بالأرقام أنجح فرقة جماعية في مصر على مستوى عامين (( يد الزمالك أسياد أفريقيا ))

[alnesr1988]

قبل مباراة النهارده واللي أتوقع هيتنصب فيها السيرك على حبايبنا سواء لعيبه في الملعب أو على جمهورهم اللي خلاص اتعود يحضر دربي اليد يتحط عليه وخلاص .... كان لازم نقف وقفه مع الرباعية التاريخية لفريق الهاند الإسطوره لمجموهة كوماندوز يعملوا في صمت محدش سامع لهم صوت

وبما إن كاس العالم قرب بنحجز لأصدقائنا بقيادة حسن مصطفى وأعوانه ولأشباه اللاعبين ولحطام فرقة (( حبايبنا برده )) كرسي عشان يعرفوا يعني ايه أسياد افريقيا ننزل بقا بالتقارير ,,


__________________________________________________ ________________________________

حصرياً بالفيديو ..بعد الرباعية التاريخية درة التاج الزمالكوي يتحدثون عن الانجاز الكبير‏ ( حمل حتفالات اسياد افريقيا و حوارات مع دعبس . الروبي . يسري . الأحمر . عواض . كاتونجا .ايهاب )
2010-05-12

كتب احمد شوقى

اذا كان هناك فريق جماعى يستحق ان ينال شرف حمل اسم نادى الزمالك والدفاع عنه فى كافل المحافل المحلية والدولية فلن يكون هناك افضل من فريق كرة اليد رجال بنادى الزمالك درة التاج الزمالكوي الذى يضم رجال بمعنى الكلمة يعشقون تراب نادى الزمالك ويتحدون الصعب بل والمستحيل من اجل الفوز بالبطولات واسعاد جماهير البيت الابيض والتى تعلم جيدا مدى الظلم الذى يعانون منة هؤلاء اللاعبين فهم يجوبون شتى بقاع الدنيا من اجل البحث عن النصر وسط تجاهل وتعتيم اعلامى احمر لا يفكر سوى فى ابعاد الاضواء عن الفريق الابيض والذى يعد ملك كرة اليد فى مصر بالارقام والانجازات

وقبل بداية الموسم الحالى استطاع مجلس الادارة ان يقوم بتدعيم الفريق بصفقتين سوبر بل وصفعتين للفريق الاحمر وهما كريم هنداوى احسن حارس فى بطولة العالم للشباب وبلال عواض الظهير الطائر وذلك على الرغم من اتحاد الفراولة حاول ان يعيدهم للحمر ولكن الثنائى اعلنوها صريحة اخترنا ان نكون من الصفوة ونحصل على البطولات ونشارك فى بطولة العالم
وبدء الموسم ومعها بدئت سمفونية اسياد افريقيا الذين نجحوا فى ان يعزفوا اجمل الالحان وبدءوا مشوار طويل ومرهق للغاية وكانت البداية بالفوز بكأس الاتحاد بفارق 5 نقاط غن الحمر وبدون اى هزيمة وعلى الرغم من الارهاق الذى كان يعانى منة اللاعبين الاانهم قرروا ان يغلقوا صفحة المشوار المحلى

ومع بداية المشوار الافريقى كان هناك مبارة هامة للغاية وهى مباراة مجمع التكرير الجزائرى واكتسب هذة المباراة اهمية كبرى بسبب ان الفائز سيتأهل لبطولة العالم للاندية بقطر وكان نجوم الفريق الابيض عند حسن ظن الجميع واستطاعوا الفوز بالمباراة التى اقيمت ببوركينا فاسو وبعدها كانت المهمة الثالثة وهى بطولة كأس افريقيا ابطال الكئوس والتى شارك فيها الاهلى ومارس اللوبى الاحمر ضغوطة لرفع الايقاف عن بعض لاعبى الفريق معتقدين انة بأمكانهم منافسة المارد الابيض

ولكن هيهات وكانت النتيجة المتوقعة هى الفوز ببطولة كأس اندية افريقيا

وتحت شعار لاوقت للراحة بدء الفريق فى مشوار جديد لة وهو الدورى وبأقل مجهود وعلى الرفم من الاصابات والايقافات الاان حمادة الروبى وزملاءة نجحوا فى اسعاد جماهير الفريق بالفوز بالدورة المجمعة الاولى ثم الثانية بعد ان مارسوا هوايتهم المفضلة فى اذلال اطفال الاهلى الذى عليهم التفكير فى لغاء اللعبة او الانسحاب من اى بطولة يخوضها الزمالك

أنا عارف ده بالذات صعب معلش معلش بتشوفوه بتفتكروا أفلام رعب

وقد حرص Zamalek.tv على عمل تغطية خاصة ومميزة لاسياد افريقيا والذين خاضوا مشوار طويل مايزيد عن 40 مباراة فى عدة اشهر لم يتذوقوا خلالها طعم الهزيمة وقام الموقع بتغطية لقاء الطيران الذى حسم من خلالة الفريق الدورى وعشنا مع الروبى والاحمر وحسن يسرى وكاتونجا وبلال عواض وزملاءهم اسعد لحظات حياتهم حيث تشرفنا في Zamalek.tv بالتواجد معهم لحظة التتويج بكأس دوري المحترفيين فهم فخر نادي الزمالك و يسطرون اسمائهم بأحرف من نور في تاريخ نادي الزمالك فأغلبهم بالفعل اصبحوا رموز يفتخر بهم كل زمالكوي عاشق لناديه
وكانت البداية مع المخضرم الروبى والذى اهدى الفوز لكل جماهير القلعة البيضاء والتى ساندت الفريق كثيرا وان الفترة الماضية كان هناك ارهاق كبير من كثرة المباريات لدرجة ان اصبح لايعلم عدد المباريات التى خاضها الفريق فى الموسم الحالى وعن كأس العالم للاندية فقد اكد ان الكل سيحاول تقديم عروض طيبةمع اعترافة ان المنافسة صعبة مع ريال سواسيداد الاسبانى وكذلك السد القطرى الذى استعار العديد من النجوم على مستوى العالم

اما احمد الاحمر فقد اكد ان البطولة كانت صعبة خصوصا ان الدورات المجمعة تضم افضل 6 فرق فى مصر وكان الكل فى راحة قبل البطولة بينما كانوا يخوضون بطولة افريقيا وعادوا مرهقين لكنهم نجحوا فى الفوز واسعاد الجميع بالبطولة
الرابعة هذا الموسم وطمأن الاحمر جماهير القلعة البيضاء ان بطولة العالم للاندية ستكون تحدى جديد للاعبين وسيسعون لتمثيل مصر بشكل جيد وعن ابرز الصعوبات التى واجهت الفريق هى اصابة محمد عبد السلام ريشة ولالذى سيعود فى شهر اغسطس المقبل وعن عروض الاحتراف الذى تلقاها اكد انة كان هناك عرضان من فرنسا منذ حوالى شهرين ولكن تركيزه الكامل حاليا فى اسعاد الجمهور
اما كريم هنداوى فأعرب عن سعادتة للفوز بالبطولة الرابعة مع الفريق هذا الموسم وانة يهديها لكل جماهير الفريق الابيض التى دعمت الفريق بشكل كبير فى الماضية وقال كريم انة لو عاد بة الزمن للوراء لكان اختار نادى الزمالك ايضا بل واعلنها صريحة وقال الزمالكومفيش غيرة

اما بلال عواض فقد وجة شكرة لجماهير القلعة البيضاء التى ساندت الفريق ويحمد الله على ذلك ويتمنى ان يؤدى الفريق بشكل جيد فى بطولة العالم لاندية خصوصا فى ظل حالة الارهاق التى كان يعانى منها اللاعبون فى الموسم الحالى من كثرة البطولات

اما حسن يسرى فقد اكد هو الاخرعلى صعوبة البطولة وانها كانت مرهقة للغاية ومليئة بالصعاب ولكن ابناء الزملك اثبتوا انهم رجالة وشاركوا فى 4 بطولات وحققوهم وهو دليل على تماسك لاعبى الزمالك وخبرتهم
واكد حسن يسرى على ان الروح هى اساس الانتصارات فى الفريق الابيض وان كل لاعبى الفريق واحد
اما ايهاب محسن فتحدث مثل زملائة عن ان جمهور الزمالك هو الذى يستحق ان يحصل على اللقب وتحدث عن حالة الارهاق التى يعانى الفريق فى الفترة الماضية ولكن الجهاز الفنى بقيادة الدكتور احمد دعبس فسيقوم بعمل حالة من الاستشفاء لنجوم الفريق

والنهاية مع د احمد دعبس المدير الفنى للفريق فأكد على ان زحمة المباريات كانت ابرز صعوبات الموسم الحالى ولكنة نجح فى ان يقوم بعمل استشفاء للاعبين سواء فى فترات الراحة او حتى وسط المباريات وعن الفوز ب4 بطولات فى الموسم الحالى فأكد على ن يمتلك افضل مجموعة فى مصر ويعرفون كيف يحققون المكسب وتحدث على انة قام بتدعيم الفريق بلاعبين شباب حتى يكون هناك تواصل اجيال بالفريق وشارك محمد على وماهر بوهى فى العديد من المباريات مع الفريق على الرغم من انهم عمرهم حوالى 20عام
وتحدث د دعبس على مباراة الاهلى انة سيقوم بمنح الفرصة لفريق مواليد 90 من اجل اكتساب الخبرة وحتى يكون هناك فرصة اكبر للاستشفاء قبل السفر يوم الاحد لبطولة العالم لاندية

-----

درع اليـــد أبيـــــض..أهـــلا بالبطولة الرابعة...
2010-05-11

كتب تامر عبد الحميد

بيدى لا بيد عمرو نجح أسياد إفريقيا فى الفوز على فريق الطيران بنتيجة
فى المباراة التى جمعتهما اليوم برابع أيام الدورة المجمعة الثانية بمجمع الصالات والتى حسمها الزمالك 33-28 كان إنتهى شوطها الأول بنتيجة 18/13 ليصبح رصيد الفريق 18 نقطة بفارق 4 نقاط كاملة عن الحمر لتكون مبارتنا غدا معهم تحصيل حاصل وللشهرة.

بتلك النتيجة الرائعة يحصل أسياد إفريقيا على درع دورى اليد العام للعام الثانى على التوالى لتكون هى البطولة الرابعة لهم هذا الموسم بعد بطولات كأس الإتحاد و السوبر الإفريقى و كأس إفريقيا للأندية أبطال الكؤوس للعام الثانى على التوالى أيضا.

مبروك لكتيبة الأبطال فردا فردا والجهاز الفنى بأكمله ولمجلس الأدارة على هذا الفريق الأسطورة الذى دائما ما يرفع رؤوسنا عاليا.

وندعو فريق الحمر بمدربه المفروس المقهور دائما بالحرص على الأبطال غدا قبل مهمتهم الوطنية بكأس العالم للأندية بقطر حيث أننا تعودنا منهم على مشاهدة حركات وألعاب مصارعة المحترفين ضد لاعبينا بينما المباراة خاصة بفنون كرة اليد!!!
-----
__________________________________
بشرى خاصة لحبايبنا يمكن تعملوها وتكسبوا بقا بس أنا بقول ندي لفرصه لفرقة 15 بقا

خــاص ..فريق 19 يلاقي الاهلي غداً في نهائي الدوري .. و راحة لاسياد افريقيا
2010-05-11

كتب ـ أحمد شوقي




علم Zamalek.tv أن أحمد دعبس المدير الفني كرة اليد بنادي الزمالك قد قرر فور انتهاء مباراة اليوم منح ابطال كرة اليد راحة حتى مباريات كأس العالم خاصة و ان جميع اللاعبين في حالة ارهاق من كثرة المباريات و البطولات المحلية و القارية و الدولية لذى فأن الزمالك سيلاقي الاهلي غدا بفريق 19 سنة في محاولة من نادي الزمالك لاعطاء الاهلي بارقة امل في تحقيق اي نتيجة ايجابية مع الزمالك و كذلك لاعطاء الثقة و الخبر لفريق 19 سنة بلعب مباراة مع فريق قد يقترب في المستوى منهم
-----
______________________________________________

طب واللي عايز يتفرج على فريق الأحلام ؟؟؟

ستشهد بطولة العالم للأندية أبطال القارات لكرة اليد "سوبر جلوب 2010"، التي تستضيفها قطر خلال الفترة من 17 إلى 21 مايو من العام الجاري في "نادي السد الرياضي"، مشاركة متميزة من أندية شهيرة في رياضة كرة اليد، تضم أبرز نجوم اللعبة من كافة أنحاء العالم ..

فرق البطولة ::
الزمالك اسياد افريقيا ..
ريال سوسيداد ( اسبانيا ) بطل اوروبا ..
اونوبار ( البرازيل ) بطل الامريكتين ..
ساوثيرن ستارز ( استراليا ) بطل استراليا ..
السد ( لبنان ) وصيف بطولة اسيا .. ( تم استبعاد فريق الصليبيخات الكويتي بطل اسيا بسبب إيقاف اللجنة الاولمبية الكويتية دوليا ) ..
السد القطري مستضيف البطولة ..

جدول المجموعات ::



مواعيد المباريات ::


مباريات الزمالك في البطولة ::
الزمالك × ريال سوسيداد ( اسبانيا ) .. 17 مايو ..

الزمالك × اونوبار ( البرازيل ) .. 19 مايو ..


البطولة مذاعة على قنوات الجزيرة الرياضية ..

-----
طبعاً عشان لو حد مش عايز يقرا الكلام ده كله هقوله الزمالك عنده ريكورد في الدوري حاجه يعجز عن تصديقها العقل !!

عدم الهزيمة 84 ماتش

-----
في الآخر بقا لازم نحط صوره بقا لكتيبة الكوماندوز دول

[Dr/HULK]

ايه ده هو عشان انت زملكاوى يبقى لازم تشجعه فى كل الالعاب؟؟؟؟؟؟؟؟

طب ماانا اهلاوى ومش بشجع غير فريق الكورة لانها اللعبة اللى بحبها

اليد الناس بطلت متابعتها بعد مالمنتخب الاسطورى رابع العالم انتهى

وكل اللى اعرفه فيها هو منتخب مصر مش اهلى ولا زمالك

ولا هو عشان الزمالكاوية يئسوا من فريق الكورة راحوا يشوفوا العاب تانية

هههههههههههههههههههههه بكرة نلاقى جمهور الزمالك بيشجع فريقه فى البينج بونج

بعد مالاهلى احتل القدم والطايرة والاتحاد على السلة والشرطة على اليد

[Chimera]

Dr/HULK

أساساً لو سألت اي واحد قولتله .. قولي اسماء 3 لعيبة ف فريق الهاند بول بتاعكم .. مش هيعرف

او قولتله قانون المشي بالكورة ده بيطبق إزاي .. مش هيعرف برضو

بس كويس .. الزمالك بيأدي ف الألعاب الشهيدة دي .. و ربنا يوفقه ف البلياردو و البينج بونج

لعلمك انا اسمع ان الزمالك عنده بطل عالم ف الكروكيه .. بجد مش هزار

.,,

[wh_kaboo]

بكل روح رياضية يا علاء بقولك مبروك
اخيرا بتتنفسوا الصعداء فى لعبة
مستنى منك مبروك على فرقة القدم وفرق احلام الطايرة بتاعنا اللى اداكم ستة ماتشات فى سنة
ومش هقولك بقا فرق الناشئين والشباب فى القدم فرق السباحة والتنس والبينج و كرة الماء والالعاب الفردية يعنى كله
بكل روح رياضية

بس كفاية عليكم مع التيم ده الاخلاق العالية والرهيبة التى لا تصلح الا لشويه ناس (******)
سورى فى اللفظ

[alnesr1988]

ايه ده هو عشان انت زملكاوى يبقى لازم تشجعه فى كل الالعاب؟؟؟؟؟؟؟؟

طب ماانا اهلاوى ومش بشجع غير فريق الكورة لانها اللعبة اللى بحبها

اليد الناس بطلت متابعتها بعد مالمنتخب الاسطورى رابع العالم انتهى

وكل اللى اعرفه فيها هو منتخب مصر مش اهلى ولا زمالك

ولا هو عشان الزمالكاوية يئسوا من فريق الكورة راحوا يشوفوا العاب تانية

هههههههههههههههههههههه بكرة نلاقى جمهور الزمالك بيشجع فريقه فى البينج بونج

بعد مالاهلى احتل القدم والطايرة والاتحاد على السلة والشرطة على اليد

واضح إنك مش فاهم إسم النادي نادي الزمالك للألعاب الرياضيه ومش معنى إن سيادتك مشجع على قدك مش فاهم يعني أيه الانتماء لكيان وتشجيعه تتريق على الناس اللي فاهمه

Dr/HULK

أساساً لو سألت اي واحد قولتله .. قولي اسماء 3 لعيبة ف فريق الهاند بول بتاعكم .. مش هيعرف

او قولتله قانون المشي بالكورة ده بيطبق إزاي .. مش هيعرف برضو

بس كويس .. الزمالك بيأدي ف الألعاب الشهيدة دي .. و ربنا يوفقه ف البلياردو و البينج بونج

لعلمك انا اسمع ان الزمالك عنده بطل عالم ف الكروكيه .. بجد مش هزار

.,,

ده أكيد مشجع أهلاوي ما ده بيشكل 99 % من شريحة المشجع الاهلاوي أهلاوياً لست أدري لماذا ولا كيف ولكني مع الجماعه وخلاص ,,وطبيعي جداً يقولك شحاته مخادش فلافيو المنتخب ليه وحجات من هذا القبيل ,, مش أحنا الألعاب الشهيده

بكل روح رياضية يا علاء بقولك مبروك
اخيرا بتتنفسوا الصعداء فى لعبة
مستنى منك مبروك على فرقة القدم وفرق احلام الطايرة بتاعنا اللى اداكم ستة ماتشات فى سنة
ومش هقولك بقا فرق الناشئين والشباب فى القدم فرق السباحة والتنس والبينج و كرة الماء والالعاب الفردية يعنى كله
بكل روح رياضية

بس كفاية عليكم مع التيم ده الاخلاق العالية والرهيبة التى لا تصلح الا لشويه ناس (عربجية)
سورى فى اللفظ

ياحبيبي العربجيه دول هما لعيبة فرقتك لما استقبلوا الأسياد هناك ومحدش فكر يهنيهم حتى ببطولة أفريقيا وهما زمايل فندق واحد والفريق الليبي جه ونظم لهم حفله العربجيه دول اللي عشانهم هننزل نلاعبكم بفريق 19 بدل ما حد من الأسياد يتصاب ولا حاجه واحنا ورانا كاس عالم العربجيه دول هما الفرقة اللقيطه اللي محدش عارف لها ملامح ومهما يحاولوا ينفخوا فيها ويصلحوا حالها خربانه خربانه تحكيم شغال حسن بيه بمكالمة تليفون رفع الإيقاف عن الاربعه في بطولة أفريقيا كل ده ومحدش قادر يجاري ويواجه الأسياد بجد فرق سنين ضوئيه في المستوى العربجيه دول هما اللي أي لاعب فيهم في أمل إنه يبقا لاعب هاند حلم حياته تاني يوم يمضي للزمالك لإن هما فعلاً عارفين مين *******

بلاش الإسلوب ده ياريت

[Dr/HULK]

واضح إنك مش فاهم إسم النادي نادي الزمالك للألعاب الرياضيه ومش معنى إن سيادتك مشجع على قدك مش فاهم يعني أيه الانتماء لكيان وتشجيعه تتريق على الناس اللي فاهمه

هههههههههههههه بلاش الصعبانيات بتاعتكم دى

انا بشجع الكورة عشان بحبها والاهلى احسن فريق لعب كورة عشان كده شجعته

انا مش بعبد النادى الاهلى مثلا عشان ابقى معاه فى كل حاجة وفى كل الالعاب

انا بشجع كرة القدم عشان بتمتعنى الهاند بول منتخب مصر 2001 كان لعبه رائع وكان بيلعب جمل تكتيكية روعة

لكن دلوقتى كرة اليد فى مصر تعبانة بكل المقاييس واللى يتفرج عليها تعبان زيها

اما انتم بقى غلابة بتجيبوا اى حاجة لاقيين نفسكم فيها وتتكلموا عنها

هو انت اساسا بتشوف الهاند بول فى اى قناة عشان تشجعها

ده هو ماتش الاهلى والزمالك بس اللى بيتذاع فى الموسم كله

معلش انا عارف انها وسيلة خروجكم من الاكتئاب بس روح كلم اى حد فى مصر عن الهاند بول هيضحك عليك

هههههههههههههههههه وانا كمان هضحك معاه

[alnesr1988]

انا بشجع كرة القدم عشان بتمتعنى الهاند بول منتخب مصر 2001 كان لعبه رائع وكان بيلعب جمل تكتيكية روعة

لكن دلوقتى كرة اليد فى مصر تعبانة بكل المقاييس واللى يتفرج عليها تعبان زيها

اما انتم بقى غلابة بتجيبوا اى حاجة لاقيين نفسكم فيها وتتكلموا عنها

هو انت اساسا بتشوف الهاند بول فى اى قناة عشان تشجعها

ده هو ماتش الاهلى والزمالك بس اللى بيتذاع فى الموسم كله

معلش انا عارف انها وسيلة خروجكم من الاكتئاب بس روح كلم اى حد فى مصر عن الهاند بول هيضحك عليك

هههههههههههههههههه وانا كمان هضحك معاه

أولاً حضرتك مش قاعد معايا ع الريموت عشان تعرف أنا بتفرج على أيه

ثانياً : كلنا عشقنا للهاند بدأ فعلاً مع منتخب مصر لكن بعد كده بقت اللعبه التانيه فعلاً بالنسبه ليا في الاهتمام انا ممكن اقلب اشوف ع الجزيره ماتش هاند معرفش بين مين ومين واتفرجت على كاس العالم اللي فات كله بغض النظر خاااالص عن منتخب مصر لا كمشجع للعبه

ثالثاًَ : وهتشوف الهاند إزاي في أي قناه ياعزيزي هو الأهلي عنده فريق هاند ؟؟؟ لو الاهلي له فيها كانت صبح وليل هتلاقيها شغاله بس معلش معلش احنا مقدرين الظروف وعلى فكره مش ماتش الأهلي والزمالك بس اللي بيتزاع الهاند تاني لعبه في الأولويه من حيث الإذاعه ع القنوات المصريه وابقى اتعب نفسك بس واقلب ع النايل اسبورت ولا انته مبتشوفش غير (( صادق ))

كورة اليد فعلاً تعبانه أحمد الأحمر ده مش لعيب من كوكب تاني نجم من نجوم الصف الأول في العالم ده غير هنداوي أحسن جون ,,, ولا بلاش متقلبش المواجع

رابعاً : طب اضحك بس بشويش بقا

[Chimera]

ده أكيد مشجع أهلاوي ما ده بيشكل 99 % من شريحة المشجع الاهلاوي أهلاوياً لست أدري لماذا ولا كيف ولكني مع الجماعه وخلاص ,,وطبيعي جداً يقولك شحاته مخادش فلافيو المنتخب ليه وحجات من هذا القبيل ,, مش أحنا الألعاب الشهيده

برضو الكلمتين إللي حافطينهم و بتقولوهم ف كل رد ..
هههههههههههههههههههه

الله يرحم المشجع الزمالكاوي إللي ف المقصورة .. سأله المذيع بين الشوطين تتوقع النتيجة كام ؟؟!! .. قال 3 / صفر للزمالك إن شاء الله

و الشوط الأول اصلاً كان خلصان 1/1 ..!!!

ع العموم يا عم انا سألت سؤالين .. نتقابل ف الكلية و ننقي 10 زمالكاوية عشوائي م الكلية
لو 1 بس من ال 10 جاوب على السؤالين صح .. هنشر إعتزار رسمي ليك هنا ف المنتدى

و مبروك بطولة افريقيا ف الكروكيه .. و عقبال البنج بونج و كرة الريشة

.,,

[wh_kaboo]

دا انتوا على كده ما لكمش فى اى حاجة الا الهاند بقا
بدال المقاييس بتاعك كده
ولا المقاييس دى على الهاند بس وباقى الالعاب لأ ؟؟؟؟؟

برضو يظل الاهلى اكبر حامل لالقاب الدورى فى الهاند لما تبقوا تتاسوا مع الاسياد ابقوا اتكلموا

فعلا عندك حق ان الهاند نمبر تو بس تعرف نمبر تو ليه ؟؟؟؟ ولا كالعادة لا اجابة على اى سوال مش على المزاج

نمبر تو علشان فريق الاحلامبتاع 2001 لما كان الاهلى فريق احلام برضو اما دلوقتى ...!!!!!!!!

سوال واكيد ما لوش اجابة عندكم ؟؟
اذكر فترة كان فيها الاهلى وحش والمنتخب كان حلو ؟؟؟؟؟اتحداك فى اى لعبة ؟؟؟؟؟
ده باختصار لان لعيبة الاهلى فى اى لعبة هيا المنتخب
واتحدااااااااااااااااااااااااااااااااااااااااااك

[Dr/HULK]

سوال واكيد ما لوش اجابة عندكم ؟؟
اذكر فترة كان فيها الاهلى وحش والمنتخب كان حلو ؟؟؟؟؟اتحداك فى اى لعبة ؟؟؟؟؟
ده باختصار لان لعيبة الاهلى فى اى لعبة هيا المنتخب
واتحدااااااااااااااااااااااااااااااااااااااااااك

يادكتور بلاش تقتل فرحتهم بالكوباية الافريقية اللى حصلوا عليها

من امتى لاعيبة الزمالك شرفتنا مع منتخب مصر؟؟؟؟؟؟؟؟

منتخب 2004 كان فيه 8 لاعيبة من الزمالك

وخسرنا من الجزائر اللى كان فريق درجة رابعة 2/1 وحتى اللى جاب الجون بلال لاعب الاهلى

كرة اليد اللى هما فرحانين بيها واحمد الاحمر بتاعهم فى فريق اغلبيته من الزمالك خدنا المركز ال18 فى كاس العالم الاخير

منتخب 2001 على فكرة كان معظمه من الاهلى بس كان ميزته ان الدورى كان بيدار بطريقة اشبه بدورى السلة الامريكى

وهى ان كل فريق مشارك فى الدورى يضم على الاقل 2 لاعيبه دوليين فكانت الفرق كلها ند لبعض لكن بعد كده لما طبقوا نظام الاحتراف كله راح الاهلى والزمالك وبعد كده النجوم انتخت وانتهت اللعبة فى مصر

اما بالنسبة لاذاعة الماتشات بتاعت كرة اليد من عدمها وانك بتقول ان سببها الاهلى

فدى بالظبط كوفى كودجا بتاعت الزمالكاوية معندكوش غير كلمة الاعلام الاحمر

مش فاهم ماهو الاعلام لازم يكون احمر البطل دايما لازم يكون ليه معجبين ومحبين من امتى سمعنا عن متشرد(الزمالك) فيه حد بيعبره