غريبه الناس غريبه الدنيا ديه
غريبة الناس غريبة الدنيا ديا اعز الناس بيتغير عليا
مفيش احساس مفيش ولا ذكرى ليا
[خلصنا خلاص انا ماشى وجيبها فيا
لو كنت عملت خاطر ليوم حلو عيشناه
فى كده معقول ياساتر مفيش كده فى الحياة
غريبة الناس غريبة الدنيا ديا اعز الناس بيتغير عليا
غريبه الناس غريبه الدنيا ديه اعز الناس بيتغير علي
دي مطلع اغنيه
صح
ممكن تكون سمعتها وممكن ولا مره سمعت عنها بس سمعت مطلعها اكتر من مره
غريبه الناس غريبه الدنيا ديه اعز الناس بيتغير علي.....
هيكون في سؤال
ليه؟
اقرأو الرسائل دي وشوفو
.
.
.
.
.
اول رساله
كتبتها ام بدموعها
بتنادي ابنها سهرت الليالي علشان راحته ...
كانت تبكي لما يبكي وهي مش عارفه ماله ...
قد ايه اتخانقت مع باباه لو قسي عليه
ام تعبت وشفت العذاب الالوان ام حرمت نفسها من جميع متع الدنيا صبرت شقت علشان تشوفه احسن واحد في الدنيا ....
كانت تبصله من الشباك وهو رايح المدرسه وقلبها بيدعيله وعيونها بتتغنى فيه هي دي الأم
بتقول لأبنها النهارده يااااا قد ايه هنت عليك علشان ترميني في بيت اكون فيه غريبه ..
وحشت عيوني.. وحشت حضني يا ضنايا
مش هزعل علشان رميتني في بيت المسنين بس زعلانه على قلبي لأنه مش عارف يطمن عليك
يا ترى يا ابني انت عامل ايه انت مبسوط بحياتك وبشغلك
ياترى يابنى فكرنى ولا لاء هشوفك قبل مااموت ولا لاء هتمشي في جنازتى ولا مش هتعرف انى مت اصلا
غريبة الناس غريبة الدنيا ديه اعز الناس بيتغير عليه
الرساله التانيه
صديق اترمى برصاص الصداقه :
صديقي العزيز\ فاكر لما كنت تقلي الصداقه صدق
وانا صدقتك عملت فيك ايه علشان تبيع صداقتنا
ياما احتجتني ولقيتني جمبك
ولما احتجتلك............
انت صديق لالا انت اتغيرت
ياترى ياصحبي فاكر سهرنا احلي ايام حياتنا كلامنا غلستنا فاكر قد ايه كنا مع بعض بنسيب بعض علي النوم ياترى ايه اللي غيرك
ياترى بعتنى علشان مين مصلحة ولا علشان انسان خنى ومسيره يخونك ولا علشان ده طبعك ولا هى دى الدنيا ولازم نعرفها والغدر بقي طبيعى فيها .
غريبة الناس غريبة الدنيا ديه اعز الناس بيتغير عليه
الرساله الثالثه
من قلب تغنى للحب لكنه فضل اسير للحب
حبيبي من اول يوم كنت حبيبي حبيتك وقدمت ليك قلبي على طبق من ماس كنت الدنيا لي
معقوله تغيرك الدنيا
رضيت بالبعد
معقول تنسى كل احساس عشناه مع بعض
اتغيرت كتير وغيرتك الأيام
قلت مش هتغيرك لكنك سبقت الأيام وقسيت اكتر من الزمان
يا خساره انت حبيبي اللى حبيته ولا
انت مين؟
غريبة الناس غريبة الدنيا ديه اعز الناس بيتغير عليه
الرساله الرابعه
خطتها دموع يتيم
طفل اتحرم من كلمة بابا وماما.. كان نفسه يفرح بالعيد زيه زي غيره..
كل لما ينام بيحضن المخده وبيغرقها دموع وهو بيكلمها وبيقلها يا هل ترى اللي عنده اب وام بيحس ازاي
وازاي بيحسو اما بيقولو بابا وماما
وبيسالها كل يوم سؤال يا هل ترى انا لما اكبر وابقى اب هقدر اعوض ابني عن حرماني
اخاف ان الدنيا مش توفر ليه حاجه
لان كل حاجه اتغيرت
نفسي احس بحنان نفسي القي اب يحبنى ويخاف عليا ويزعقلي
ام تخدنى في حضنها وتدنى وتطبطب عليا يارب صبرنى
غريبة الناس غريبة الدنيا ديه اعز الناس بيتغير عليه
الرساله الخامسه
رساله مهمه ومؤثره
كانت من اماكن رحلنا عنها وبكل الشوق والأسى تنادينا
بيوت
الله بيوت هجرتها الناس انشغلت بحاجات تانيه في ناس عندها سهره الليله دي
... الشله رايحه فسحه ... معندهاش وقت للصلاه معندهاش وقت للعباده.
حجار المساجد بتناديها : يا ابني اتفضل هتطلع راضي ومرتاح
رفوف بيت اتزينت بمصحف مهجور بتبكي
بتنادي صحاب البيت ليه بتعملو كده
الهجر قاسي.
ليه اتغيرتم هي الفضائيات والتكنولوجيا سرقتكم من العباده ولا ايه
ده انت لو دخلت هترتاح اوى وهتقرب اوووووووووى
غريبة الناس غريبة الدنيا ديه اعز الناس بيتغير عليه بكل مكان فيه ناس هنلاقي انها اتغيرت
لأن الناس قلوبها اتغيرت ونوايها اتغيرت ورمت كل حاجه وطنشت..
يارب صبرنا وقربنا ليك وحنن قلبنا علي كل حبايبنا ولا نكون في يوم كده
م ن ق و ل
رد مع اقتباس
