موعد الإفطار .. هام جدا

[Dr.A7med]

السلام عليكم
سؤال بعثه صديق لي وكان الرد كالتالي
الموضوع:الصوم
الســــؤال
أسكن في قرية بجوار مدينة المنصورة وألاحظ دائما في نتيجة التقويم المنتشرة

بين الناس وجود فارق زمني من دقيقة إلى 3 دقائق بين توقيت الأذان في القاهرة
والمنصورة ولكن كل مساجد القرية تؤذن حسب إذاعة القرءان الكريم فهل يجب على
المؤذن وعلينا جميعا تحري هذا الفارق الزمني خصوصا أذان الفجر وأذان المغرب
في أيام رمضان أم ان هذا الفارق البسيط لا يضر الصيام؟
الـجـــواب
نعم يجب تحري هذا الفارق وإن كان بسيطا، وهذا الفارق البسيط يضر، فلو أفطر
الرجل قبل موعد الغروب في بلدتكم فعليه قضاء هذا اليوم
فتاوى أمانة الفتوى

[بسطامى]

جزاك الله خيرا يادكتور على الموضوع الهام ده
بس كان يجب يكون من أول رمضان
يلا حصل خير
-----
معلشى استفسار بسيط
إحنا بنتسحر تبع آذان القاهرة وبنفطر تبع آذان القاهرة اللى ف الراديو
يبقى ايه المشكلة ف ده؟

[Anas]

الكلام ده للأسف ناس كتير مش عارفاه

و كله ماشي تبع الراديو ... مع ان مذيع الراديو بيقول

" حسب التوقيت المحلي لمدينة القاهرة "

طب دلوقتي احنا في المنصورة الفجر المفروض يأذن قبل القاهرة بدقائق معدودة

و الناس بتفضل تاكل و تشرب لحد ما القارئ يقول " الصلاة و السلام عليك " و اللي بيكبر بعدها

و بكده يبقى الفجر أصلا معاده عدى من قبلها ... يبقى المفروض ان صيام هذا اليوم باطل

بس الحمد لله بدأ في بعض المساجد في البلد عندنا يأذنو تبع توقيت المنصورة اللي في النتيجة

بس للأسف ناس كتير مش مقتنعة و يقولك الراديو و مش الراديو

[RASHAD_RESALA]

المشكلة ان مش كل الاماكن متاح فيها التوقيت المحلى للمدينة .. و فى مرة الناس حاولت تعملها لقيت الاذان فى الفجر قبل الراديو بتلت ساعة كاملة الطريف ان السعودية مكنش الاذان اذن .. يعنى انا بقى فى دبى ساعتها ولا ايه ..

[Dr.A7med]

معلشى استفسار بسيط
إحنا بنتسحر تبع آذان القاهرة وبنفطر تبع آذان القاهرة اللى ف الراديو
يبقى ايه المشكلة ف ده؟

أيوة .. المفروض تستني دقيقة أو 2 عشان الصيام مايضيعش
وجزاكم جميعا خير