بجد لو حصلك كده هاتعمل ايه؟

[رقة القلب]

لو انت على طول فى حالك ومش بتحب أبدا تزعل حد منك حتى لو جيت على نفسك فى حاجات كتيير وفى النهايه مش بتلاقى أى تقدير أو اهتمام من حد؟؟
وبالعكس كمان ممكن تلاقى ناس كتير تستغل فيك دا وتتعمد تضايقك؟

بصراحه وبجد


هتغير معاملتك وتتعامل مع الناس عادى من غير تنازل. بس كل واحد ليه حق ياخده وخلاص
زى مابنقول كده واحد+واحد=اتنين وبس على كده مادام فى النهايه عند الناس كله متساوى
وتبقى معاملات جافه ومن غير زعل وبما يرضى الله طبعا



ولا تستمر وتثبت على موقفك وخلاص مش مشكله حد يقدر أو يهتم المهم انى أحس ان الناس مبسوطه وخلاص
ومش مهم الناس المهم انى بعمل ثواب وحتى لو على حساب نفسى

[انجالى]

ماهو لانى علطول فى حالى دايما الناس تحب تضايقنى بس بصراحه انا من كتر مالناس بتضايق فانا ارضيهم ليه يبقه المعاملات جافه ماهو كماتدين تدان
بصراحه كده انا عمرى ماحبيت حد يزعل منى ابدا ومع زلك تلاقى الناس تتمادى بفه معاك وتضايق فيك اكتر وتقول انك شخصيتك ضعيفه يبقه انا مش اسمح لحد يقول كده تبقه المعامله جافه او نقطع العلاقه وخلاص

[drH.M]

في رأيي ان انا بعامل الناس بكل تواضع لله
أما لو معاملة الناس ليه اتغيرت دي حاجة ترجع ليهم فأنا بعامل ربنا
كما أوصانا الرسول صلي الله عليه وسلم أيضا

[moslma]

ماهو لانى علطول فى حالى دايما الناس تحب تضايقنى بس بصراحه انا من كتر مالناس بتضايق فانا ارضيهم ليه يبقه المعاملات جافه ماهو كماتدين تدان
بصراحه كده انا عمرى ماحبيت حد يزعل منى ابدا ومع زلك تلاقى الناس تتمادى بفه معاك وتضايق فيك اكتر وتقول انك شخصيتك ضعيفه يبقه انا مش اسمح لحد يقول كده تبقه المعامله جافه او نقطع العلاقه وخلاص

وانا معاكي يا ايمان لكن تغير المعاملة يبقي برده بما يرضي الله ورسوله الدين المعاملة..........وكل ده طبعا بعد لما انصح اللي قدامي واوجه لو مفهمش يبقي

[Nayroz]

ولا تستمر وتثبت على موقفك وخلاص مش مشكله حد يقدر أو يهتم المهم انى أحس ان الناس مبسوطه وخلاص
ومش مهم الناس المهم انى بعمل ثواب وحتى لو على حساب نفسى

انا يا دكتورة تقريبا كدة عندى نفس الحكاية دى بعامل كل الناس كويس وبحب اساعدهم وبحبهم يعنى بحب الناس بسرعة لدرجة انهم حتى لو غلطوا فيا مش بعرف اكرهم اه ممكن ازعل شوية او تنتهى العلاقة بينا بس عمرى ما اكرهم .........فخليكى زى ما انتى كويسة مع كل الناس وتعامليهم بما يرضى الله بغض النظر بقى هما بيحبوكى ولا لأ اعملى اللى تحسى انه بيسعدك وبيسعد اللى حواليكى وسيبى اجرك على ربنا بقى

[same7]

ولا تستمر وتثبت على موقفك وخلاص مش مشكله حد يقدر أو يهتم المهم انى أحس ان الناس مبسوطه وخلاص
ومش مهم الناس المهم انى بعمل ثواب وحتى لو على حساب نفسى

انا اتحطيت فى الموقف ده بجد يمكن اكون اضايقت قوى فى البدايه لانى ملقيتش مبرر انهم يعاملونى بالطريقه دى
لكن فضلت زى ما انا ومغيرتش نفسى بالعكس
فى ناس فيهم اتغيرت
وفى ناس فيهم لسه
لكن انتى عاملى الناس حلو
ومتتغيريش

[Amira]

في رأيي ان انا بعامل الناس بكل تواضع لله
أما لو معاملة الناس ليه اتغيرت دي حاجة ترجع ليهم فأنا بعامل ربنا
كما أوصانا الرسول صلي الله عليه وسلم أيضا

هو دا رأيى

هم يتغيروا وهم حرين انما انتى تعملى اللى يرضى ربنا وهى انك تعامليهم كويس وتراعى ربنا فى

معاملتك لكل الناس مهما كانوا

[SHEREIF]

تستمر وتثبت على موقفك وخلاص مش مشكله حد يقدر أو يهتم المهم انى أحس ان الناس مبسوطه وخلاص
ومش مهم الناس المهم انى بعمل ثواب وحتى لو على حساب نفسى
عامل الناس كما تحب ان يعاملوك وليس كما يعاملوك

[:|©؛°¨¨°؛©الصيدلى الذهبى©]

هو المفروض اننا بنعامل ربنا ومينفعش نعامل الناس زى مابيعاملونا ربنا بيقول (وان تتبع اكثر من فى الارض يضلوك عن سبيل الله) ويقول ايضا(وما اكثر الناس ولو حرصت بمؤمنين)
وفيه حديث عن النبى بيقول فيه(من لم يشكر الناس لم يشكر الله)

[موظفه طموحه]

السلام عليكم
المشكله ان فيه ناس فى طبعها النفاق يعنى امامك ياسلام ومن وراكى حاجه تانيه للاسف ربنا يهديهم وفيه ناس بتاعة مصلحتها يعنى لو ليها مصلحه عندك تعاملك احسن معامله الى ان تصل الى ماتريد ولكن فى النهايه انا لى طباع واصول امشى عليهاولى شخصيتى الخاصه واهم حاجه عندى انى بعامل ربنا ولا يهمنى البشر فى هذه الحاله
صدقينى اهم شىء ان الانسان يكون واثق من كل شىء يفعله ويثبت على حاله الى ان يهدى الله الاخرين وشكرا لكى.