حد يادكاترة سمع عن موضوع حفلة التخرج انا شفت على موقع الكلية بتاعتنا ان في اعلان بيقول تعلن إدارة الكلية عن إقامة حفل تخريج الدفعة رقم(36) لعام 2009/2010 والدفعة رقم (37) لعام 2010/2011 وذلك خلال النصف الثاني من شهر نوفمبر2011 للاستفسار الاتصال بمكتب وكيل الكلية لشئون خدمة المجتمع في موعد أقصاه 15/10/2011
الخبر ده على سايت الكلية حد عنده فكرة عن الموضوع ده
ده رقم شئون الخريجين
اتصلوا عليه واعرفوا تفاصيل الحفله
2246253
التعديل الأخير تم بواسطة محمد سمير ; 25-09-2011 الساعة 03:45 AM سبب آخر: اضافة رقم تليفون شئون الخريجين
معنى وجود الخبر على موقع الكليه
ان الكليه ناويه تعمل حفلة التخرج
بس
الواجب تكون الحفله مجانى ذى حفلة النقابه
من غير اى اشتراكات
لان حفلات التخرج اللى كانت قبل كده واخرها حفلة تخرج دفعة 2009 كانت باشتراك
ولو كانت باشتراك اعملوا ثوره عليهملحد ما تبقى مجانى
تعلن إدارة الكلية عن إقامة حفل تخريج الدفعة رقم(36) لعام 2009/2010ياااااااااااااااه
لسه فاكرين يعملوا حفله لينا
فيهم الخير
قولولى بس احنا دفعتنا هتتلم ازاى
البنات اكيد كلهم اتجوزوا ومش فاضيين
والشباب منهم اللى فى الجيش ومنهم اللى مسافر
بس انا عاوز البس الروب تانى والكاب
معقول ممكن يعملو حفلة
؟؟؟
نتصل ان شاءالله ونشوف
المشاركة الأصلية كتبت بواسطة pharmacy
انها عارف انها مفاجأه انهم يفتكرونا
بس كله جايز
الحفلة هتتعمل إن شاء الله بعد العيد الكبير - في النص التاني من نوفمبر
أنا عارف إنكم من الصدمة مش هتصدقو إلا بعد ما الحفلة تخلص
يا سلاااااااااااااام كل شىء جايز
كليتنا تعيد الأمل من جديد ...........ده احنا نسينا والله
أكيد مؤكد آااااااكد إنى هكون فى الجيش إن شاء الله
النقابة عملت إفطار فى رمضان و معرفتش أحجز لأنى كنت فى الجيش
و عملوا يوم اجتماعى فى العيد و معرفتش أروح لنفس السبب
كمان رحلة يومين الأسبوع اللى فات لاسكندرية و زيارة شركة فاركو
و كالعادة معرفتش أحضر
احنا لبسنا روب التخرج و الكاب مرة في حفلة النقابة و أنا بصراحة شايفة روب التخرج دة عامل زي فستان الفرح أو بدلة الفرح للشبابيتلبس مرة واحدة بس عشان يبقى له طعم كدة و فرحة
أصل الواحد برده خلاص يعتبر متخرج من زمان , يعني أنا بشتغل بقالي سنة و شهرين تقريبا , جربت شغل الصيدليات و بعديه شغل الحكومة
لسة هنيجي نحتفل بتخرجنا ؟؟؟؟
متخرجنا خلاص و ياريت اللي جرا ما كان
متخرجنا خلاص و ياريت اللي جرا ما كان
طب ودول نجيبلهم اجازة منين
يلا بقى الدفعة هتخسرنى ومش هيلاقوا حد يصورهم
هنبقى نعمل حفلة وانا واللى معايا فى الجيش وهنلبس فيهم الروب الاحمر بتاع الاعدام
ضوابط المشاركة
رد مع اقتباس.gif "Fop (18)")