تعالو نشوف ... قالوا عن الستات إيه !!!!!

[M.Hegazy]

السلام عليكم و رحمة الله و بركاته ..

تحية طيبة و بعد ،،،

يا جماعة تعالو نشوف بيقولو إيه عن الستات .. جمعنا حكماء العالم و سألناهم .. كتاب و أطباء و مهندسين و عمال و كل حد ممكن نسأله و سألناه و وصلنا للنتائج التالية :

1- الست زى عربية الإسعاف .. لما تفتح السارينة لازم توسّع لها

2- الست زى التليفزيون .. من النادر إنه يعرض الحاجة المناسبة في الوقت المناسب

3- الست زى الحكومة .. دايما محتاج معجزة علشان تعرف تغيّرها

4- الست زى الطريق الصحراوي .. الغلطة عليه بحادثة

5- الست زى نادي الزمالك .. جمالها في ضعفها

6- الست زى الشتيمة ... بتلف تلف و ترجع لصاحبها

7- الست زى الكتاب الحلو .. أول ما تخلصه تبقى عايز ترجع تقراه من الأول تانى

8- الست زى العيد الكبير .. الاتنين ماينفعوش من غير وقفه

9- الست زى المسمار .. الأتنين مايجوش غير بالدق

10- الفرق بين الست زمان والست دلوقتى .. هو نفس الفرق بين الجنيه زمان والجنيه دلوقتى

11- الست زى كتب الفلسفة .. كل ما تيجى تدوّر على إجابة تتورط في أسئلة جديدة

12- الست زى جهاز الكمبيوتر .. ماحدش يعرف هيا بتشتغل ازاى غير اللى عملها

13- الست زى شاحن الموبايل .. معظم الوقت ملوش لازمة، بس فى لحظة بيبقى كل حاجة

14- وأخيرا سألوا كاتب متخصص عن المرأة .. ماذا تريد أن تقول عن المرأة

قال
#
#
#
#
#
ربنا على المفترى

طبعا هتضرب على الكلام ده .. بس و الله ما عجبني غير رقم 7 في الكلام ده كله عشان ده مش كلامي ..
و الموضوع خاطرت بحياتي و كتبته من باب الضحك و الفرفشة مش أكتر .. و مضمونه لا يعبر بالضرورة عن رأيي الشخصي .. ( عايزيني أروح البيت مضروب )
تقبلو تحياتي .. و إوعى حد يزعل ..

[loves]

[M.Hegazy]

و أدي البداية ... ربنا يستر ..

[Jailan]

5- الست زى نادي الزمالك .. جمالها في ضعفها
ههههههههههه حلوه دى بس انا اهلاويه
11- الست زى كتب الفلسفة .. كل ما تيجى تدوّر على إجابة تتورط في أسئلة جديدة
فكرتنى باولى ثانوى عمرى ما فهمت الماده دى بتتكلم عن ايه

طبعا هتضرب على الكلام ده .. بس و الله ما عجبني غير رقم 7 في الكلام ده كله عشان ده مش كلامي ..
و الموضوع خاطرت بحياتي و كتبته من باب الضحك و الفرفشة مش أكتر .. و مضمونه لا يعبر بالضرورة عن رأيي الشخصي ..
اذا كان كده خلاص
نايس توبيك

[M.Hegazy]

Thanks Ya doc

[LOVELY BIRD]

ايه سر الهجوم المفاجئ اللي حصل ده يا دكاتره؟

طبعا هتضرب على الكلام ده .. بس و الله ما عجبني غير رقم 7 في الكلام ده كله عشان ده مش كلامي ..

اهي الجمله دي ممكن تخفف اللي كان هيتعمل شويه

[dr_sho0osho0o]

11- الست زى كتب الفلسفة .. كل ما تيجى تدوّر على إجابة تتورط في أسئلة جديدة

توبيك لذيذ جدا
وفي حاجات كتير واقعية
بس دي اكتر جملة فيهم مناسبة لوصف المرأة

ميرسي يادوك وشكلي هنضرب معاك ربنا يستر

[N00R EL _SHAMS]

احم ...احم .........
انا مش هلعق خااااااالص ........
وتحمد ربنا طبعا انى مش هعلق

[M.Hegazy]

ايه سر الهجوم المفاجئ اللي حصل ده يا دكاتره؟





اهي الجمله دي ممكن تخفف اللي كان هيتعمل شويه

لا مفيش هجوم و لا حاجة .. هو إحنا نقدر نعيش من غيركم يعني .. ينفع ؟؟ بس متنسوش إننا بقينا عملة صعبة اليومين دول .. واحدة قصاد واحدة .. و إحنا الخير و البركة برضه .. و لا إيه يا رجالة ؟؟

توبيك لذيذ جدا
وفي حاجات كتير واقعية
بس دي اكتر جملة فيهم مناسبة لوصف المرأة

ميرسي يادوك وشكلي هنضرب معاك ربنا يستر

في الهوا سوا يعني .. طيب .. الله يستر علينا .. هياكلونا دلوقتي .. بس أكيد هما عارفين إننا بنهزر ..

احم ...احم .........
انا مش هلعق خااااااالص ........
وتحمد ربنا طبعا انى مش هعلق

الله أكبر .. إيه ؟؟؟ فيه إيه ؟؟؟ استر يا رب

[~Am@ny~]

و الموضوع خاطرت بحياتي و كتبته

ليه تعمل ف نفسك كده بس؟؟

انت زى بالظبط الى قام بعمليه انتحاريه اساسا

عموما هنسامحك بس عشان خاطر اصح واجمل جمله وهى رقم 7

نايس توبيك