,.-~*'¨¯¨'*·~-.¸-(_ (ليه الحب بتبقى نهايته كدا) _)-,.-~*'¨¯¨'*·~-.¸

[Dr Anonymous]

اليوم اقدم لكم مجموعة من الاسئلة واتمنى من الجميع مشاركتى للاجابه

ليه لما بتحب انسان بجد وتخلصله فى الحب بتبقى نهاية الحب الفراق ؟



ليه لما بتدى لانسان كل الحب اللى فى قلبك بتبقى نهاية الحب الفراق ؟



ليه لما تبذل كل جهدك علشان تحاول انك تغيير الشخص اللى قدامك بتبقى نهاية الحب الفراق ؟



ليه الحب بتبقى نهايته كدا ؟



ليه الانسان لما بيحب بجد ويخلص فى الحب بتبقى نهاية الحب كدا ؟



ليه دايما بتحس ان الانسان اللى انتا بتحبه فى بعض الاوقات بيبقى ضعيف ومش قادر يا خد قراره ... ومن ثما بتبقى نهاية الحب كدا ..... ليه كدا ؟



ليه الحب اللى احنا اعتبرناه احلى واجمل حاجة فى الدنيا ... تبقى نهايته الفراق ؟

حقا لقد قيلت سابقا واكررها مرة ثانية

..... اه والف اه من الفراق .......

منتظر ارائكم

[N00R EL _SHAMS]

يمكن لان الحب ده بعيد عن رضا الله ..............

[مشمشة]

يمكن لان الحب ده بعيد عن رضا الله ..............

نفس الكلام اللى كنت هقوله
بس لو حضرتك تقصد الحب بين اتنين اصدقاء مثلا......... فممكن لان مش كل الناس بتبقى زى ما احنا فاكرين ....او متوقعين فبالتالى بنتصدم فيهم وطبعا بيبقى النهاية الحتمية هى الفراق
او ممكن لان فيه ناس بتبقى عايزة مصلحة معينة بيبقى ده هدفها وبمجرد ما تخلص المصلحة دى طبعا بيبعدوا
وممكن برضه لان ده حال الدنيا(دوام الحال من المحال )بس بجد بتبقى حاجة صعبة جدا
ميرسى ع التوبيك يادكتور

[إيمان حمدي]

ليه لما بتحب انسان بجد وتخلصله فى الحب بتبقى نهاية الحب الفراق ؟

يبقى مش هو دا الانسان اللي يستاهل

ليه لما بتدى لانسان كل الحب اللى فى قلبك بتبقى نهاية الحب الفراق ؟
مش هو الشخص اللي يقدر الحب

ليه لما تبذل كل جهدك علشان تحاول انك تغيير الشخص اللى قدامك بتبقى نهاية الحب الفراق ؟
لو هو كان بيحبك أكيد كان هيتغير من اقل محاولة ليك مش لازم تبذل كل جهدك دا كتير

ليه الحب بتبقى نهايته كدا ؟
قبل اي حاجة حب بعيد عن طاعة الله

ليه الانسان لما بيحب بجد ويخلص فى الحب بتبقى نهاية الحب كدا ؟
هذا الانسان لم يحسن الاختيار

ليه دايما بتحس ان الانسان اللى انتا بتحبه فى بعض الاوقات بيبقى ضعيف ومش قادر يا خد قراره ... ومن ثما بتبقى نهاية الحب كدا ..... ليه كدا ؟
مش فاهمة يعني ايه

ليه الحب اللى احنا اعتبرناه احلى واجمل حاجة فى الدنيا ... تبقى نهايته الفراق ؟
طبعا مش كله
يعني عمر مايكون الحب نقي وصادق من الطرفين وتكون نهايته كدا

حقا لقد قيلت سابقا واكررها مرة ثانية

..... اه والف اه من الفراق .......

الفراق حاجة صعبة ولكن
احسن اختيار من تعطيه حبك وتأكد من اخلاصه لك وقبل ذلك اجعل مظلة هذا الحب هي طاعة الله عز وجل تنعم في دنياك وآخرتك بإذن الله

[اميرة الاحلام]

الحب عمر ما يكون نهايته الفراق
الا لو كان
غير شرعى يعنى مش من حقك
وبعيد عن دينا واخلاقنا
ومن الاخر انا لا اؤمن بالحب بالمرة
وواحدة صحبتى شايفة ان ده مستحيل بس دى الحقيقة
انا لا اؤمن بالحب

[عاشقة الخيال]

ف الأول ميــــــــــرسى عالتوبيك

لكن الفراق مش نهاية كل حب

فى حب مهما بيحصل بيستمر

وطبعا ده لأنه مبنى على أساس سليم

لكن غير كده

سواء من طرف واحد
أو اختيار غير موفق

فحتما لازم يبقى الفراق نهايته

[Messi]

لان ده مش حب
ده اسمه خيالات المرحله السنيه الي بنعيشها

[Dr Anonymous]

يمكن لان الحب ده بعيد عن رضا الله ..............

يعنى ايه بعيد عن رضا الله
ممكن اعرف

[Nayroz]

السلام عليكم
دى تقريبا اول مرة اشارك من زمان فى المناقشات
ليه الحب بتبقى نهايته كدا!!
ده موضوع كبير يطول شرحه
بس هحاول اختصر
الحب شعور جميل مطلوب بين الناس
واعتقد ان الحب الحقيقى عمره مابينتهى مهما مر عليه الوقت
وحتى لو بتحب ناس كتير ومش بيحبوك وعلى معرفتنا كتير بده بيبقى صعب نبطل نحبهم لمجرد عدم مبادلتهم الشعور بالحب لينا
لو تجاوزانا وسمينا اللى بينتهى ده حب
فاعتقد انه بينتهى لانه بيبقى فى كتير من الاحوال بعيد عن رضا ربنا
بمعنى ان ساعات الانسان ممكن يسمح لنفسه يعمل حاجات كتير غلط باسم الحب
بيوقع بسببها فى معاصى ما نبقاش واخدين بالنا منها
ممكن تكون فى نظرنا صغيرة بس هى فى الحقيقة مش كدة
وفى الغالب ما بنقدرش نستوعب غلطنا الا بعد انتهاؤه
مش بقول ان الحب فى المطلق حرام
لابالعكس..
وانا مش فى موقع وعظ ولا انا بالتدين الكافى لده
بس دى بجد حقيقة
بس اعتقد ان الانسان لو حصل وحب بجد وعف
عمر حبه ماهينتهى كدة
ولا عمر حبه هيسببله جرح او الم
لا ليه ولا للناس اللى حبهم
كلامى ده خاص بنوع معين من الحب طبعا
لان الحب انواع وانواع

[N00R EL _SHAMS]

يعنى ايه بعيد عن رضا الله
ممكن اعرف

,.-~*'¨¯¨'*·~-.¸-(_ (ليه الحب بتبقى نهايته كدا) _)-,.-~*'¨¯¨'*·~-.¸

يمكن لان الحب ده بعيد عن رضا الله ..............

نفس الكلام اللى كنت هقوله

الحب عمر ما يكون نهايته الفراق

الا لو كان
غير شرعى يعنى مش من حقك
وبعيد عن دينا واخلاقنا

الحب شعور جميل مطلوب بين الناس

واعتقد ان الحب الحقيقى عمره مابينتهى مهما مر عليه الوقت
وحتى لو بتحب ناس كتير ومش بيحبوك وعلى معرفتنا كتير بده بيبقى صعب نبطل نحبهم لمجرد عدم مبادلتهم الشعور بالحب لينا
لو تجاوزانا وسمينا اللى بينتهى ده حب
فاعتقد انه بينتهى لانه بيبقى فى كتير من الاحوال بعيد عن رضا ربنا
بمعنى ان ساعات الانسان ممكن يسمح لنفسه يعمل حاجات كتير غلط باسم الحب
بيوقع بسببها فى معاصى ما نبقاش واخدين بالنا منها
ممكن تكون فى نظرنا صغيرة بس هى فى الحقيقة مش كدة
وفى الغالب ما بنقدرش نستوعب غلطنا الا بعد انتهاؤه
مش بقول ان الحب فى المطلق حرام
لابالعكس..
وانا مش فى موقع وعظ ولا انا بالتدين الكافى لده
بس دى بجد حقيقة
بس اعتقد ان الانسان لو حصل وحب بجد وعف
عمر حبه ماهينتهى كدة
ولا عمر حبه هيسببله جرح او الم
لا ليه ولا للناس اللى حبهم
كلامى ده خاص بنوع معين من الحب طبعا
لان الحب انواع وانواع

اعتقد انهم افاضوا فى توضيح الجمله الى ضايقت حضرتك اوى .........فعلا الى بيخلى الحب نهايته كده غالبا بيكون البعد عن الله ......(من وجهة نظرى )
وسورى اوى على وجهة النظر الى زعلت حضرتك دى ..........اوعدك انها لن تكرر ان شاء الله
اسفه مره تانيه .........