"الجرعة النفسية داخل الصــــيدليه."

[S!lent Tear]

أثبتت جميع الدراسات العلمية أهمية العامل النفسي في عملية العلاج و الشفاء من
الأمراض و أنه كلما كانت معنويات المريض أقوى و كان مقتنعاً بقدرته على الشفاء و بفعالية العقار الذي يتناوله و مهارة الطبيب الذي يعالجه كلما كان العلاج ممكن و سريع

عندما يقوم الصيدلي بصرف وصفة طبية للمريض فإن ذلك لن يتجاوز عدة دقائق أو ربما دقيقة واحدة أو أقل
ولكن خلال هذا الوقت القصير يستطيع الصيدلي إعطاء المريض جرعة نفسية تساعد كثيراً حتى يأخذ الدواء مفعوله بالشكل الأمثل .

في هذا الموضوع أحب أن أبحث معكم أخوتي في الكلمات و العبارات التي يمكن للصيدلي أن يقولها للمريض مما يرفع معنوياته و ثقته بالشفاء بإذن الله

و سأبدأ أنا بطرح بعض الأفكار

لو تحدث الصيدلي للمريض عن فعالية الدواء المكتوب في الوصفة و التحسن السريع الذي سيطرأ عليه بإذن الله فإن ذلك سيخلق استعداد نفسي لدى المريض و يجعله يترقب التحسن في صحته بعد الجرعة الأولى من الدواء و هذا سيساعد بالتأكيد في تعافي المريض


و لو روى الصيدلي للمريض أن مرضى سابقين كانوا يعانون نفس المرض حققوا نتائج باهرة و سريعة بعد أخذ هذا الدواء فإن ذلك سيرفع معنويات المريض مما يؤدي إلى استجابة جسم المريض للعلاج

طبعا انا ما زال عندى افكار بس احب اشوف افكاركم معانا
منتظرة افكاركم...........تابعونا

amany_salem

[ASOOOM]

جزاك الله خيرا


فعلا العامل النفسي مهم ,,

مجرد ارتياح المريض لاسلوب الصيدلى بيكون سبب في استعداده لتلقى النصح منه و عشان كده لازم يكون الاسلوب اللي بيشرح بيه الصيدلى معلومه عن الدواء يكون اسلوب سلس يفهمه المرضى بكل مستوياتهم

[S!lent Tear]

مجرد ارتياح المريض لاسلوب الصيدلى بيكون سبب في استعداده لتلقى النصح منه و عشان كده لازم يكون الاسلوب اللي بيشرح بيه الصيدلى معلومه عن الدواء يكون اسلوب سلس يفهمه المرضى بكل مستوياتهم

عندك حق يا سمسم لازم يكون الاسلوب اللى الصيدلى بيتكلم بيه مع المريض مناسب يعنى ممكن يكون المريض مثلا جاهل او مش متعلم وفى الحالة دى بيحتاج لاسلوب سلس فى التعامل معاه

thanks smsm

[NonY]

فعلااااااااااااا
انا قريت قبل كدة ان نسبة كبيرة من فاعلية الدوا ليها علاقة بالعامل النفسى
مش عارفة هى نسبة كبيرة كدة فعلا و لا لأ

بس الأكيد ان العامل النفسى له علاقة مباااشرة بالإحساس بالألم أو المرض

و هيبأة كويس انك تقول الدوا دا هاايل جدا و فظيع و ملوش حل
لان دا هيظبط المريض نفسيا

شكرا أمانى , و مستنين الباقى

[N00R EL _SHAMS]

'طبعا وبدون شك العامل النفسى له دور كبير جدا ف الشفاء............
انا اعرف واحد كان مريض بcancer(عافانا الله جميعا) وماشاء الله اختفى المرض من عنده تماما وده لانه كان عنده امل كبير ف الله ومكنش اساسا بيحسس نفسه انه مريض والاطباء كانوا مزهولين من اختفاء المرض ببراعه .........فسبحان الله
وطبعا اكيد للصيدلى دور مهم ف رفع الروح المعنويه عند المريض ولكن ف غالب الاحيان مش المريض الى بيشترى العلاج ..
لكن لو حصل وراح هو .....لازم يطمنه ويقوله ان العلاج ده فعال جدا ويعطيه نماذج لناس كانت زيه وتم شفاؤهم بفضل الله ويبتسم ف وشه ودى اهم حاجه .........
انما انا ف اعتقادى بقى ان الدور الاكبر للطبيب المعالج ......والله الواحد بيشوف نماذج من الاطباء لا تستحق هذا اللقب... .يعنى لما دكتور يقول لواحده راحه تولد اكتبى اقرار على نفسك ان لو حصل لكى حاجه انا غير مسؤو ل لان ولادتك صعبه ولان سمعة العياده بتاعتى اهم ......ده يتعمل فيه ايه !!!!!!!!!
ولما دكتور تانى يقول لمريض رايح يكشف عنده لاول مره وعشان بس نسبه الكرياتينين عاليه شويه عن الواحد ونص يقوله دى بدايه لفشل كلوى انت لازم تغسل......... على طول وبدون مقدمات وبدون حتى ميبتسم ف وشه ولا يطمنه .......ده يبقى دكتور !!!!!!
انا اظن ان النماذج دى تجار مش اطباء اهم حاجه عنده هى الماده !
شكرا يا امانى ع التوبيك الرائع ده ..............

[رحيق]

اولا باشكرك على موضوعك المتميز دة يا امانى ودة اللى اتعودناة منك
ثانيا بلاشك العامل النفسى اهم حاجة فى اقتناع المريض بالدواء وعلى فكرة كنت حضرت ندوة من كام شهر بتتكلم ن الموضوع دة وبتقول (خد المريض على اد عقلة) يعنى لو جالك مثلا الصيدلية مريض وقال انا عاوز الدوا دة وهو مثلا كل 6 ساعات ولقيتة مثلا رجل كبير ومش هيفتكر او ام عاوزاة لابنها وقالت ممكن مش افتكر تقول خلاص فية نوع تانى كل 12 ساعة مثلا او مرة واحدة فى اليوم
او لو جالك مريض مثلا وجاب لك روشتة وفيها حقن وقال انا مش عاوز حقن فى الحالة دى اما تنصحة بالراحة وتقنعة انها لمصلحتة وان لم يقتنع ممكن ياخد بديل من اى نوع تانى
وعلى فكرة انا اعرف واحد من حوالى 10 سنين وهو تعبان (بالكبد والسكر والضغط والطحال) وكل حاجة واكتر من مرة يدخل فى غيبوبة والدكاترة يقولو خلاص مش هيقوم وسبحان الله عندة كمية ارادة عمرى ماشفت زيها وافتكر موقف لية اخر مرة خرج من المستشفى كان يوم شم النسيم راح اشترى كرتونة رنج واكلها وسبحان الله اللى يشوفة يقول ولا فية اى حاجة وكمان اشترى عربية ويسوقها وكذا مرة يعمل بيها حادثة لانة بتيجى لة غيبوبة وهو سايقها خلاصة الكلام الارادة لاى المريض عليها 80% من تاثير اى دوا فية واسفة على الاطالة بس الموضوع عجبنى بجد

[S!lent Tear]

فعلااااااااااااا
انا قريت قبل كدة ان نسبة كبيرة من فاعلية الدوا ليها علاقة بالعامل النفسى
مش عارفة هى نسبة كبيرة كدة فعلا و لا لأ

بس الأكيد ان العامل النفسى له علاقة مباااشرة بالإحساس بالألم أو المرض

و هيبأة كويس انك تقول الدوا دا هاايل جدا و فظيع و ملوش حل
لان دا هيظبط المريض نفسيا

شكرا أمانى , و مستنين الباقى

شكرا لمرورك يا د.nony

ان شاء الله ننتظر باقى افكارك معانا

ولان سمعة العياده بتاعتى اهم ......ده يتعمل فيه ايه !!!!!!!!!

ولما دكتور تانى يقول لمريض رايح يكشف عنده لاول مره وعشان بس نسبه الكرياتينين عاليه شويه عن الواحد ونص يقوله دى بدايه لفشل كلوى انت لازم تغسل......... على طول وبدون مقدمات وبدون حتى ميبتسم ف وشه ولا يطمنه .......ده يبقى دكتور !!!!!!

للاسف الواحد بيشوف نماذج مسيئة لمهنة الدكتور

كتير اوى من الدكاترة مبيراعوش الحالة النفسية للمرضى ومدى ارتباكهم اثناء الكشف انا واحده من الناس مبلجاش للدكتور الا لما بكون تعبانه خالص وده طبعا لانى بتوتر جدا من الدكاترة وفى ناس كتير زيى كده

طبعا بشكرة يا نيرة ومنتظرة افكارك معانا

ثانيا بلاشك العامل النفسى اهم حاجة فى اقتناع المريض بالدواء وعلى فكرة كنت حضرت ندوة من كام شهر بتتكلم ن الموضوع دة وبتقول (خد المريض على اد عقلة) يعنى لو جالك مثلا الصيدلية مريض وقال انا عاوز الدوا دة وهو مثلا كل 6 ساعات ولقيتة مثلا رجل كبير ومش هيفتكر او ام عاوزاة لابنها وقالت ممكن مش افتكر تقول خلاص فية نوع تانى كل 12 ساعة مثلا او مرة واحدة فى اليوم
او لو جالك مريض مثلا وجاب لك روشتة وفيها حقن وقال انا مش عاوز حقن فى الحالة دى اما تنصحة بالراحة وتقنعة انها لمصلحتة وان لم يقتنع ممكن ياخد بديل من اى نوع تانى

طبعا كلامك صح يا رحيق وبجد معلومات كويسة بشكرك عليها

وعلى فكرة انا اعرف واحد من حوالى 10 سنين وهو تعبان (بالكبد والسكر والضغط والطحال) وكل حاجة واكتر من مرة يدخل فى غيبوبة والدكاترة يقولو خلاص مش هيقوم وسبحان الله عندة كمية ارادة عمرى ماشفت زيها وافتكر موقف لية اخر مرة خرج من المستشفى كان يوم شم النسيم راح اشترى كرتونة رنج واكلها وسبحان الله اللى يشوفة يقول ولا فية اى حاجة وكمان اشترى عربية ويسوقها وكذا مرة يعمل بيها حادثة لانة بتيجى لة غيبوبة وهو سايقها خلاصة الكلام الارادة لاى المريض عليها 80% من تاثير اى دوا فية واسفة على الاطالة بس الموضوع عجبنى بجد

ربنا يقويه

بعض الافكار

.............

اول ما يجب ان نركز عليه هو ان يثق المريض بالصيدلي ويقتنع برايه وهذا سينعكس على قبوله لاي نصيحة او كلمة يقولها له

كيف نبني ثقة المرضى بنا؟؟؟؟؟

اولا الشكل الخارجي

الصيدلي المرتب الذي يرتدي المعطف الابيض والصيدلية المرتبة المنظمة سيكون لها اثرا كبيرا في نفسية المريض واستجابته للعلاج

بالاضافة الى العلم الذي يحمله والثقة التي يبديها في اجابته عن استفسارات المريض بما يطمئن المريض ولا يريبه

عدم التردد بقراءة الوصفة وجلب الدواء واظهار الارتباك والخوف والدعاء له بكلمة جميلة والتحدث بلطف ولا يبين انه فاتح محل للتجارة فقط

ويعطي من وقته دقائق ليشرح للمريض طريقة الاستعمال بشكل مبسط مما يبني الود والالفة في نفسية المريض

[S!lent Tear]

عندما يقدم المريض الوصفة الطبية إلى الصيدلي فمن المفيد نفسياً أن يذكر الصيدلي للمريض بعض النقاط الايجابية في الوصفة

مثلاً :
1- إذا كان اسم الطبيب في الوصفة اسماً مشهوراً أو أن الصيدلي يعلم أن هذا الطبيب ذو كفاءة عالية فمن الجيد أن يقول الصيدلي للمريض : أنه كان موفقاً بالذهاب إلى هذا الطبيب لأنه ذو خبرة كبيرة و مهارة فائقة
2- إذا كان خط الطبيب واضح في الوصفة ....

يمكن أن يقول الصيدلي : ما شاء الله ....هذا الطبيب مهتم بوضوح خطه بالوصفة

3- من المفيد التعليق الايجابي على نوع الأدوية و فعاليتها بالوصفة

و الخلاصة أنه على الصيدلي عند استلام الوصفة البحث عن أي شيء داخلها يمكن التعليق عليه إيجابياً بحيث يشعر المريض أنه بالطريق الصحيح نحو الشفاء

منتظرة اراءكم يا جماعة

[رحيق]

الله على النصائح الرائعة دى وخصوصا دلوقتى بعض الدكاترة ينظرون للصيادلة كاعداء ليهم مش لازم يناقشوا فى اىحاجة الدوا اتكتب خلاص علية بس يصرفة ومش مسموح لة ابدا يعارض الدكتور المشهور اللى كاتبة حتى ولو عندةحق وهو مقتنع بية علشان سمعتة وعيادتة الممتلئة ما شاء الله مع ان الصيدلى ادرى من الدكتور فى تلاؤم الادويةمع بعضها لانها تخصصة اما تخصص الطبيب فهو تشخيص الحالة فقط (على ما اعتقد) برة بيعملوا كدة الدكتور بيكتببس اسم المرض اللى شاكك فية وعلى الصيدلى توفير الدواء وفى النهاية الاطباء والصيادلة اولاد عم كلاهما بيعملوا علشان مصلحة المريض

شكرا دكتورة امانى نصائح غالية