كفااااية!!!!!

[عبدالله عبدالرحمن]

خلاص زهقت ومش قادر أسكت ولو سكت هانفجر
ايه الفوضى اللى احنا فيها دى؟؟؟د
الانهارده كان أسوأ يوم شفته فى كلية الصيدلة
ومن اللى شفته
قلت لازم اتكلم
لازم أعرف لغاية متى هنعيش فى فوضى وعدم مسئولية
لغاية متى الطالب هيتعامل كحشرة ممكن تجاهلها
ومفيش أدنى احترام له ولوقته ولمجهوده
ولغاية امتى الطالب هيفضل مهمل ومخرب وبيضيع وقته فى الفارغ
دى مش كلية دا كلام فارغ
وحلقة مشاكل بلا حدود مش ممكن هنعديها لو فضلنا بالوضع ده

نا عارف ان انتوا مش فاهمين ايه الموضوع بس انا زعلان ومضايق لدرجة ان انا هنقد وبشدة وكلماتى هتبقى يد حديد وهتضرب بدون شفقة او رحمة
ومحدش يزعل من الكلام اللى هقوله سواء كان طالب او عضو هيئة تدريس او غيرهم
لأنى كل اللى هقوله واقع وحقيقى
ومحدش هيقدر ينكره.....................

ندخل فى الموضوع...
يرضى مين ان الطالب يطلع من بيته الساعة 8 الصبح عشان يروح المحاضرات بتاعته
ويتفاجىء ان مفيش محاضرات
ويقعد مرزوع فى المدرج من 9-11
يرضى مين ضياع الوقت ده
يرضى مين عدم التنبيه على الطلاب قبلها
يرضى مين ان الطالب يستنى من12ل2عشان يحضر سكشن
يرضى مين ان الطالب يفضل متذنب ؤشايل أدواتة الثقيلة جدا رايح جاى لغاية ماعنيه تطلع
بذمتكم فى طالب يقدر يستوعب ويفهم حاجة بعد ده كله
ايه ذنب الطلاب اللى بيسافروا ويحطوا أدواتهم فين مع غياب دواليبهم بسبب اهمال جسيم فى تخطيط ادارة الكلية للموضوع
فى مصلحة من ان يخرج الطالب مدمر نفسيا وجسديا؟؟؟
يرضى مين ان الدكتور يدى محاضرة 100 دقيقة ورا بعض
ويرضى مين ان بعض الدكاتره يدخلوا المدرج ويطلعوا بدون اى نتيجة غير انهم يحملوا الطالب هموم وارتباك اكثر
أعضاء هيئة التدريس.................. ادارة الكلية........
ليه دائما تتهموا الطالب بالأهمال ............................
ليه دائما كل حاجة كويسة والشمس مشرقة ....
والطالب مطحون ومتبهدل
المفروض ان كل طالب زى ابنكم
.............. اى خطأ ....او اهمال بيعلم الطالب انه يبعد ويهمل القيم
ليه ؟
ليه الفوضى والعشوائية
وعدم التخطيط
طول الأجازة بتعملوا ايه !
وليه دايما بنتحرك في الوقت الضايع فى الدراسة
ذنب ايه الطالب انه ميلقيش مصدر يذاكر منه فى مادتين الدكتور اللى ماسكهم خلص جزئه خلاص ومشى
كلنا لازم نراجع نفسنا وشوفوا احنا بنتظلم اد ايه

انا اسف لو تجاوزت حدودى او لهجتى معجبتش حضراتكم
بس انا تعبت ومعنديش استعداد افضل تعبان
الموضوع مش محتاج مؤتمرات ولا اجتماعات
لكن كل الموضوع اتقان للعمل وتخطيط
محتاجين وقفة مع النفس
وتشوفوا وتفكروا
ومتنسوش ابدا ان بأيديكم ...وبأيديكم بس
ان انتوا تغيروا المنظومة المعطوبة
والوقت بيجرى ومش هيستنى اى حد

بتهيألىى دا اللى انا عايز اقوله لأدارة الكلية وهيئة التدريس
وفى النهاية بقول ايوا حاسس برغبة منكم فى التغيير
وفى تغيرات طفيفة
ومحسوسة بعض الشىء
لكنها بطيييييئة والسلحفاة تسير أسرع منها!!!
طالب يائس


انت ...ايوا انت هو فى حد غيرك وصل للنقطة دى
ايوا انا بكلمك يا طالب كلية الصيدلة
ايه انت ايه يابنى ؟؟؟!!
مالك مش باين عليك حتى انك دخلت صنايع
زعلت لأ متزعلش
بزمتك دا لبس يتليس
دا كلام ينطقه دكتور مثقف
وايه اللى انت بتعملهده
ماسك القلم وبتشخبط على البنش
ايه..ايه
انا مالى
طب ماشى ياعم
انت ترضى تعمل فى بيتك كده
اسكت ..ماشى هاسكت بس هتروح فين من ربنا


انت يابنى ياللى فى المعمل خد بالك هتوقع الكيميكالز على الأرض وتوسخ البنش
بطل هزار وابعد عن الفلام؛مش شغال ليه
محضرتش الشرح
معاكش أدوات
ايه تانى
مش عارف الأدوات ايه اصلا!!!!!

انت يابنى ياللى مشغل أغنية الست نانسى الe.pكام
مشتغلتش اصلا!!!!!

فى ايه يا طلاب صيدلة مالكم كده انتوا صيادلة انتوا
انا شايف حاجة كده
مسخ صيدلى
انتوا مين
وهدفكم ايههه
امتياز
جيد جدا
يدوب انجح
وبعدين
استفدت ايه
فاكر حاجة عن أولى
وانت ياللى هتتخرج
فاكر حاجة أصلا
ليه ياجماعة
ليه سكتنا لما مكناش فاهمين
ليه سكتنا والدكتور بيبلعنا الكورس غصبا عننا
وليه سكتنا والدكتور بيلغى(ويزود حاجات .....ط)ربع المنهج وممكن نصفه
مستسهل
فاكر ان ده كويس
معلش ساعتها تبقى غبى
وبتضحك على نفسك
وفى النهاية هتطلع ولاحاجة
مهما جبت امتيازات أو حتى قفلت الأمتحان


وانت ياخويا ياللى سايبلى مصالحك ومذاكرتك وقاعد تعليلى صوتك وتقولى مظاهرة
يا جدع روح العبلك حبة كورة هينفعوك أكتر
مش حاسس ........ك وانت قاعد تزعق عشان كلام لا بيبودى ولا بيجيب
ممكن اٍسألك سؤال
انت عملت ايه فى صيدلة
عملت بحث كملت فى نقص منهجك!!؟؟
بلاش دى
حاولت تفهم منهجك نفسه
يابنى انت جاى تعمل ايه هنا بالظبط
روح ربنا يهديك

معلش طولت عليكم بس انا كده لما بتفتح محدش بيعرف يوقفنى
ويعلم الله ان كان عندى كلام اكتر بس لا الوقت ولا الكلمات ساعفنى
ويعلم الله ان كل كلمة قلتها او كتبتها كانت غيرة على الصيدلة وعلى الطالب وعتاب من ابن لأبيه الدكتور
لعل ندائى يخترق القلوب ويلقى الله فى قلوب الجميع ما أتمنى من قبول ورضا وهداية وان يصل المعنى الأصيل لكلماتى لكم
اشكر لكم سعة صدركم وقرائتكم للموضوع
وادين بالشكر لهذا النمتدى ان سمح لى بالتعبير عن مكنونات صدرى وتهديء روعى
والسلا عليكم ورحمة الله وبركاته

[dr/noony]

انا كمان زهقت وتعبت يارب صبرناااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااا
اضافة صغيرة
واللى مرصوصين على السلم فى الراحة والجاية
واللى قاعدين فاتحنها غرزة ياعلم ايه اللى بيدخنوه
ولا حد بيكلمهم
وووووووووووووووووووووووووووووعجبى

[dr/dina]

انت مغلطش فى و لا كلمه يا دكتور... كل كلمه قولتها صح... 100%....
انا و صلت لدرجه انى كرهت انى اروحها و فعلا بذاكر خوف من الامتحانات و ده مش ف الكليه بس ده من زمان من ايام المدارس و الثانويه العامه....
و فعلا نظام المحاضرات اللى ورا بعضها منستوعبش اى حاجه المهم المنهج يخلص و خلاص
و السكاشن و المدرجات الصغيرة و حاجات كتير
ربنا يسهلها بقه من عنده........

[HappySadness]

والله فعلا كلنا تعبنا ...والسنه دى بصراحه الجدول مش عارفه ماله ؟؟؟...
ادينا فى رابعه اهه بس مش عارفه برده اعمل ايه فى الجدول ..عماله اجيبها يمين اجيبها شمال ..برده الحكايه مش نافعه ..........الحل يا احضر السكاشن بس واكبر مخى على المحاضرات يا اما هفضل من 8 صباحا لغاية 7 مساء فى الكليه ....دا غير ان 8 دى يبقى لازم اقوم من النوم الساعه 6 ونص عشان اخرج من بيتنا 7......ولا كأننا نازل لنا جدول اننا هنبدأ 9 ولا اى حاجه

[lost*soul]

كلكو تتهمو الكليه وادارتها.........!!!!!!!!!1

ع فكرة الكليه فعلا كويسيه والعميد بيلبى رغابتكم عيزين المواعيد من 9 وقدكان

وبعدين ديما ومعروف الكليات العلميه تتاخر بالوقت

ندوات واجتماعات بالطلبه لحل مشاكلها والدروس الخصوصيه وعملو

منتدى وعليه اعضاء تدريس بينزلو ويتكملو معاكو لازم يحترمو

الدولايب فعلا لازم تتوفر والعميد بيحاول ف ده بس هو شغله كله مش مقتصر ع دواليب

زعلان دارك ع ساعات قضتها فاضى ف الجامعه ف انتظار سكشن.... كان ممكن تروح المكتبه.... تعمل نشاط ليك..... وقت فراغ بس طالب استغلال صح

فى دكتور كبير ف السن والمسؤليات عليه كتير وبينزل يديك المحاضرة وربنا وحده اعلم بمسؤلياته ومع ذلك يدخل المدرج يلاقى فيه ما لا يتجاوز عدد الاصابع

كانو في ناس قبلكو بنفس الظروف واسوء وتفوقو ونجحو

بلاش نلعن الظروف بس نلعن عقلنا انه اقنعنا بالعيوب والى ممكن نحولهالميزات

انا كنت طالبه وبحضر زيكو سكاشن ومحاضرات وبتكون شئ حلو انك تقعد قدام دكتور ويشرحلك حاجات هتفيدك انت هو مش محتاج انها تتعاد قدامهم ليستفيد منها

ممكن انت حاسس ان المواد لا علاقه ليها بصيدله بس ف 3 و 4 هتحس فعلا انك بتستفيد وهيدرسلك دكاترة ماشاالله عليهم ممتازين




مهما كنا زعلانين احنا بنتكلم عن دكاترة واساتذتنا ومنهم علماء
والله العميد مدلعكو عن الدفعات السابقه

[Dr/HULK]

1





الدولايب فعلا لازم تتوفر والعميد بيحاول ف ده بس هو شغله كله مش مقتصر ع دواليب

زعلان دارك ع ساعات قضتها فاضى ف الجامعه ف انتظار سكشن.... كان ممكن تروح المكتبه.... تعمل نشاط ليك..... وقت فراغ بس طالب استغلال صح

انشطة ايه اللى نعملها يادكتورة وكل واحد شايل الفأس (الحامل) فى ايد والمدفع(الرول) فى الايد التانية وكمان شايل شنطة الادوات على ظهره ومستنى سكشن الساعة 2 بعد المحاضرات اللى حضرناها عشان مناخدش حاجة غير محاضرة واحدة يادوب نص ساعة

وبعد دا كله ندخل سكشن يادوب ساعة بالكتير اوى

[lost*soul]

انشطه دى ترجع لهواياتك

معلش استحملو بكرة يكون فى دولايب وترتاحو

[خادم أبى القاسم]

إنا لله وإنا إليه راجعون..لا حول ولا قوة إلا بالله العلى العظيم.

[Amira]

والله عندك حق يا دكتور انا يومين ورا بعض يبقى ورايا سكشن يخلص 11.30والمحاضره 2.30 واليومين دوول بنروح الساعه 6.30 وبفضل طوووووووووووول اليوم اخد محاضره وتخلص تيجى الللى بعدها يقولو الكلمتين ويمشوا وانا هفرقع
والا فى معمل العضويه البنش اللى انا عليه كله بيقعد على الارض وانا بفضل اشتغل ولما ماافهمش حاجه اضطر اروح اسأل حد على البنشات التانيه
والله العظيم حرام والمواد اللى تتلغى وترجع والدكتور اللى يزعقلى علشان بقوله السكشنين متعارضين مع بعض يقولى مش هغير الجدول بتاع 1000 طالب علشان خاطر 30 طالب فى السكشن مع انه غلطان والمفروض يشتغل الاسبوع التانى مش الاول
وطبعا الطلبه بيعملو بلااااااااااااااوى اكترر من كده كمان
حسبنا الله ونعم الوكيل

[Mohamed Al Gohary]

ممكن تقولوا حلول عمليه من وجهة نظركم تحلوا بيها المشاكل دى .. بدل من الاكتفاء بسردها وخلاص ..