]

لا طبعا اكيد الشحاتين

او بمعنى اصح المتسولين ماشاء الله بجد

موجودين فى كل مكان فى الشارع تلاقيهم ..

فى الجامعه ...فى مكتبة بيبر بيسرقوا الموبيلات

فى الصيدليات تلاقيهم... فى مواقف السيارات اوك

بجد بقت حاجه مستفزه وخاصه بقى لما يمسكوا فيك

فى نص الطريق ويقولوا لازم تاخد مناديل

والغريبه انهم مش بيصعبوا عليا اطلاقا الا بس الاطفال

"حتى الاطفال رزلين بس هما يعملوا ايه نصيبهم كده "

انما الستات ابدا

دول ماشاء الله ربنا رزقهم صحه جامده جدا يقدروا يشتغلوا ويكسبوا

دى كفاية مسكتهم لينا مش بنعرف نتحرك منهم

ولو بقى محدش خاد

منهم المناديل لازم يشتموه ودى حصلت مع اتنين صحابى

وبلاش اقول قالت الست لهم ايه

فى الاخر اقول

لاتعط المحتال وتحرم المحتاج

[دكتور جوجو]

اكيد طبعا الشحاتين دول في كل مكان

[ameer]

لاتعط المحتال وتحرم المحتاج

المشكله ان محدش عارف يفرق بين الاتنين دلوقتي

[N00R EL _SHAMS]

المشكله ان محدش عارف يفرق بين الاتنين دلوقتي

انا قلت كده برده ...

بس دا حاجه بالخبره

والله يا دكتور المحتالين دول بيكون باين عليهم خالص

لما تعطى له اى حاجه مش بيرضى بيها ويقولك ايه ده وتلاقيه عمال يرزل ويمسك فى هدومك

دا حتى الرجاله والشباب تلاقيهم بيمسكوا فى هدومك لما بكون عايزه اقتلهم

هما دول المحتالين ...اعتقد المحتاج بيكون نفسه مكسوره شويه بيرضى باى حاجه تعطيها له

وبرده فيه ناس بتخجل انها تسال الناس ممكن تعرفهم مثلا

بقعدتهم على الطريق فتحس انهم ممكن يكونوا محتاجين مساعده

واحده مثلا بتبيع مناديل بس مش بترزل على حد ولا تجرى ورا الناس

فى الشارع دى ممكن تكون محتاجه ..

طفل ماشى يبيع عسليه ولا اى حاجه بدون برده رزاله دا ممكن يكون محتاج ...



كان شيخ مره بيقول كنت بزرو صاحبى ولقيت شحات فاعطاته جنيه

فطلعه كده وقاله جنيه !! دا محدش هنا بيعطينى اقل من خمسه جنيه
!!!!!!!

شوف بقى شحات بياخد من كل واحد خمسه جنيه وكل شويه

والله هيكون فعلا اغنى من الدكاتره

هو دا المحتااااااااااال

ولكن طبعا ما اجمل ما قال فيهم المولى عز وجل "{لِلْفُقَرَاء الَّذِينَ أُحصِرُواْ فِي سَبِيلِ اللّهِ لاَ يَسْتَطِيعُونَ ضَرْبًا فِي الأَرْضِ يَحْسَبُهُمُ الْجَاهِلُ أَغْنِيَاء مِنَ التَّعَفُّفِ تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافًا وَمَا تُنفِقُواْ مِنْ خَيْرٍ فَإِنَّ اللّهَ بِهِ عَلِيمٌ}

هى ممكن تكون نزلت فى فقراء المهاجرين من قريش بس اعتقد انها كمان لكل الفقراء من المسلمين

[Dr/HULK]

رجال الاعمال(بيشتغلوا وزراء اليومين دول)

[loyalty]

نقيب الأطباء كان بيقولهم الدكتور محصلش شغالة في مصر
يعني صحيح الشغاله نايمة واكله شاربة على حساب أصحاب البيت وفي آخر الشهر بتاخد راتبها كاملِ

[Dr.Dina ELBeltagy]

اكيد الشحاتين بلا شك

[fulla m]

اكيد الشحاتين دي مش عايزة كلام

دول ماشاء الله ربنا رزقهم صحه جامده جدا يقدروا يشتغلوا ويكسبوا

دى كفاية مسكتهم لينا مش بنعرف نتحرك منهم

اه ما شاء الله صحتهم حلوة
انا بقيت بكره الحتة اللي قصاد بوابة تربية دي
تمشي تتكعبل في الشحاتين
مفيش حد بينافسهم في العدد الا الناس اللي بتوزع اعلانات
وبيمتازوا عن الشحاتين في اي منطقة تانية
انهم بيمسكوا فيك متعرفش تتحرك وتحاول تجبرك انك تديهم حاجة
لا وتلقيهم شايلين موبيلات (وده شوفتوه بعيني)

بحس انها زي السرقة لانك حتى لو ادتلهم حاجة بتبقى علشان تخلص منهم ومن زنهم
مش بنية الصدقة

نقيب الأطباء كان بيقولهم الدكتور محصلش شغالة في مصر

وقال كمان انه من مستحقي الصدقة