هااااام لجميع الطلاب .. احذروا تبادل الماصات

[pharmacistina]

السلام عليكم ورحمة الله وبركاته

بعد التحية ..

نصيحة مهمة جت في بالي و حبيت أقولها ..

عارفين كلنا الأنفلونزا و تزايد الحالات و الظروف دي ,

و كمان الشتاء داخل و الأمور قد تزداد سوءا .. ربنا يستر


ممنوع تبادل الماصات يا جماعة ..

الماصة دي احنا بنحطها في الفم و أكيد بتمس الـ saliva يعني ممكن أوي تنقل عدوى الأنفلونزا ..

احنا متعودين سكشنن يطلع يبدل الأدوات مع السكشن اللي داخل ..

ممكن نتبادل كل الأدوات , فلاسكات , cylinders .. أي حاجة الا الماصات ..

علشان العدوى ..

حبيت أقول للتحذير .. خدوا بالكم ..

حماكم الله ..

[قناع الذهب]

انا معنديش ولا ماصة
باخد من واحدة صاحبتى فى اول السكشن واغسلها واجيب لينا كووووووولنا وخصوصا ان نفسى طويييييل
بس فعلا التبادل خطر
اللى هيجيب يجيب للكل يا اما تبقى ماصتة لوحدة

[Mahmoud_Seif]

الف شكر ليكي فارماسيستينا علي التنبيه

لكي سلاماتي

[*محبة رسول الله*]

ااه فعلا عندك حق

كل واحد يروح الكلية بماصته يا جماعة
ماصتك فى شنطتك وادواتك تبقى كامله
ربنا يستر
ده احنا بنعمل حاجات غريبه
لازم نستلف كده دايما

[دينا سالم]

جزاكي الله خيرا يا دكتورة
ربنا يخليلي أدواتي يارب

[دكتور فاتن]

thank you doctor

[sad heart]

ههههههههههه لا داعى للقلق بامر من الكليه ان شاء الله عمر ما الماصه هتقرب من افواهنا تانى ههههههههه بعد ما هنشترى البتاعه دى اللى بنحطها فوق الماصه ونظبطها بادينا وهى اللى هتقوم بالواجب ان شاء الله....على فكره انا مش بهزر والدكتور كمان قال ان احنا فى رابعه مش هندخل سكشن الميدسينال اللى جاى الا بيها وقال انها فى حدود 30 ج فلا داعى للقلق ههههههههههههههههههههههههههه بعد ماتبهدلنا شفط 4 سنين لسه بادئين نفكر فى صحتنا . بس كويس والله علشان الاجيال القادمه .

[محمد سمير]

بتاعة ايه دى اللى بتتحط فوق الماصه
؟؟؟


احنا ما اتفقناش على كده ههههههه

[Pharmcist_girl]

شكرا ليكى يا د_فارمسيستينا وانا ناويه اشترى pipette pump ديه لانها امن اكتر كمان يعنى

[B@Ssma]

ممممممم
انا معنـديش ولا ماصه ومقضياها تطفـل ع اصحـابى
بس عاده يعنى هما اللى بيجيبـولى
ربنا يسـتر
جزاك الله كل خيير يا دكـتورة