دفتر الناجحين

[Dr.A7med]

قيمة الحياة في إننا نعيش كل ثانية فيها واحنا مستمتعين بنجاح بنحققه
نجاح علي المستوي الدراسي أو المادي أو الاجتماعي أو حتي نجاح في هواية
وأجمل حالة ممكن تعيشها في الدنيا إن كل ليلة تبقي بالنسبة لك زي ليلة العيد للطفل
عنده طاقة رائعة وبيحلم ببكرة
نفسه الفجر ييجي عشان يقوم يعيد
انت كمان لازم تنام وانت مستني بكرة بفارغ الصبر عشان في حاجات رائعة انت عايز تعملها

وعشان عندك طاقات وإمكانيات عايز تحقق بيها معجزات
لازم ما تحبش النوم
مش تستناه بفارغ الصبر
كل واحد فينا لازم يكون ماشي في طريق
مش عايش كده اليوم بيومه
أي حاجة
طريق في آخره نور هو شايفه وعايز يوصله
النور ده هو هدفه
وعشانه بيمشي الطريق كله بمنتهي الحماس
وبيوصل لهدفه
ولازم نفوسنا تبقي تواقة زي خامس الخلفاء الراشدين عمر بن عبد العزيز
كل ما نحقق هدف يظهر لينا هدف أعلي وأغلي ونمشي ونوصل
وكل ده في إطار متعتنا وسعادتنا
تخيل نفسك بتعشق الرسم
وانت رسام ناجح
تخيل حياتك شكلها ايه
هوايتك بتكفل ليك نجاحك المادي والاجتماعي
ده غير انك بتمارس أحب الحاجات لقلبك بلا قيود
تخيل انك سهران بتلعب فيفا مع أصحابك ومراتك تتصل بيك وتقولك
كام كام يا حبيبي
حققت المعادلة الصعبة
عيش امكانياتك
انطلق
في حاجات انت لو اكتشفتها في نفسك هتبقي أحسن واحد فيها
أنا قررت اني هبدأ الطريق
وهعيش حياة مليانة متعة وإثارة وإنجاز
وعشان قرأت كتير واتنصحت كتير إني لما أسجل إنجازاتي ونجاحاتي
ولما أحس بالإحباط أرجعلها
هلاقي عندي أسباب واضحة ومقنعة لثقتي في نفس
أنا إنسان ناجح وعندي رصيد وتاريخ رائع من الإنجازات والنجاحات
ساعتها الإحباط ده هيختفي
واللي يشجع أكتر انك تشارك الناس اللي بتحبهم نجاحاتك
وأنا بحبكم بدون نفاق والله
انت أخويا وانتي أختي

هنا يا جماعة أنا هسجل كل نجاح وصلت له
كل حاجة أنجزتها واستمتعت بيها
كل تجربة أضافت ليا جديد
هنا هيبقي دفتر إنجازاتي
أو دفتر إنجازاتنا
عايز كل حد حقق نجاح يقوله
قدرت توصل لحالة تفاهم مع أبوك قول
خسيت ووصلت للوزن اللي انت عايزه قول
قرأتي كتاب مفيد وعندك حاجة نفسك تعبري عنها احنا سامعينك
بقيت بطل في رياضة معينة فرحنا
عملت مشروع ونجح قول وصدقني هنفرحلك
اتخلصتي من الخجل وبقيتي منطلقة ومحبوبة وسط زمايلك خلينا نستفيد من تجربتك
اتعلمت عادة جديدة أو اتخلصت من عادة سيئة قولنا
صدقني انت إنسان رائع ومش بعيد عليك تضيف حاجة ليا أو ليها

أنا عايزكم تقررو حالا ان حياتكم هتبقي طريق مش غرفة أو مكان

صدقوني أكتر حاجة هتشجعني أنا وانتم اني ألاقي زميلتي بتنجح وصاحبي بينجح والناس بتتحرك


حاجة كمان أنا تعودت عليها
التغيير الأسبوعي
وده تغيير بقوم بيه علي المستوي الديني والدراسي والجتماعي
لو تحبو نخلي العادة دي موحدة
يعني نقرر اننا الأسبوع ده هنلتزم بعادات معينة
أنا شخصيا هقول في بداية كل أسبوع أنا هحاول التزم بإيه
وإيه نتيجة التزامي ده في الأسبوع اللي بعده


آخر حاجة هقولها
استخدم مستشارين من خارج الشركة
يعني لما الضغوط تزيد وعايز تتكلم أو تتبادل وجهات النظر والنصائح متعملش كده مع حد عايش معاك في الضغوط دي
لان عواطفه وقلقه هيخليه يقول رأي في الغالب مش صح
وعشان كده أنا بطلب مقدما من رواد دفتر الناجحين انه يتكلم معايا لو احتاج يتكلم
وبجد أحب اني لما اكون عايز اتكلم ألاقي حد منكم أتكلم معاه
يلا يا دكاترة نبني سوي
يلا نغير مفهوم الطالب الجامعي
يلا نضيف لنفسنا كل يوم جديد

[rose2009]

ياااااااااااه بجد انا مش عارفه اقولك ايه

على جمال الموضوع دا

بجد انا كنت حاسه بتفاؤل فظيع

وانا بقرأ كل كلمه فيه

معرفش ليه

وان شاء الله كلنا نشارك ف دفتر الناجحين.......

[Dr.A7med]

ياااااااااااه بجد انا مش عارفه اقولك ايه

على جمال الموضوع دا

بجد انا كنت حاسه بتفاؤل فظيع

وانا بقرأ كل كلمه فيه

معرفش ليه

وان شاء الله كلنا نشارك ف دفتر الناجحين.......

ازاي مش عارفة تقوليلي ايه
طبعا قوليلي علي حاجة مفيدة عملتيها النهاردة
أو هتعمليها بكرة وهتتابعي نتيجتها معانا
ربنا ما خلقش rose2009 هباء حاشاه
انا من غير ما اعرفك عارف أد ايه انتي مميزة
لو لقيتي لسانك بيتلجلج كده وانا بسألك عملتي إيه مفيد النهاردة يبقي نقطة ومن أول السطر
من دلوقتي حالا تحاولي تتعلمي تتحكمي في وقتك وتصرفاتك
أنا مش مهم
المهم انك لما تسألي نفسك عملت ايه النهاردة تلاقي حاجة مقنعة تقوليها
يلا مستنية ايه
ولو عايزة حماس صدقيني عندك منه بس حاولي تطلعيه وتدوري عليه
لو احتاجتي مساعدة أنا مش هتأخر عنك وعن كل زمايلنا
أحمد

[chocolata]

اولا فكرة الموضوع عجبيتنى جدااااااااااااااااا ياعايش وانا سعيدة انى بنضم لرواد دفتر الناجحين يمكن يبقى فيه امل فعلا واكون من الناجحين بالمفهوم العام اما بالنسبه ليا على المستوى الدراسى معملتش حاجه مفيدة لكن الحاجه اللى فرحتنى انى ساعدت ماما النهاردة فى شويه حاجات فى البيت وتطليع البطاطين عشان الشتا معلشى بحكى بالتفصيل شويه دا خلانى افرح لان كل حاجه ماما عازتها عملتها وبالتالى لو كانت لسه زعلانه يبقى زعلها بدا يقل الحمد لله ودا بالنسبه ليا خطوه للنجاح فى القرب منها تانى

[Dr.A7med]

اولا فكرة الموضوع عجبيتنى جدااااااااااااااااا ياعايش وانا سعيدة انى بنضم لرواد دفتر الناجحين يمكن يبقى فيه امل فعلا واكون من الناجحين بالمفهوم العام اما بالنسبه ليا على المستوى الدراسى معملتش حاجه مفيدة لكن الحاجه اللى فرحتنى انى ساعدت ماما النهاردة فى شويه حاجات فى البيت وتطليع البطاطين عشان الشتا معلشى بحكى بالتفصيل شويه دا خلانى افرح لان كل حاجه ماما عازتها عملتها وبالتالى لو كانت لسه زعلانه يبقى زعلها بدا يقل الحمد لله ودا بالنسبه ليا خطوه للنجاح فى القرب منها تانى

بجد انا شايف ان ارضائك ليها خطوة ممتازة جدا
عن تجربة
الفكرة مش فكرة رضا ربنا عننا وبس
أنا وحيد أمي وبتحبني أكتر من الدنيا وما فيها
وعشان أنا بسمع كلامها وبخاف جدا علي زعلها هي كمان بتخاف علي زعلي
ولانها ملكة البيت فبإيدها تخلق جو من الهدوء والتفاهم في البيت
لدرجة اني لما ببدأ في حاجة جديدة بقولهم في البيت ودي حاجة مش كتير بيعملوها
هقولكم سر
ماما عارفة أنا نفسي أرتبط بمين
ونتيجة لرضاها واقفة جنبي وبتشجعني وبتثق فيا
ولان رغباتي مش بتختلف كتير مع حدودها اللي بتزعلها
فهي واقفة جنبي قلبا وقالبا
شجع أمك وأبوك انهم يبقو جنبك عشان هما أكتر ناس مخلصة ليك
أحمد

[Dr.A7med]

أحب أقولكم إيه الصفة اللي نويت ألتزم بيها الأسبوع ده
قبل ما أقول أي كلمة هفكر ثانية واحدة
صح ولا غلط وبعدين هتكلم
من كان يؤمن بالله واليوم الآخر ، فليقل خيرا أو ليصمت
يا تري الكلمة اللي هقولها دي هغتاب فيها زميلي
يا تري هقول كلمة علي زميلتي
هتعلم بإذن الله ان الكلمة هتخرج ومش هعرف ارجعها تاني
اللسان نافذة علي القلب
إن قالت خيرا أنار القلب
إن قالت شرا أظلمت القلب
بجد وعد لكل الطلبة وأعضاء هيئة التدريس وإدارة الجامعة والمحافظ والرئيس
لا لا لا
ده وعد لربنا وبس
أنا هحافظ علي لساني
ادعولي ربنا يساعدني ويقدرني
بالمناسبة الشيخ علي جمعة هيزور الجامعة يوم الأحد الساعة 11 في كلية تربية
والدعوة عامة
أحمد

[chocolata]

الف شكرا يادكتور على ردك الجميل فعلا رائع ان علاقتك تبقى قريبه دايما بوالدك ووالدتك وان دايما تحسسها انها لسه ليها دور على طول فى حياتك انا بالنسبه لى الصفه اللى نفسى التزم بيها الااسبوع دا هى الكرامه الحفاظ عليها لازم دايما على راى اخويا افتكر انى تاج على رأس عيلتى يعنى دايما اشرفهم وبالتالى لو قللت من كرامتى او اهنتها يبقى بقلل منهم ودا ان مش هاسمح بيه ابدا ان شاااااااااااااااء الله وربنا يقدرنى

[Dr. Atallah F. Ahmed]

قيمة الحياة في إننا نعيش كل ثانية فيها واحنا مستمتعين بنجاح بنحققه

فعلا .....و بمشيئة الله يكون الدافع للاحساس بهذه القيمة مستمر و تكون نتيجته مقبولة و مثبته لك عند الله.
بالمناسبة قرأت موضوعك كإسترواحة اثناء تقييم ابحاث التاميفلو لوضع الترتيب و اختيار الأول الفائز بالجائزة و التقديم من كل مجموعة.
وفقكم الله

[Dr.A7med]

فعلا .....و بمشيئة الله يكون الدافع للاحساس بهذه القيمة مستمر و تكون نتيجته مقبولة و مثبته لك عند الله.
بالمناسبة قرأت موضوعك كإسترواحة اثناء تقييم ابحاث التاميفلو لوضع الترتيب و اختيار الأول الفائز بالجائزة و التقديم من كل مجموعة.
وفقكم الله

طبعاقراءة حضرتك لأي موضوع إضافة ليه
وان شاء الله منتظرين تعليق حضرتك علي خطواتنا وعلي نجاحاتنا
-----

الف شكرا يادكتور على ردك الجميل فعلا رائع ان علاقتك تبقى قريبه دايما بوالدك ووالدتك وان دايما تحسسها انها لسه ليها دور على طول فى حياتك انا بالنسبه لى الصفه اللى نفسى التزم بيها الااسبوع دا هى الكرامه الحفاظ عليها لازم دايما على راى اخويا افتكر انى تاج على رأس عيلتى يعنى دايما اشرفهم وبالتالى لو قللت من كرامتى او اهنتها يبقى بقلل منهم ودا ان مش هاسمح بيه ابدا ان شاااااااااااااااء الله وربنا يقدرنى

طبعا هيقدرك
بس أحب أفكرك بحاجة
الإنسان الراقي تصان له كرامته وتحفظ له هيبته
لو هتحافظي علي كرامتك برفض كل غلطة حد يغلطها فيكي وبالدخول في جدل ملوش قيمة يبقي بتعومي ضد التيار
صيانة كرامتك بيبدأ من جواكي
بصي جواكي هتلاقي كتيييييييييييييير
فكري خارج الصندوق وبلغينا في نهاية الأسبوع وصلتي لإيه مع حفظ كرامتك
ربنا يوفقك

[chocolata]

فى حاجه حصلت دلوقتى يادكتور انا حاسه فيها بشىء من الظلم ليا موضوع اتحذف وانا مش عارفه بجد ليييييييييه انا عارفه انى دى حاجه قليله اوى انى اكتبها فى موضوعك لكن مع الاسف مضايقااااااااانى جدا وخاصه ان موضوعى كان مصدر ضحك محترم ومحدش من المشاركين اعترض عليه بل العكس دول ضحكوا جدا عليه ولقى اقبال كبيير انا مش عارفه اعمل اييه بس حاسه انى محبطه شويه