صفحة 1 من 4 123 ... الأخيرةالأخيرة
النتائج 1 إلى 10 من 33

الموضوع: الفرق بين شباب 1930 و شباب 2009 ؟؟؟؟

  1. #1
    Pharma Student
    تاريخ التسجيل
    Feb 2008
    الدولة
    فى البيت
    المشاركات
    3,924

    افتراضي الفرق بين شباب 1930 و شباب 2009 ؟؟؟؟

    البنت لما حد يسألها..إنتى مخطوبة؟

    زمان:- لسه ربنا مأذنش,وعينها فى الأرض ووشها يحمر.
    دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت


    *الولد داخل على باباه ياخد مصروف الاسبوع

    زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
    دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيـــــــــــــــــــــــــــــ ــى


    *خروج الولد وموعد رجوعه البيت

    زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
    دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .


    *دخول الاب البيت

    زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.
    دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب)
    الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.


    *نزول الولد لشراء احتياجات البيت

    زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
    دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!


    *نزول المرأة للعمل

    زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
    دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!
    ولسسسسسسسسسسسسسسسسسسسسسه
    سمسمة

    ***********************************

  2. #2
    Pharma Student
    تاريخ التسجيل
    Oct 2009
    الدولة
    ♥ ______ ♥
    المشاركات
    1,789

    افتراضي

    اية الموضوع الجامد دة تسلم الأيادى بجد موضوع حلو جدااااااااااا وعاجبنى أوى

  3. #3
    Pharma Student
    تاريخ التسجيل
    Feb 2008
    الدولة
    فى البيت
    المشاركات
    3,924

    افتراضي

    تسلمى يا قمر
    نورتى التوبيك وانا مبسوطة انة عجبك

  4. #4
    Pharma Student
    تاريخ التسجيل
    Oct 2009
    الدولة
    اخر الدنيا ع اليمين
    المشاركات
    401

    افتراضي

    قديم بس جاااااااااامد مووووووووووت

  5. #5
    Pharma Student
    تاريخ التسجيل
    Feb 2008
    الدولة
    فى البيت
    المشاركات
    3,924

    افتراضي

    ههههههههههههههههه ومالووووووووووو
    اهم حاجة انو عجبك

  6. #6
    Pharma Student
    تاريخ التسجيل
    Mar 2009
    الدولة
    يارب فى الجنة
    المشاركات
    1,468

    افتراضي

    موضوع جميل يا سمسم وانتى عندك حق والله ده فعلا اللى بيحصل ........هى الناس جرالها ايه يا ولاد
    الدنيا حالها اتشالب ليه......................تسلم الايادى

  7. #7
    Pharma Student
    تاريخ التسجيل
    Feb 2008
    الدولة
    فى البيت
    المشاركات
    3,924

    افتراضي

    الله يخليكى يا جميل
    فعلا زمان مش زى دلوقتى
    هييييه ... هناخد زماننا وزمن غيرنا p:
    هههههههههههه نورتى يا قمر

  8. #8
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    ههههههههه
    خليتيني اضحك وانا كنت مضربه عن الضحك
    هيا الدنيا جرا فيها ايه اختي قول للزمااااان ارجع يا زماااان


  9. #9
    Pharma Student
    تاريخ التسجيل
    Jul 2008
    الدولة
    In my HEART .
    المشاركات
    15

    افتراضي

    ههههههههههههههههههه
    حلوه اوى يا دكتوره تسلمي
    بس احلى حاجه ان الفروقات واضحه اكتر عند الولاد مش عند البنات لسه برده محتفظين بالهيبه بتاعتنا

  10. #10
    Pharma Student
    تاريخ التسجيل
    Feb 2008
    الدولة
    فى البيت
    المشاركات
    3,924

    افتراضي

    هههههههههههههههههههههههههههههه
    مضربه عن الضحك ليه بس يا يوجينا والله دايما ربنا بيعمللنا اللى فيه الخير
    بس انا مبسوطة انى ضحكتك
    نورتى يا جميل
    -----
    اقتباس المشاركة الأصلية كتبت بواسطة magic love مشاهدة المشاركة
    ههههههههههههههههههه
    حلوه اوى يا دكتوره تسلمي
    بس احلى حاجه ان الفروقات واضحه اكتر عند الولاد مش عند البنات لسه برده محتفظين بالهيبه بتاعتنا

    ههههههههههههه الله يخليكى
    نورتى التوبيك

صفحة 1 من 4 123 ... الأخيرةالأخيرة

المواضيع المتشابهه

  1. يلا يا شباب كل واحد يختبر ذكائه
    بواسطة M.32L في المنتدى المنتدي الترفيهي
    مشاركات: 38
    آخر مشاركة: 02-02-2010, 09:34 PM
  2. ياااااااااارب تب علي شباب المسلمين
    بواسطة الرميساء في المنتدى المنتدى الاسلامى
    مشاركات: 1
    آخر مشاركة: 04-01-2010, 01:41 AM
  3. مركز شباب الحاجة سميحة!
    بواسطة M_S_SH في المنتدى المنتدي الترفيهي
    مشاركات: 18
    آخر مشاركة: 28-11-2009, 01:34 PM
  4. حوار بين اتنين ستات ميتين
    بواسطة sara ahmed في المنتدى المنتدي الترفيهي
    مشاركات: 16
    آخر مشاركة: 08-10-2009, 08:50 PM
  5. مشاركات: 5
    آخر مشاركة: 23-05-2009, 10:01 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •