تحب تفضفض لمين؟

[SHYMAA]

اوقات كتير قوى بنكون مجروحين
ومحتاجين نحكى ونفضفض يعنى
بس بنخاف.
ياترى الشخص اللى انا هاحكيله ده امين واللا.... كده يعنى.
ياترى نعمل ايه؟ نحبس كل حاجه جوانا واللا ندور عن شخص بنثق فيه ونقوله؟
يا ترى ممكن يكون مين؟
ممكن يكون اخ او صديق او حبيب
ممكن يكون اللى كتير مننا بعيد عنهم
الام والاب
يا ترى مين؟
مستنياكو كلكو وعايزه اراء تهزنى
ماشى يا دكاتره واللا هيبقى فيه........

ياللا قولو كل اللى نفسكو تقولوه وانا معاكو هقول بس بعدكو

[Alaa_Resala]

لو لاقيتي حد فعلا تثقي فيه يبقى كسبتي صديق بجد
وساعتها يبقى هو ده الشخص اللي تفضفضيله

مش هندور على المثالية ونقول الأب أو الأخ
لأن احنا تربيتنا وسلوكنا الاجتماعي معلمناش ازاي نصاحبهم ونفضفضلهم لما يقابلنا مشكلة شخصية او حتى أي مشكلة

ممكن تكون الأم بتحب تسمع بشكل كبير وظروف الحياة برده بتخليها قريبة من البيت ومن كل اللي فيه فتلاقي نفسك بتحكيلها بس برده فيه حاجات مش هترضي تحكيهالها

وبشكل عام فيه جزء غامض من حياة كل واحد فينا مش بيحب يحكي عنه لأي حد مهما كان ومهما كانت ثقته فيه

شكرا يا دكتورة

[MaZeN]

انا عن نفسي يوم لما بحب افضفض بروح لاخويا و بحكيله كل حاجة
بس اكيد كل واحد مننا في حياته سر و مداريه حتى عن اقرب الناس ليه

[monosh]

معاكى اننا لازم نفضفض ونتكلم....

وأوقات كتيرةلو متضايقين أو مجروحين ونكون شايلين هم الدنيا
بس لما نتكلم مع حد بنحبه وطبعا بنثق فيه ..

بنروق وبنبقى أحسن كتير.

أنا شايفة ان الإنسان فى شدة خنقته وكربه لازم يلجأ لربه ويدعيه يخفف عنه الهم والحزن...

بس طبعا ده ميمنعش اننا كلنا بالإجماع بنحب نتكلم وبنرتاح بيه ...وخصوصا لو مع حد بنرتاح له وبنثق فيه.
وبقت حاجة صعبة قوى اننا نلاقى الحد ده فى الزمن ده.

عن نفسى....

بحب افضفض مع مامتى وأختى وأقرب صحباتى...

بعدها ...بقعد لوحدى... والحمد لله بوصل لحال أفضل.

مرسيه شيماء ع التوبيك الجميل ...اللى فضفضنا فيه.

وربنا يزيل الهم عننا جميعا...وميكنش فى حد متضايق خالص.

[marooo]

اصدقائى هما اللى بافضفض ليهم بس والله لو كل واحد راح يفضفض مع الاب او الام هيلاقهوهم مستيجبين وبيتناقشوا بس احنا اللى بنبعد عنهم مش هما عاوزين حياة خصوصيه بس على مين الاب والام ماعتقدش عشان هما الوحيدين اللى هينصحوك بدون مقابل اومصلحه مهما كان الصديق قريب وكمان عشان هما اكتر خبره عننا ميرسى يا شيماء على المواضيع الجامده ديه

[احمد شبند]

انا نفسى عمرى ما بفضفض لحد لان كل حاجة الى حوليا كلهم عارفنها مفيش اسرار بس لو فيه يبقى عمرى ما اقوله لحد

[thelovertiger]

الى اللـــــــــــــــــــــــــــــــــــــــــــه

[ELANDALEEB]

فى معظم الاوقات بكتم الجرح جوايا
ومش بحب حد يعرف عنه اى حاجة

بس بيتهيألى مؤخرا بدأت افضفض مع حد معين
الحد ده بثق فيه جدا جدا جدا
ومستحيل تنعدم الثقة فيه
واهم حاجة انى برتاح وانا بتكلم معاه
الحد ده هو ..............

معلش بقى .... بلاش اققوله دلوقتى
سلامووووووووووووز

[دينا سالم]

ما متي <انا حزينة اني مليش اصدقاء > بس والله ده تبع الموقف نفسه ينفع يتقال ةلا و لأ طبيعة الموقف نفسه اللي بتحدد وممكن بقي فيه مواقف مبتقدرش تقولها او تبعبر عنها فلما الواحد مبيلقيش ادامه الا العياط

[SHYMAA]

بس بيتهيألى مؤخرا بدأت افضفض مع حد معين
الحد ده بثق فيه جدا جدا جدا
ومستحيل تنعدم الثقة فيه
واهم حاجة انى برتاح وانا بتكلم معاه
الحد ده هو ..............

معلش بقى .... بلاش اققوله دلوقتى

سلامووووووووووووز

كده يا عندليب ما كانتش صحوبيه
عموما شكرا ليكو يا جماعه ولسه مستنياكو