يبقى انا اكيد فى صيدلة

[wh_kaboo]

يبقي انا اكيد في صيدلة

انا بهدي القصيده دي لاهل صيدله الكرام والي انا واحد منهم

يا رب تعجبكو زي ما عجبتني




طول عمري بحب التعليم
أصل أنا واد في العلم قديم
كان مجموعي في الثانويه
حاجه بتاع سبعه و تسعين في الميه
قلت يا صيدلة أما بلاش
شغلانه غيرها ما تنفعناش
أول سنه كان كلي حماس
قافل علي نفسي الترباس
أحضر سكشن أسلم شيت
كنت بنام زي الكتاكيت
أول ترم عدي عليا
أتمنيت أرجع ثانويه
أخد نجمه وأغني بلادي
أخد فسحه وألعب عادي
بس يا عيني مش وقت رجوع
أنا عيني خلاص عالمجموع
أول سنه عديتها نضيف
والمجموع كان برضه ظريف
جبت يا دوب سبعين في الميه
راحت فين أيام ثانويه؟
ومن يوميها أنا أتجنيت
ولا عمري في حاجه عديت
بكتب أسمي و أطلع تاني
تعمل أيه لو كنت مكاني؟
حبه بحبه بقيت بلاص
بس يا ناس مرفوع الراس
أخد الصفر وأحاول تاني
أنا يائس كده ليه وبعاني
نفسي أجيب لو يوم مقبول
حد يقولي مين مسئول؟
أن أحنا في ساقيه بنتعلم
ولا راضي حد يتكلم
خلينا مشيين جنب الحيط
عاشقين أوي فن التخبيط
حاول تفهم مني كلامي
ولو ما فهمتش حعيد من تاني

[yojeena]

[dano_90]

لالا تعيد ايه بس ؟؟ الكلام مفهووووووووم

جاااااااااااامده بجد يادكتور !!!!

(thanks)

[dr_orchida]

لا لا رووووووووووووووووووووووووعة بجد

تسلم الايادي

[wh_kaboo]

لالا تعيد ايه بس ؟؟ الكلام مفهووووووووم

جاااااااااااامده بجد يادكتور !!!!

(thanks)

خلاص بلاش نعيد
شكرا على المرور

لا لا رووووووووووووووووووووووووعة بجد

تسلم الايادي

شكرا على المرور

-----

[dry_tears]

حبه بحبه بقيت بلاص
بس يا ناس مرفوع الراس
أخد الصفر وأحاول تاني
أنا يائس كده ليه وبعاني
نفسي أجيب لو يوم مقبول
حد يقولي مين مسئول؟
أن أحنا في ساقيه بنتعلم
ولا راضي حد يتكلم
خلينا مشيين جنب الحيط
عاشقين أوي فن التخبيط

[wh_kaboo]

[dr_pharma]

بجد موضوع معبر وانا شيفه الموضوع اوى كده فى امتحانات السنادى. بس الحمد لله.

[dr_sho0osho0o]

حاول تفهم مني كلامي
ولو ما فهمتش حعيد من تاني

لا بلاش تعيد مش كفاية قلبت علينا المواجع



بس بجد موضوع لذيذ


كل اللي بيحصلنا وبرده بنحبها
يبقي احنا اللي نستاهل

[bosycat]

thnxx awii gamda gdn yala kolha bta3 4 seneen w a5alas