ايه سقف طموحك ؟؟ " أدخل و قولنا "
بسم الله الرحمن الرحيم
ازيكم يا احلى طلبة تالته ؟؟ شدوا حيلكم و علوا همتكم و إعملوا كل اللى تقدروا عليه علشان توصلوا لأحلامكم و تلمسوها بايديكم ...
معلش هطول عليكم شويه .. بس أحب أبدأ كلامى بقصه قصيره ..
يقال تقدم رجل لشركة مايكروسوفت للعمل بوظيفة فراش
بعد إجراء المقابلة والاختبار
أخبره مدير التوظيف بأنه قد تمت الموافقة عليه
وسيتم إرسال قائمة بالمهام وتاريخ المباشرة في العمل عبر البريد الإلكتروني
أجاب الرجل: ولكنني لا املك جهاز كمبيوتر ولا املك بريد إلكتروني
رد عليه المدير باستغراب: من لا يملك بريد إلكتروني
فهو غير موجود أصلا! ومن لا وجود له فلا يحق له العمل!
خرج الرجل وهو فاقد الأمل في الحصول على وظيفة
فكر كثيراً ماذا عساه أن يعمل وهو لا يملك سوى 10 دولارات
بعد تفكير عميق ذهب الرجل إلى محل الخضار وقام بشراء صندوق من الطماطم
ثم اخذ يتنقل في الأحياء السكنية ويمر على المنازل ويبيع حبات الطماطم ونجح في مضاعفة رأس المال وكرر نفس العملية ثلاث مرات إلى أن عاد إلى منزلة في نفس اليوم وهو يحمل 60 دولار
أدرك الرجل بان يمكنه العيش بهذه الطريقة فاخذ يقوم بنفس العمل
يوميا يخرج في الصباح الباكر ويرجع ليلاً
أرباح الرجل بدأت تتضاعف فقام بشراء
عربة ثم شاحنة حتى أصبح لدية أسطول من الشاحنات لتوصيل الطلبات للزبائن
بعد خمس سنوات أصبح الرجل من كبار الموردين للأغذية في الولايات المتحدة .
لضمان مستقبل أسرته فكر الرجل في شراء بوليصة تامين على الحياة فاتصل بأكبر شركات التامين وبعد مفاوضات استقر رأيه على بوليصة تناسبه فطلب منه موظف شركة التامين أن يعطيه بريده الإلكتروني !
أجاب الرجل : ولكنني لا املك بريد إلكتروني !
رد عليه الموظف باستغراب : لا تملك بريداًإلكترونيا
ونجحت ببناء هذه الإمبراطورية الضخمة
تخيل لو أن لديك بريداً إلكترونيا.. فأين ستكون اليوم؟
أجاب الرجل بعد تفكير : فراش في مايكروسوفت ... قصه طريفه و سأترك لكم التعليق عليها و استخراج المعنى المرجو منها .
ندخل فى موضوعنا ( ياااه . هو انت كنت لسه ما دخلتش) إحنا كل واحد فينا دخل الكليه دى علشان سبب معين و الاسباب مختلفه و كلنا عارفينها , لكن بعد مرور 3 سنين بقينا فى الفرقه الثالثه ... يعنى دخلنا صيدله بجد و بقى لازم يكون عندنا اهداف و طموحات واضحه ( مش مجرد احلام )بالنسبه لينا كصيادله ... ياريت فعلاً نكون عندنا تصورات واضحه للحاجه اللى عايزين نحققها ان شاء الله ,,
معلش طولت عليكم .. و عارف ان ناس كتير اتكلمت فى موضوع الاهداف و الطموح ده لكن الموضوع ده هدفه بمنتهى البساطه ان احنا كطلبه نعرف ايه طموحات بعضنا و بكده يكون الطالب اللى طموحه كبير حاسس ان فى منافسه من زملائه و حس ان ده شعور عام و انه مش لوحده ,, و الطالب اللى طموحه قليل او مش عنده طموح يحس انه لازم يبتدى من دلوقت يفوق و يدور على نفسه و يعلى طموحه علشان يلحق مكان وسط اصحاب الهمم العاليه ,, و كمان علشان نعرف اساتذتنا و الدكاتره ان احنا قد ايه استفدنا منهم "من الجانب الاجتماعى و الانسانى " و ازاى ده اثر فى شخصيتنا و قد ايه احنا حاسين بالمسؤليه ناحية مجتمعنا و أمتنا ,,,,,
انا خلصت كلامى , و دلوقتى جيه دوركم ,, كل واحد يدخل و يشارك و يقولنا على هدفه و طموحه بكل وضوح و تحديد و عسى الله ان يجعل من هدف احدنا الهام لنا او دافع لبعضنا لكى يصبح افضل و يصبح حال امتنا كما يرضى الله لنا وكما كان يحب و يرضى رسول الله.. و شكراً جزيلاً ليكم انكم استحملتونى .. جزاكم الله خيراً ..
و منتظر مشاركاتكم ....
.gif "Fop (28)")
المشاركة الأصلية كتبت بواسطة Pharmcist_girl
و يارب يكون فى ناس كتير طموحها عالى كده ..... " بس يا ريت يبقى فى تعاون بين شركتك و شركتى إن شاء الله .. و اهو كله علشان مصلحة الناس ,, بس ياريت تستعدى كويس لأن المنافسه هتبقى جامده جداً 
.. و ربنا يوفقك و يحقق حلمك و ينفع الناس بعلمك .
... و بالنسبه للدراسه و النظام فأنا بتمنى ان ربنا يوفقك و ترتبى على الدفعه و تتعينى فى الكليه لحد ما توصلى لمنصب ادارى فى الكليه و نبقى نشوف هتعملى ايه للطلبه و هتصلحى النظام ازاى ؟؟؟ و ياريت لو عندك اقتراحات معينه تقوليهالنا فى منتدى " التطوير المستمر و التأهيل للإعتماد" .. و جزاكى الله خيراً على المشاركه .gif "Fop (29)")
