قصة مرعبة جدا...ربنا يستر...

[Nayroz]

انا مش عارفة المفروض القصة دى تبقى هنا على الترفيهى ولا المفروض كانت تتحط على العام
بس انا قولت زى مافى ناس لما يحبوا يفرفشوا يتفرجوا على فيلم كوميدى ...فى ناس تانين بيحبوا يتفرجوا على فيلم رعب

انا النهاردة جايبالكوا قصة مرعبة حبتين......ربنا يستر......

حدثت هذه القصة فعلا فى الواقع...ولولا انى على معرفة وثيقة باحد اطرافها ما كنت صدقت منها كلمة واحدة... وغرضى من سردها ليس ارعابكم ولا القاء الخوف فى قلوبكم بل لكى تدركوا ان الله حق وهى مليئة بالحكم والعبر التى يجب ان ناخذها فى عين الاعتبار

كفاية رغى بقى ..القصة بتقول...

فى يوم من الايام كان هناك شابين فى رحلة الى الفيوم وكانوا يقودون السيارة بسر عة
عالية وفجأة رأوا شخصا يرتدى ملابس سوداء يعبر الطريق ولكن للسرعة الزائدة لم يستطع الشاب السيطرة على السيارة مما أدى الى دهس الشخص الذى كان يعبر الطريق
فحاول الشاب ايقاف السيارة ليتأكد من سلامة الشخص الذى دهسوه..فوجدوه امرأة عجوز... وكانت على قيد الحياة....فاسرعوا بها الى السيارة لاخذها لاقرب مستشفى ولكن كما تعلمون ... المكان الذى وقع فيه الحادث كان مقطوعا ولا يوجد فيه احد والمسافة بعيدة جدا الى المستشفى ولكنه حاول ان يبذل اقصى جهده للوصول لاقرب مشفى صحى وفجأأأأأأأأة.......
اختفت المرأة العجوز من السيارة
فهلع الخوف فى الشابين وهم فى طريقهم وقفوا فى محطة وقود ليتزودوا بالوقود ويأخذوا قسطا من الراحة ولكن الخوف يدور حولهم فى كل مكان ... فاخد الشابين يقصون ما حدث لهم مع المراة العجوز الى العامل فى محطة البنزين.. فحاول العامل ان يساعدهم فدلهم على قرية كانت بجوار المحطة على بعد بضع كيلوميترات ليلتقوا برجل يعلم امور العلم والجان
فذهب الشابانوسالوا عنه واستطاعوا ان يجدوه واخبروه بما حصل لهم فحاول الرجل ان يساعدهم باعطائهمايات قرآنية ملفوفة بجلد لتحميهم من المس واخبرهم بان لا يعودوا الى المكان الذى جائوا منهوان يكملوا طريقهم الى المكان الذى يقصدوه..
فرحل الشابان و اكملوا طريقهم وهم خائفان..وهم فى طريقهم نسوا ما حدث لهم وفجأة رجعت المرأة العجوز فى نفس المكان الذى وضعوها فيه (المقعد الخلفى من السيارة) فاشتد عليهم الخوف فحاول الشاب المساعد للسائق ان يكلم المراة العجوز ويطلب منها السماح لما فعلوه بها وانهم سوف يلبون اى طلب تطلبه منهم
فقالت:ساسامحكم بشرط ان تلحسوا الدماء التى على ثيابى بالسنتكم لتزيلزا اثار الدماء نهائيا لكى استطيع ان اذهب لمقابلة زوجى....
فاجاب الشاب: مستحيل ... مستحيل..
فردت عليه العجوز:........ مع تايد فى الغسيل مفيش مستحيل



اسفة لو كنت رعبتكم بس بجد حبيت اضحكم


من غير ضرب بقى قولولى رايكم ايه فى القصة المرعبة خالص دى......
هستنى مشاركاتكم

وسامحونى لو التوبيك متكرر

[dry_tears]

الله يسامحك دة انا كنت بدات اندمج والله انتى عايزة الضرب

[dr\sandrila]

الله يسامحك بجد انا كنت صدقت

[simsimstar]

الموضوع بجد جميل والنهاية أجمل
أنا بجد صدقت وبعدين كده النهاية حلوة
بدل ما يبقى فى حاجات صعبة

really thank you for the very nice topic


MY GREETINGS

[Dr. Sahar]

انا مجهزه العصايه لاني كنت دخلت في المود اوي وبدات اترعب بس بجد موضوع ظريف اوي
لا وعامله حركه تبريرك لكونه في المنتدي الترفيهي عشان نصدق انها قصه حقيقيه لا والله بجد حلوه

[sunflower]

انا فعلا خفت والله

انتى والله عاوزة ال ........

يللا بقا المسامح كريم

انا هفوتها المرة دى بس

بس والله topic رااااااااا اااااائع من بنوته عسوله

[Rooose]

أنا كنت بقرأ الكلام وتفكيري واقف ومش عارفة أتوقع أي حاجة وصدقت لأن حضرتك قلتي انك تعرفي أحد أطراف الحكاية فقلت يبقي الموضوع حصل وكنت مستنية أقرأ أي كلمة تحل اللخبطة اللي كنت فيها!!!
بجد مقلب جاااااااااااااااااااااااااامد ولذيذ...

[قناع الذهب]

فردت عليه العجوز:........ مع تايد فى الغسيل مفيش مستحيل

كركركركر هههههههههههههههه
عسل والله عسل
مش عارفة ريحة تايد بتحوم حولين القصة لية وانا قلت انسى واكمل واندمجت وخفت بقة وكدة ولقيت سى تايد راجع تانى

قصة مرعبة مووووت يارب اعرف انام النهاردة بقة

[boymooot]

يااااااااااااااااااااااااااه ده انا مت من الرعب

[Nayroz]

الله يسامحك دة انا كنت بدات اندمج والله انتى عايزة الضرب

يارب ربنا يسامحنى ..بس والنبى من غير ضرب ولو ان الضرب منك ممكن يبقى ليه طعم تانى ياقمرة

الله يسامحك بجد انا كنت صدقت

معلش بقى يا سندريلا ...بس بجد حبيت اضحكوا....تسلمى يا عسل على المشاركة

الموضوع بجد جميل والنهاية أجمل
أنا بجد صدقت وبعدين كده النهاية حلوة
بدل ما يبقى فى حاجات صعبة

really thank you for the very nice topic


MY GREETINGS

هى دى الاراء والا بلاش.......مرسى ليكى يا دكتورة على المشاركة الغالية دى....نورتى...

انا مجهزه العصايه لاني كنت دخلت في المود اوي وبدات اترعب بس بجد موضوع ظريف اوي
لا وعامله حركه تبريرك لكونه في المنتدي الترفيهي عشان نصدق انها قصه حقيقيه لا والله بجد حلوه

شكرااااا ليكى كتير يا دكتورة....على المشاركة وعلى العصاية.....وحكاية تبريرى للموضوع دى عملتها مخصوص ع تندمجوا جامد فى الموضوع . ع بعد كدة الضحكة تخرج من القلب.....نورتى.

انا فعلا خفت والله

انتى والله عاوزة ال ........

يللا بقا المسامح كريم

انا هفوتها المرة دى بس

بس والله topic رااااااااا اااااائع من بنوته عسوله

بجد اسفة انى رعبتك........وانتى بجد اللى بنوتة زى العسل والشربات كمان....نورتى....

أنا كنت بقرأ الكلام وتفكيري واقف ومش عارفة أتوقع أي حاجة وصدقت لأن حضرتك قلتي انك تعرفي أحد أطراف الحكاية فقلت يبقي الموضوع حصل وكنت مستنية أقرأ أي كلمة تحل اللخبطة اللي كنت فيها!!!
بجد مقلب جاااااااااااااااااااااااااامد ولذيذ...

يلا يا ستى اى خدمة ..اى مقلب انا جاهزة...وبجد شكرااااا كتير على المشاركة الغالية دى...نورتى ياقمر....

كركركركر هههههههههههههههه
عسل والله عسل
مش عارفة ريحة تايد بتحوم حولين القصة لية وانا قلت انسى واكمل واندمجت وخفت بقة وكدة ولقيت سى تايد راجع تانى

قصة مرعبة مووووت يارب اعرف انام النهاردة بقة

ههههه.....بتقريها وهى طايرة يا دكتورة......وبجد مشاركتك دى غالية بالنسبة ليا اوووى...تسلمى يا جميل على المشاركة.....نورتى........

يااااااااااااااااااااااااااه ده انا مت من الرعب

معلش يا دكتور انا اسفة.بس هو المقلب كدة.....وعقبال المرة الجاية...نورت يا دكتور



ايه ده بقى فين بقيت جمهور المنتدى الترفيهى ...عايزة مشاركات اكتر من كدة....