ازاى تصطادى عريس

[smasem]

لو جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة

*لو واحدة من صحباتك جبتلك عريس إوعي تشوفيه أو توافقي عليه لوكان عدل كانت خدته هي

*هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس هتسيحى لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته ..قاعد مش على بعضه.. وشه إتخطف وبان عليه خيبة الأمل إعرفي إنك معجبتيهوش .. إسبقي إنتي وقولي إنك رافضاه؛ متخليهوش يقول هو نه مش عاوزك
متزعليش عليه ولا على غيره.. الرجالة زي الأتوبيسات واحد عدّى التاني جاي وراه

كمان الرجال زي الدبان هتهشي واحده هييجي عشرة غيره

*عجبتك ؟طب خدي دي: الرجالة زي المطبات كل ما تفتكري خلصت منهم هتقعي في مطب جديد مش عاملة حسابه

*لو معجبتيش أكتر من واحد إوعي تحسي بالإحباط بكرة هيجي اللي أحسن منهم ؛إلا ما كان واحد..فيهم عدل

*مهما كنتي وحشة متقلقيش فيه اللي أوحش منك وإتجوزوا


-بعد الخطوبة


*بصي ..عذبيه.. الراجل يحب يتعذب البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني الراجل ميحبش كده أبدا

*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر

*لو سألك عرفتي حد قبلي قوليله لا حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده، برضه خليكي ناصحه أنت عمرك ما عرفتي راجل غير باباكي طبعا

*هيقولك هسامحك وده ماضي متصدقيش برضه الرجاله قلبهم أسود وهيمسكهالك ذله العمر كله

*إحترمي أهلك متغلطيش فيهم قدامه حتى لو كانوا بيئة وربش علشان ميتجرأشي عليكي وعليهم

*هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي

*بلاش زن ورنات تليفونات ورسايل حب وهيام دول عالم .... مش هيقدر الحاجات دي هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع الموبايل

*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي يفتكرك واحده من إياهم

*هيضغط عليكي باسم الحب ياسم العواطف باسم أنكم في حكم المتجوزين إنك تروحي الشقه معاه روحي بس المرة الجاية مش هيبقي لوحده هيجيب معاه أصحابه

سيبيه يرغي براحته وعدي الفشر اللي هيفشره عن البنات اللي دايبين في دباديب سيادته إعملي إنك مصدقاه مع أنك عارفه إنك لولا خايفة لا تبقي عانس مكنتش قبلتي بيه

*خليكي دايما في أحسن صورة هيقولك بحبك تكوني على طبيعتك بحبك من غير ماكياج متعمليش كده لأنه بيتلاءم عليكي عاوز يعرف أنتي حلوة فعلا وإلا دي بويه ..خليه على عماه
احنا ما صدقنا وقعناه

[same7]

تانى
انتوا ميعجبكوش حاجه ابدا
انتوا اللى بتجيبوه لنفسكوا
ابعدوا عن الشر (الرجال ) وغنولهم


شوفتوا ناوين يعملوا فينا ايه يا رجاله


خايف يكون هما اللى عملوا القسم ده

للرجاله المصريين قبل الجواز

اقسم برب البريه ان اكن مطيعا للوليه
وان اسلمها المهيه
وكل الحوافز الظاهره والمخفيه
وان اقطف لها الملوخيه
وان اكن فى البيت قبل المغربيه
وحسبى الله ونعم الوكيل


وربنا يسترها علينا

[مهداه]

[D.NOOR]

ايوة كدة هو دة الكلام
ان كيدهن عظيم
توبيك هايل يا سماسم

[Al-Shaimaa]

لا جامد اوي التوبيك ده
وهعمل بنصايحك(لكن مش كلها يعني)
هههههههههههههههههه
وبعدين ما دام انا مش هنفع في الدراسة
ادور على عريس وخلاص

[mayada a7md]

لا جامد اوي التوبيك ده
وهعمل بنصايحك(لكن مش كلها يعني)
هههههههههههههههههه
وبعدين ما دام انا مش هنفع في الدراسة
ادور على عريس وخلاص

lمش هتكلم ياشيماء وبعدين اية تدورى دى انتى تعدى وهوا يجى لحد عندك

[smart_girl]

ههههههههههههههههه
جامممممممممممد اوى اوى اوى

[Sara Saso]

ايه ده؟!! هو ايه اللى بيحصل هنا؟!!
انا كده تلعط لسة كتكوتة فى البيضة
هى هتختار عريس ولا هتصطاد ثعلب؟
شكلك كده بتتفرجى على افلام وبتحكى مع جدتك كتير
الموضوع مش مستاهل ده كله لازم يكون فيه ثقة
واحترام متبادل والا يبقى نقول على الحب السلام
وبعدين عريس ايه ده اللى هتفكر فيه وهى فى صيدلة؟
ولا مين هيسيب بنات اداب وتجارة ويجيلكم انتم
معلش يا بنات انا مقدرة ظروفكم احلام يقظة بقى

[Nour al-islam]

عندك حق يا دكتوره مين هيجي لوحده يوم بتتعامل مع كيماويات ويوم مع فئران
بس عموما الموضوع حلو اوي

[M.32L]

جميل التوبيك دا تسلم ايدك والاجمل الاعتراف بالحق ان كيدهن عضيم