الممتلكات الشخصيه والشك؟؟؟؟؟

[summer breeze]

السلام عليكم ورحمه الله وبركاته

بدايه تهنئه من القلب لكل الناجحين من اعدادي وتالته وعقبال مانهني اولى وتانيه ورابعه

شوف يا بني اختك دي تمسك موبايلها على طول وتلعب فيه علشان تبقى دايما عارفه انك في اي وقت ممكن تفتحه

الجمله دي كانت نصيحه صديق لصديقه علشان ميسبش اخته ويعمل عليها رقابه من خلال تفتيش موبايلها
دلوقتي بقى السؤال للاولاد وللبنات هل ممكن تقبل فكره تفتيش ادواتك الشخصيه كنوع من الاطمئنان انك كويس /ه ومش بتعمل _ي حاجه غلط ؟؟؟؟؟
وكمان خلينا نتصور مثلا كده انك او انتي كنت رايح تمسك موبايل اخوك او اختك قام مزعقلك وقايلك لا دي مش مسموحلك تمسك موبايلي هتعمل ايه هتشك فيه ولا عادي هتقول حاجاته الشخصيه وعلى فكره الموضوع دايرته اكبر من كدا يعني ممكن الدرج بتاعك في البيت مذكراتك حتى ممكن تلاقي الحكايه دي بين المتزوجين تلاقي الزوج او الزوجه يمسك موبايل الطرف التاني ومين كلمك النهارده ومين الرقم دا والرساله دي من مين ؟ايه رايكم في الحكايه دي ؟انت معاها ولا ضدها
والسلام خير ختام فحتى الملتقى اترككم في رعايه الله وحفظه

[قناع الذهب]

اولا بشكرك يا سمورة وعود حميييد و10 الاف مبروك يا قمر
ثانيا بالنسبه للحكاية دى انا اكتر حاجة بتحرق دمى وبتعصبنى ان حد يمسك حاجة من حاجاتى ويقلب فيها مع انك عارفة ان انا مش سهل اتعصب بس مابحبش حد يمسك حاجاتى لان مش من حق حد يمسك موبايلى ولا حاجاتى وخصوصا اخويا حبيبى اللى بيعذبنى علطول هههههههههههههه
عشان كدة علطول عاملة كلمة مرور على الموبايل لانة مرة مسكة مسح كل حاجة من علية من ساعتها حرررررررمت اسيبة مفتوح
وعموما بشكرك على موضوعك الجميل دا وانا شايفة ان لكل انسان خصوصياتة اللى مش من حق حد يشاركة فيها ولولولولولىىىىىى

[summer breeze]

[summer breeze]

مش عارفه الورده دي كنت هحطها في توبيك تاني خالص مش عارفه ايه جابها هنا بس يلا مش مشكله اكيد هتحلي التوبيك بريحتها وكمان فرصه كل اللي يعدي يسبح تسبيحه

اولا بشكرك يا سمورة وعود حميييد و10 الاف مبروك يا قمر
ثانيا بالنسبه للحكاية دى انا اكتر حاجة بتحرق دمى وبتعصبنى ان حد يمسك حاجة من حاجاتى ويقلب فيها مع انك عارفة ان انا مش سهل اتعصب بس مابحبش حد يمسك حاجاتى لان مش من حق حد يمسك موبايلى ولا حاجاتى وخصوصا اخويا حبيبى اللى بيعذبنى علطول هههههههههههههه
عشان كدة علطول عاملة كلمة مرور على الموبايل لانة مرة مسكة مسح كل حاجة من علية من ساعتها حرررررررمت اسيبة مفتوح
وعموما بشكرك على موضوعك الجميل دا وانا شايفة ان لكل انسان خصوصياتة اللى مش من حق حد يشاركة فيها ولولولولولىىىىىى

ههههههههههه 10 مبروك وزغروته حته واحده خلاص خلاص هعفو عنك وهرحمك من الغرامه
نورتيني ياسمسمه بمرورك وبردك بس انتي عصبتي وحرمتي علشان اخوكي مسحلك اللي على الموبايل يعني دا كان بيلغب ومش عارف لكن هنا بسال لو كان اصلا داخل يفتش في حاجاتك هيبقى ايه الموقف

[Dr nour]

موضوع جميل كالعاده سمر وطبعا لازم يبقى جميل مش انتى اللى كتباه

هل ممكن تقبل فكره تفتيش ادواتك الشخصيه كنوع من الاطمئنان انك كويس /ه ومش بتعمل _ي حاجه غلط ؟؟؟؟؟

انتى بتقولى تفتيش ومعنى كدا ان فى سوء نيه ودا شئ مقبلوش والحمد الله عمرها ماحصلت معايا
لازم يكون فى ثقه بينا وبين أولادنا والآخرين وانا مش بقول انها تكون ثقه كامله بس على الأقل لا تشعر ابنك أو بنتك انها موضع شك لأن الشعور دا بيضيع الاولاد وبيعدم الحوار وممكن يكون سبب الضياع
أنا لو وصلت لمرحله انى افتش ادوات اولادى يبقى انا مش متأكد من تربيتى ليهم ويبقى اكيد انا عملت شئ غلط فى التربيه دى وعمر التفتيش ماهيأكدلى ان ابنى ماشى صح ولا غلط لأنه أكيد هيعرف انى مش بثق فيه وساعتها لو بيعمل حاجه غلط هيخفيها بسهوله ويخليها صعبه الوصول
بدل ماتفتش الأولى انك تعزز الصله بينك وبين أولادك ساعتها هيجى يحكيلك على كل شئ
علم أولادك يعنى ايه ثقه ويعنى ايه حريه وبعدين سيبهم بس بعد ماتعلمهم وساعتها عمرهم ماهيغلطوا ولو غلطوا هتلاقيهم هما اللى بيعترفوا بغلطهم
والدى ربانى كدا ولما يحب يعرف انا بعمل صح ولا غلط بيسألنى وانا بقله بكل صراحه

وكمان خلينا نتصور مثلا كده انك او انتي كنت رايح تمسك موبايل اخوك او اختك قام مزعقلك وقايلك لا دي مش مسموحلك تمسك موبايلي هتعمل ايه هتشك فيه ولا عادي هتقول حاجاته الشخصيه

أولا فى شئ انا اتربيت عليه انى مينفعش أخذ حاجه أو امسك حاجه مش بتاعتى الا لما استأذن
يعنى قبل ماأخذ حاجه بتاعه أخواتى لو سمحت ممكن أشوف كذا لو وافق يبقى كويس موافقش يبقى مفيش مشكله وعمرى طبعا ماهشك فيه لأن المفروض انى أكون عرفاه كويس جدا ودى ممتلكاته الشخصيه ومش من حقى أو من حق أى حد أنه يطلع عليها الا باذنه وهو ليه مطلق الحريه فى انه يوافق أو يرفض
لأن فى حاجات بنعملها مش بنحب حد يطلع عليها بنحب تكون لينا وبس ومش معنى كدا اننا بنعمل حاجه غلط طبعالأنى لو عاوزه اعمل حاجه غلط هعمل احتياطاتى مش هسيب الحاجه سهل الوصول اليها
يعنى مثلا انا مش بحب اتكلم فى التليفون وحد معايا فى القوضه وانا بتكلم حتى لو ساره اللى عندها شهور دى طبيعتى هل معنى كدا انى بتكلم وبعمل حاجات غلط علشان كدا مش عاوزه حد يسمعنى لأ

ممكن تلاقي الحكايه دي بين المتزوجين تلاقي الزوج او الزوجه يمسك موبايل الطرف التاني ومين كلمك النهارده ومين الرقم دا والرساله دي من مين ؟ايه رايكم في الحكايه دي ؟انت معاها ولا ضدها

للأسف دا شئ بيحدث ودا شئ مرفوض تماما وبيفكك الأسره فى أغلب الاحيان ان لم أقل فى جميع الاحوال وان يدل على شئ فانما يدل على عدم ثقه الزوجه فى نفسها اولا وكذلك فى الزوج والعكس صحيح بالنسبه للزوج ولكى ان تتصورى الحياه فى ظل انعدام الثقه
وللمره التانيه بشكرك سمر على الموضوع الرائع دا

[drsherbiny]

فكره تفتيش ادواتك الشخصيه كنوع من الاطمئنان انك كويس /ه ومش بتعمل _ي حاجه غلط ؟؟؟؟؟

لا طبعا لا اقبلها تماما علي نفسي كولد ولا اقبل اني امارسها علي اختي الصغيرة ابدا

مابين الازواج برضو لازم يكون هناك ثقة



شكرا علي موضوعك الجميل

[summer breeze]

موضوع جميل كالعاده سمر وطبعا لازم يبقى جميل مش انتى اللى كتباه

ربنا يخليكي يا نور دا بس من ذوقك

انتى بتقولى تفتيش ومعنى كدا ان فى سوء نيه

في معظم الاحيان اه بيكون سوء نيه غير مؤكد والله بقى لو انفعلتي ورفضتي يتقلب ليقين شبه مؤكد ان الموضوع فيه حاجه غلط لانه في ناس يعني مبتعرفش بحكايه اغراضك الشخصيه دي واول ماتقولي لا يولك طب لا ليه ماانتي مبتعمليش حاجه غلط هتفرق معاكي ايه بقى اني اشوف او ما اشوفش
وعلشان بس نكون منصفين في بعض الاهالي بيعملوا كده كنوع من الرقابه على الاولاد وبيشوف ان دا حقه لا مش حقه بس دا واجب عليه كمان من باب المحافظه على ابنه او بنته

طبعالأنى لو عاوزه اعمل حاجه غلط هعمل احتياطاتى مش هسيب الحاجه سهل الوصول اليها

ماهو من هنا بقى بتيجي فكره التفتيش ماهو بيستغل عنصر المفاجئه ممكن مثلا اول ماتردي على التلفون ها مين دي اول ماالرساله تيجي وريني الرساله على طول او مثلا الدرج يتفتش وانتي مش في البيت يعني مبتبقيش واخده خوانه

ميرسي يانور على مرورك العطر نورتي الموضوع ودمتي في رعايه الله وحفظه

[summer breeze]

لا طبعا لا اقبلها تماما علي نفسي كولد ولا اقبل اني امارسها علي اختي الصغيرة ابدا

مابين الازواج برضو لازم يكون هناك ثقة



شكرا علي موضوعك الجميل

مشكوووووووووووور على ردك ومشاركتك في الموضوع يادكتور وكويس اهو ان في اولاد مش موافقين على كده

[SmSm]

موضوع جميييييييييل
أنا عن نفسي بكره أوي الموضوع ده سواء ف الموبايل أو غيره لأني بغير جدا على ممتلكاتي الشخصية
وبالرغم من كده ..مس ده اللي انا عايشاه دايما في رقابة مستمرة وخصوصا من أخويا

[same7]

اعتقد ان اخوياولا اختى ينفع انهم يفتشوا فى حاجتى ودة مبيحصلش خالص
لكن لو باباك او مامتك هموا اللى فتشوا يبقى اكيد عشان حسوا انك بعيد عنهم او دخلت مرحله هما خايفين عليك فيها وعشان كدة بيعرفوا عنك الحاجات اللى انت بتداريها عنهم باى طريقه
لكن لو الواحد صاحبهم وبقى يتكلم معاهم ويحكيلهم كل حاجه اعتقد انهم عمرهم ما هيعملوا كدة ابدا
والحمد لله مصاحبهم وبقولهم على اى حاجه ومبسوط وعمرها ما حصلت وحد فتش فى حاجتى
ممكن ناس تقول يعنى ابقى ابن بابا وماما واقولهم على كلحاجه؟
اعتقد انهم مش هيضلوك ولا هيخلوك تعمل حاجه انت مش حاببها الا لما يرضوك يعنى هتبقى موافق
فبجد لازم كل واحد يصاحب باباه ومامته صدقونى فى ناس مفتقدة الحكايه دى ومش مبسوطه وبتزهق من البيت لانها بتحس انها عايشه فى سجن كل حاجه لازم يبقى عليها رقابه
واعتقد ان دة بيخلى الواحد يمشى فى طريق الغلط

معلش طولت عليكوا

وشكرا على الموضوع الجميل دة