مفاجئة مصدمة مرعبة كبيرة و خطيرة .. و مضحكة جدا

[M.Hegazy]

بسم الله الرحمن الرحيم

السلام عليكم و رحمة الله و بركاته ..

تحية طيبة على الجميع .. و يارب يسعد أيامكم و يملاها سعادة و فرحة و هنا بطاعته و رضاه .. اللهم أرضنا و أرض عنا يا كريم ..

تعالو بينا نشوف كده مفاجأة من المفاجآت اللي أحساسينا بتتلخبط فيها .. بس ف الآخر أكيد أكيد كلنا هنضحك .. تعالو بينا نتصدم بالموقف التالي ..

القصة وما فيها إن راجل ومراته متجوزين من عشرين سنه ( ربنا يحفظنا ويحفظكو يا رب ) ههههههه قرروا يصيفوا ع البحر في نفس الفندق اللى قضوا فيه شهر العسل زمان لكن الزوجة كانت مشغولة فاتفقت مع زوجها إنه يسافر لوحده وهي هتلحقه بعد يومين ..وطبعا وصل الزوج الفندق ودخل الغرفة وكان فيها كمبيوتر وموصل بالنت ف حب يرسل رساله لزوجته عشان يطمنها انه وصل بالسلامه والحمد لله

وبعد ماكتب الرسالة وهوبيكتب عنوان الايميل لزوجته فكتب الايميل غلط

طب وبعدين
ايه اللي حصل

اللي حصل ان الرساله وصلت طبعا لحد تاني وبالصدفة كانت امرأه أرملة لسه راجعة من جنازة دفن زوجها اللى مات في نفس اليوم ..

الأرملة فتحت إميلها عشان تقرأ رسايل التعازي وفجأه اغمى عليها من صدمة الرساله الاولى تخيلو بقا ايه هي الرساله ومن مين كمان من زوجها اللي لسه ميت بقالو 7 ساعات فدخل ابنها يشوف اللي حصل فقرأ الرسالة التالية

" زوجتى العزيزة .. وصلت بخير .. ويمكن تتفاجئي لأنك هتعرفي أخباري عن طريق النت ،لأنه طبعا دلوقت التكنولوجيا مخلتش حاجه وبقى عندهم نت ويقدر الواحد يرسل أخباره لأهله وأحبابه يوم بيوم ..





أنا لسه بقالي ساعة وصلت واتأكدت إنهم جهزوا المكان وكل شىء .. ومش باقى غير وصولك عندي هنا بعد يومين إشتقت لك كثير ومشتاق أشوفك واتمنى تكون رحلتك سريعة شيقة زي رحلتي ..

ملاحظة : مش ضروري تجيبي هدووم كتييره معاكي حاكم هنا الجو ناار أخر حاجه يعني جهنم

ويارب متتأخريش يا حبيبتي
زوجك العزيز "

[د/محمد عمر]

جـــــــــــــــــــــــامد

[*محبة رسول الله*]

يا ربى!

دى الست دى المفروض يجيلها انهيار عصبى
وأعتقد فعلا انها ان شاء الله هتروح لجوزها الحقيقى بعد يومين بجد.

شكرا ع الموضوع يا دكتور

[Dr Anonymous]

لالالالالالالالالا
موضوع صايع صايع يعنى


تسلم يادكتره

[إيمان حمدي]

هههههههههههههههههههه
لا بجد حلو اوي
وبعدين اللي عاجبني اكتر هو التعليق على مجوزين من عشرين سنة بدل عقبالنا بقت ربنا يحفظنا

[مهداه]

هههههههههههههه
جميل يا دوك
ربنا يكون ف عون الارمله
يا ترى حصلها ايه بعد ما قرات الرساله؟؟؟

[N00R EL _SHAMS]

ههههههههههههههه
موضوع رائع بجد
لكن الست الى جوزها مات دى غريبه اوى يعنى دفنه جوزها من 7 ساعات
وفايقه تدخل ع النت تشوف رسايل التعزيه مش قادره تصبر شويه !!
يا سلام عليها .....مخلصه بجد وحقيقى


مرسى يا دكتور ع التوبيك

[shorook]

oh my god 2na momken 2mot fiha bgd

[muna7assan]

انا دورت فى الرساله دى على حته واحده اقتبسها وتبقى دى احلى واحده ما لقيتش ., كلها الصراحه احلى من بعض
وكل كلمه فيها لاقيه على واحد مات فعلا دى المفروض تتجنن.,
قال مستنيكى بعد يومين قال..,
تسلم ايدك يا دوك..

[M.Hegazy]