صفحة 1 من 4 123 ... الأخيرةالأخيرة
النتائج 1 إلى 10 من 38

الموضوع: ماذا تفعل ...كصيدلى....لو تعرضت لهذه المواقف؟

  1. #1

    Thumbs up ماذا تفعل ...كصيدلى....لو تعرضت لهذه المواقف؟

    بسم الله الرحمن الرحيم
    اعزائى صيادلة المستقبل الكرام
    سلام الله عليكم ورحمته وبركاته
    ماذا تفعل لو تعرضت لهذه المواقف عند تواجدك بالصيدليه التى تتسم بالامانه الشديده لانها تخص ارواح البشر وما يقتضيه واجبك المهنى والوظيفى فى هذا المكان ؟
    *لو دخل عليك شخص لايملك ثمن الدواء ويحتاج اليه؟
    *لو دخلت ام تحمل طفلها مريض وطلبت منك العلاج وطلبت انت منها ان تعرضه على طبيب وطلبت منك نقودا لهذا الغرض ؟
    *لو دخل عليك شاب فى ريعان شبابه يدمن اى نوع من انواع الدواء وطلبه منك ماذا تفعل معه؟
    *لديك الكثير من انواع الدواء الغالى منه والرخيص وكلاهما يؤدى نفس الغرض هل ستقحم المريض بالعلاج الغالى حتى تتخلص منه ام ستراعى ظروف الناس حسب نظرتك ليهم؟
    *لو حضرت اليك امراه تحمل سفاحا وطلبت منك دواء لاسقاط جنينها هل تعطيها طيب ليه؟
    خطرت ببالى هذه الاسئله فهل لها من جواب لديكم؟واكيد كل الحاجات دى بتحصل بس طبعا الحمد لله اهم مافى الموضوع اننا نتحلى بالدين والاخلاق شكرا لكم يارب الموضوع يعجبكم
    اللهم انى اسالك علما نافعا
    ورزقا طيبا وعملا متقبلا.

  2. #2
    Pharma Student
    تاريخ التسجيل
    Mar 2008
    الدولة
    f sa7et el kolia
    المشاركات
    784

    افتراضي

    اللى انا عارفاه ان المهنه فى الاساس
    مهمه انسانيه مش اكتر من كده
    لكن الربح ده حاجه فرعيه اكيد كلنا بنسعى ورائه
    بس بعد تادية المهمه الاساسيه
    شكرا على طرح الموضوع

  3. #3

    افتراضي

    اقتباس المشاركة الأصلية كتبت بواسطة SHYMAA مشاهدة المشاركة
    اللى انا عارفاه ان المهنه فى الاساس
    اقتباس المشاركة الأصلية كتبت بواسطة SHYMAA مشاهدة المشاركة
    مهمه انسانيه مش اكتر من كده
    لكن الربح ده حاجه فرعيه اكيد كلنا بنسعى ورائه
    بس بعد تادية المهمه الاساسيه
    شكرا على طرح الموضوع
    اشكرك جدا بس بجد كان نفسى اعرف ردك على المواقف دى والف شكر
    اللهم انى اسالك علما نافعا
    ورزقا طيبا وعملا متقبلا.

  4. #4
    Pharma Student
    تاريخ التسجيل
    Jan 2009
    المشاركات
    426

    افتراضي

    مش عارفة ردي ايه بصراحة
    انا بكيت وانا بقرأ الاحتمالات دي
    لمجرد اني فكرت اني ممكن اتعرض ليها

    بس اتمني اني اصرف باحترافية في الشغل
    و لو اقدر اساعد أكيد مش هتأخر

    وشكرا ليكي علي طرح الفكرة دي
    خلتني افكر بجدية أكتر

  5. #5
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Cool

    اقتباس المشاركة الأصلية كتبت بواسطة موظفه طموحه مشاهدة المشاركة

    *لو دخل عليك شخص لايملك ثمن الدواء ويحتاج اليه؟
    هديله الدواء وادفع حقه من معايا
    اكنى زكيت بره مع ان دى احسن
    *لو دخلت ام تحمل طفلها مريض وطلبت منك العلاج وطلبت انت منها ان تعرضه على طبيب وطلبت منك نقودا لهذا الغرض ؟
    هديلها الفلوس وانا قلقان
    لان ممكن متكونش عايزه الفلوس للكشف
    ويكون مقلب

    *لو دخل عليك شاب فى ريعان شبابه يدمن اى نوع من انواع الدواء وطلبه منك ماذا تفعل معه؟
    اكيد هرفض
    *لديك الكثير من انواع الدواء الغالى منه والرخيص وكلاهما يؤدى نفس الغرض هل ستقحم المريض بالعلاج الغالى حتى تتخلص منه ام ستراعى ظروف الناس حسب نظرتك ليهم؟
    اعتقد ان ده على حسب المكان وعلى حسب اللى قدامى
    يعنى لو شاب فرفور او من النوع ده يبقى الغالى احسنه لانه هيطلبه
    لكن لو عادى طبيعى انى اديله الرخيص ولو ينفع اخصمله من غير ما اضر نفسى هخصم

    *لو حضرت اليك امراه تحمل سفاحا وطلبت منك دواء لاسقاط جنينها هل تعطيها طيب ليه؟
    اكيد لالالالالالالالالالالا
    خطرت ببالى هذه الاسئله فهل لها من جواب لديكم؟

    بجد اسئله حلوه وفعلا موجوده

    شكرا يا دكتوره
    بجد رائع
    ربنا يقدرنا على فعل الخير

  6. #6

    افتراضي

    *لو دخل عليك شخص لايملك ثمن الدواء ويحتاج اليه؟
    - بكلم صاحب الصيدلية .. لو ينفع الدوا يطلع مجاني .. لو مينفعش او الدوا غالي .. للاسف مقدرش اساعده او ممكن اساعده بالبديل الرخيص


    لو دخلت ام تحمل طفلها مريض وطلبت منك العلاج وطلبت انت منها ان تعرضه على طبيب وطلبت منك نقودا لهذا الغرض ؟
    _ هبعتها لدكتور المستشفى الملحق بالمسجد المجاني .. هو بيتصرف


    *لو دخل عليك شاب فى ريعان شبابه يدمن اى نوع من انواع الدواء وطلبه منك ماذا تفعل معه؟
    - المدمن مش بيخش يقولك انا مدمن هاتي كذا ..!!! .. انتي اساسا مش بتعرفي ..بيدخل واحد عادي بروشتة عادية و يطلب دوا عادي ..!! و ادوية المخدرات معظمها مدرجة ف الجداول و بتتصرف بالروشتات الرسمية .. غير كده للاسف بضطر اديله الدوا


    لديك الكثير من انواع الدواء الغالى منه والرخيص وكلاهما يؤدى نفس الغرض هل ستقحم المريض بالعلاج الغالى حتى تتخلص منه ام ستراعى ظروف الناس حسب نظرتك ليهم؟
    - بعرض عليه الأتنين .. و هو إللي بيختار .. او حسب المكتوب ف النشرة .. و ناس كتير لعلمك بتختار الغالي بالرغم من انهم بيؤدوا نفس الغرض تقريباً


    *لو حضرت اليك امراه تحمل سفاحا وطلبت منك دواء لاسقاط جنينها هل تعطيها طيب ليه؟
    -هديها الدوا .. لأن ببساطة أدوية الإجهاض مش ممنوعة .. بس بعرفها ان لازم تبقى قريبة م مستشفى او عيادة عشان تروح لها مع اول بدأ للنزيف


    شكراً لحضرتك ع الموضوع و اي حد هيقف ف الصيدلية شهر هيقابل كل الحالات دي
    .,,
    التعديل الأخير تم بواسطة Chimera ; 15-05-2009 الساعة 06:51 AM

  7. #7
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    السلام عليكم و رحمة الله وبركاته

    *لو دخل عليك شخص لايملك ثمن الدواء ويحتاج اليه؟
    بالتأكيــــد سأعطيه الدواء إن كان باستطاعتي ذلك..الافضل ان بخصص جزء من ارباح كل صيدلية لمثل هذه المواقف
    *لو دخلت ام تحمل طفلها مريض وطلبت منك العلاج وطلبت انت منها ان تعرضه على طبيب وطلبت منك نقودا لهذا الغرض ؟

    الحل الاول ان ارسلها لاحد اصدقائي الاطباء و الحل الثاني ان اعطيها المال ولكن ان تيقنت ان الطفل مريض فعلا
    *لو دخل عليك شاب فى ريعان شبابه يدمن اى نوع من انواع الدواء وطلبه منك ماذا تفعل معه؟
    اكيد هخاف منه ... يعتمد علي الموقف بس ممكن اديله دواء ملطف او مهدئ للحكة و الاعراض الناتجة عن ادمان معظم الادوية و اكتب علي العلبة تليفوناتحملة حماية بتاعة عمرو خالد ( معالجة الادمان)
    اما اذا الشخص كان غير طبيعي مش هتكلم معاه اصلا .. استدعي اي رجل يمكنني الاعتماد عليه ليتصرف..

    *لديك الكثير من انواع الدواء الغالى منه والرخيص وكلاهما يؤدى نفس الغرض هل ستقحم المريض بالعلاج الغالى حتى تتخلص منه ام ستراعى ظروف الناس حسب نظرتك ليهم؟
    سأخبره بالدوائين و فوائد و اضرار كل منهما بامانة و اختصار شديدين و له ان يختار..مع العلم ان معظم الدكاترة حاليا يختارون الدواء للمريض و يرفضون البدائل
    *لو حضرت اليك امراه تحمل سفاحا وطلبت منك دواء
    بالطبع لا .. ببساطة لأن "من قتل نفسا بغير نفس او فساد في الأرض فكأنما قتل الناس جميعا ومن أحياها فكأنما أحيا الناس جميعا "
    لكي مني اجمل تحية أ\ مني
    سلامي لبناتك الحلوين ..... في أمان الله

  8. #8

    افتراضي


    اشكركم جميعا على مروركم
    وحقيقى دى حاجات بتحصل كل يوم وفيه ناس مش بتعرف تتصرف عشان كده طرحت الموضوع عشان حتى اللى مش عارف اذاى يتصرف يستفيد من المداخلات اشكركم جميعا
    اللهم انى اسالك علما نافعا
    ورزقا طيبا وعملا متقبلا.

  9. #9
    Pharma Student
    تاريخ التسجيل
    Feb 2008
    الدولة
    متشغلش بالك
    المشاركات
    1,644

    افتراضي

    اولا شكرا يامدام منى على الموضوعات الجميله اللى حضرتك بتشاركينا بيها
    بالنسبه بقى للموضوع
    لو دخل عليك شخص لايملك ثمن الدواء ويحتاج اليه
    لوانا صاحب الصيدليه اكيد هديله الدواء من غير فلوس لو مش معاه فعلا كفايه بس دعوه منه بكل الفلوس اللى فى الدنيا
    اما لو انا مش صاحب الصيدليه هخليه يكلم صاحبها لان من حكم فى ماله فما ظلم.
    لو دخلت ام تحمل طفلها مريض وطلبت منك العلاج وطلبت انت منها ان تعرضه على طبيب وطلبت منك نقودا لهذا الغرض
    بصراحه دى محرجه اوى ومش عارف ممكن اعمل ايه

    لو دخل عليك شاب فى ريعان شبابه يدمن اى نوع من انواع الدواء وطلبه منك ماذا تفعل معه
    والله لو انا اعرفه شخصيا انا ممكن اقول لاهله الاول
    ولو مش اعرفه هنصحه لوجه الله
    ولو مقبلش النصيحه بقى هديله اللى هو عاوزه واعمله خصم واظبطه علشان يبقى زبون عندى(هههههههه)

    لديك الكثير من انواع الدواء الغالى منه والرخيص وكلاهما يؤدى نفس الغرض هل ستقحم المريض بالعلاج الغالى حتى تتخلص منه ام ستراعى ظروف الناس حسب نظرتك ليهم
    حسب المريض لو لقيته عمال يتفزلك عليا وعاملى فيها ابو العريف هديله الغالى
    انما لو واحد مثلا على قد حاله هديله الرخيص طبعا
    لو حضرت اليك امراه تحمل سفاحا وطلبت منك دواء لاسقاط جنينها هل تعطيها طيب ليه
    انا كنت اتفرجت على برنامج على قناه كانو بيتكلموا عن الموضوع ده واللى عرفت منهم تقريبا ان لحد 3 شهور بيبقى اجهاض الجنين مش حرام
    انا هعرفها وهيا حره تعمل اللى هيا عاوزاه
    thanxxxx

  10. #10

    افتراضي


    جزاك الله كل خير ويارب تكون موضوعاتى مفيده وشكرا لحضرتك على المرور
    اللهم انى اسالك علما نافعا
    ورزقا طيبا وعملا متقبلا.

صفحة 1 من 4 123 ... الأخيرةالأخيرة

المواضيع المتشابهه

  1. ماذا تفعل لو كنت مكاني؟؟؟؟
    بواسطة ahmed helmy في المنتدى المنتدي الترفيهي
    مشاركات: 14
    آخر مشاركة: 29-10-2010, 06:49 PM
  2. ماذا تفعل إذا أُعجبت بك فتاة ؟
    بواسطة zidane في المنتدى المنتدى الاسلامى
    مشاركات: 15
    آخر مشاركة: 27-07-2010, 07:13 PM
  3. ماذا تفعل اذا كنت تحب و الصمت طبعك
    بواسطة sad heart في المنتدى منتدى المناقشات
    مشاركات: 12
    آخر مشاركة: 10-11-2009, 11:51 PM
  4. ماذا تفعل في رمضان؟
    بواسطة mona_ ph في المنتدى المنتدى الاسلامى
    مشاركات: 4
    آخر مشاركة: 05-08-2009, 10:47 PM
  5. (*•.¸(`•.¸ ماذا تفعل لو كنت مكانى ¸.•´)¸.•*)
    بواسطة ..::ciZar_Resala::.. في المنتدى الفرقة الثانية 2009
    مشاركات: 34
    آخر مشاركة: 16-05-2009, 01:53 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •